2014年10月31日星期五

羅麥記 Law Mark Kee:麥有所值

早前同老婆、表姨甥行完麥理浩徑,第一次嚟大賣懷舊情懷嘅「羅麥記」食晏,知道太古及將軍澳都有分店,但相對唔就腳,屯門店就較順道啲。其實嗰次都志在個懷舊環境,因為好多牆畫、公仔、標誌都伴著小弟一同成長,份外有共鳴,不過,當日樣樣都幾好食,但個滑蛋牛肉煎脆米喺失手之作,所以,只喺可以俾個OK佢,有啲百「麥」一疏。今次同幾個朋友再訪,比起上次就物有所值嘞。

2014年10月27日星期一

大力棒棒摩登中菜 Bang Bang Modern Chinese Cuisine:摩登蟹粉私房宴

上次同屋企人嚟食飯時,已聽過店主講佢哋除主打摩登中菜外,更有搞吓私房菜,仲趁唔同季節加入時令食材,就好似踏入深秋,大閘蟹喺時令,就以蟹粉入饌,一早約定一班好友,一試「大力棒棒」嘅蟹粉私房宴。

2014年10月24日星期五

甜入心 Heart's Dessert:優心重重

依個年頭,社會氣氛唔好,公司氣氛又唔好,聽唔少朋友講都想轉轉工,大家都憂心忡忡,好似無咩出路。做朋友嘅,可以做嘅都喺聽你分享,意見就真喺俾唔到,另外,就喺帶你食啲甜品,舒解一下悶氣及鬱結。

黃山美景純玩團 - 第5日

24 Oct, 2014 (Fri) 晴 19-23°C

行程的最後一天,悠閒地吃過早餐後,收拾行李,乘旅巴前往是次旅遊團的最後一個景點「徽州文化博物館」,安排了一個多小時的參觀,其實有些不足夠。

隨後送往黃山屯溪機場,乘坐香港快運12:50pm班次(UO2345)飛返香港,由於是廉航包機,就沒有餐膳安排,故早餐吃得豐富一點。抵港後,再在環亞機場貴賓室吃個「下午茶」才回家。

2014年10月23日星期四

黃山美景純玩團 - 第4日

23 Oct, 2014 (Thur) 是日天氣:晴 8-16°C(山上) / 20-26°C(山下)

昨天晚上9:00pm已就寢,皆因今早比昨天更早起床,清晨5:00am天還黑漆漆我們整團人由導遊小胡帶領出發前往「北海風景區」的始信峰看日出,回程順道看看連理松、夢筆生花等景點,返回飯店剛好是早餐的時間。

小休過後,就是告別西海飯店的時候,背上簡便行李,遊走北海風景區餘下的景點,個半小時的行程上下山的坡度不大,所以,稱得上輕輕鬆鬆。遷就行程緣故,亦比平常早點吃午飯。然後,前往雲谷車站,乘索道下山,返回黃山市中心。

下午的行程就只有到訪「屯溪老街」購購物,看看手工藝品,而晚上安排了一項自費活動「黃山徽韻秀」,是一項不錯的綜合表演。是夜,又再下榻我們第一晚初來報到的黃山高爾夫酒店,整個行程也近尾聲,可以輕鬆地休息了。

2014年10月22日星期三

黃山美景純玩團 - 第3日

22 Oct, 2014 (Wed) 是日天氣:晴 6-11°C(山上)

昨夜早早休息,皆因計劃今早凌晨起身,到附近的光明頂看日出。5:30am出發摸黑上頂,但走路不易,因為前一日下過雨,路段濕滑又大霧,其實有點點危險,結果也看到氣勢磅礡的雲海。 

早餐過後,是我們真真正正的第一次遠足黃山,今早這行程簡單點由白雲賓館來往玉屏峰的「玉屏風景區」,來回用了3.5小時,上落坡度不算大,故可以稱得上全程輕鬆的走。 

返回白雲賓館小休,午飯後先到附近的新景點「西海大峽谷」遊走;3:00pm正式跟前山說再見,背上背包出發往後山的駐紮地「西海飯店」,途經順道遊覽多個西海風景區景點,更在丹霞峰看日落,何其寫意。 

西海飯店是山上少有的5星酒店,更是小弟沒有想過的豪華卻不俗氣,晚餐設在酒店內的中餐館,而晚餐亦比預期中豐富。跟昨晚一樣,早一點吃完晚飯,亦早一點休息,準備明早的觀日。

2014年10月21日星期二

黃山美景純玩團 - 第2日

21 Oct, 2014 (Tue) 是日天氣:陰雨 22-23°C(山下) / 8-12°C(山上)

第一晚及最後一晚所住的酒店均是「黃山高爾夫酒店」,因為我們將會在黃山山上住兩晚,山上基本上是沒有交通工具,無法攜帶大型托運行李,所以,全部大型行李都會寄存於酒店內,加上我們需要陡步由前山行往後山,故上山只會攜帶輕便隨身行李及基本衣物作兩日之用。

今早早餐吃得有點趕,因為8:00am就要在大堂集合,出發前往黟縣(音:衣)宏村,是奧斯卡獲獎電影「臥虎藏龍」的主要拍攝地之一,因而聞名中外,其實亦是一個很有意境的古村落,唯可惜是日下雨,影響了行程。

午餐於宏村內一個古宅吃地道風味午飯,之後續遊宏村。12:45pm離開,向黃山風景區進發,會先乘坐約10分鐘的索道至半山,才再陡步前往目的地「黃山白雲賓館」。由於天雨下過不停,山間雲霧十分大,實際上看不到任何風景,基本上是直接往賓館去,約1.5小時的步程,故比原定早了很多到達賓館。

天氣太差,亦看不成日落,晚餐亦安排得早一點,5:30pm就在酒店的中餐廳吃過就算了,同時,趁此早點休息,好讓明早清晨上光明頂看日出。


2014年10月20日星期一

黃山美景純玩團 - 第1日

20 Oct, 2014 (Mon) 晴 28℃-30℃

很久沒有跟旅行團了,趁着年輕力壯很想到黃山走走,所以,到黃山自由行似乎感覺安排上有點麻煩,所以,跟團是最便捷的,而且,現在好些旅行社包機直接前往黃山屯溪機場,不用在杭州往返,省卻6小時車程,時間更充裕,玩得更輕鬆。 

5天的旅程,登黃山固然是「戲肉」,所以,揀團時我們就選了住在前後山各一晚的行程,務求更深入細緻欣賞黃山美景,更寧願繳付高一點團費選擇純玩不購物的團,此外,還遊覽了在屯溪及宏村的多個景點,大致行程如下:
Day 1 – 早上10:00am航班,12:00pm就抵達黃山屯溪,午餐包廂享用徽州風情宴,是日主要景點有棠樾牌坊群、鮑家花園、徽洲照壁;
Day 2 – 早上,先遊覽宏村,下午就開始登黃山,然而,是先乘索道至半山才開始步行,進入白雲景區; 
Day 3 – 清晨在光明頂看日出,早餐後往前山玉屏峰,途經多過景點,午飯後到西海景區,之後前往後山去,在丹霞峰賞日落;
Day 4 – 清晨到始信峰看日出,早餐後向北海景區進發,途經多過景點,午飯往雲谷車站乘索道下山,下午還到了屯溪老街走走,晚上自費欣賞表演「徽韻」;
Day 5 – 是日行程,只安排了參觀徽州文化博物館,之後,再到機場準備乘12:50pm包機回香港,結束是次旅程。 

因為選了住兩晚山的團,所以,要登山的路程可不少,最長的一天可走了6、7個小時,但比預期輕鬆,一來與太太有遠足的習慣,二來分段而行。另外,為保持黃山為世界自然與文化雙遺產,山上很多事情是禁止的,避免出現破壞,還擔心食住也不好,誰知兩方面也十分滿意。
是次團費為HK$4,199 / 位,另加機場稅、燃油附加費、旅行團小費、自費項目、雜項,最後結帳兩人全程合共只用了HK$11,862,是一趟使費不太高的旅程。 


2014年10月17日星期五

薈萃閣 ip cafe:萃月友情

去酒店嘅西餐廳都唔一定喺食自助餐嘅,其實,好多酒店內嘅餐廳除提供自助餐,一般都會有散點菜式,以迎合唔同住客需要,加上絕大多數酒店有送餐上房嘅服務,「散點」就更加不可或缺。今晚,又同幾位好姊妹嚟到薈萃閣聚餐,由於同行朋友本身對自助餐非抱有大興趣,亦唔喺大食之人,散叫勝在貴精不貴多,所以,一於散叫最啱佢哋。

2014年10月16日星期四

Honey Creme:再闖糕蜂

上次首嚐蜂巢雪糕(見食評「韓蜂襲港」http://garycwm.blogspot.hk/2014/09/honey-creme.html),已對依種原粒蜂巢加超滑香濃嘅軟雪糕印象深刻,尤其粒蜂巢金黃閃亮,外觀晶瑩,入口煙韌,蜜潤清甜,極之討好。今次再想分享另外幾款味道,雖然店舖開檔已過多月,而隔離大坑亦有相類似嘅店舖出現,前文提及嘅本土店亦再晌旺角開分店,但Honey Crème門外人氣依舊,集結不少後生仔女輪候買雪糕。

2014年10月12日星期日

東海堂 Arome Bakery:秋風起,食件梨!

之前都寫過唔少東海堂嘅cake little系列,好多時家人或朋友生日,而人數唔多嘅話,都幾鍾意買個細細哋嘅蛋糕慶祝吓,cake little個份量就啱啱好,適合4-5人食。今晚由小弟下廚煮餐飯俾屋企人食,買餸時就順道落去港鐵嘅東海堂,買個蛋糕仔,既作飯後甜品,亦作老婆嘅生日蛋糕。

2014年10月11日星期六

Fiat Caffe:一飯之因

第一次幫襯「快意」喺銅鑼灣店,其中一道米形意大利粉叫小弟最為難忘,本來一直有想帶老婆去試嘅打算,不過,年復年一直未成事。卒之,見佢銅鑼灣店結業,搬咗過嚟尖沙咀,位置對我倆就更加就腳,所以,趁佢生日,帶嚟慶生食餐「飯」。

2014年10月7日星期二

上海婆婆336 Shanghai Po Po 336:初次蟹逅

大概半年前嚟過上海婆婆336食飯,由於菜式帶點新派,又做得有水準,所以,對該餐印象唔錯,記憶猶新。從雜誌知道佢哋出咗啲蟹粉菜式,就搵埋幾個朋友一齊試吓,初次邂逅佢嘅蟹粉菜式,唔知水準又如何呢?

2014年10月6日星期一

Kowloon East Kitchen – 東闖西撞.東九廚房

繼早前同舊同事嚟過觀塘漢和食韓燒,因為朋友喜歡四處尋幽覓食,今次就跟朋友再嚟到觀塘,一試廠廈裡Café小店嘅歐陸美饌。每次再走進工廠區,已然睇到好大嘅變化。就好似今晚所到嘅Kowloon East Kitchen,位處一幢舊廠廈,仲喺拉閘式升降機,而該廠廈對面就已經有幢新簇得緊要嘅新商廈,雙映成趣,見證工廠區嘅轉變。

2014年10月5日星期日

大自然素食 Gaia Veggie:一素而空

本來同老婆撐枱腳嘅生日飯,因為佢要加班而改期,所以,佢今個生日嘅第一餐慶生飯反而同佢屋企人爬咗頭食先。自從佢加入「綠色星期一」行列之後,就連平常食蔬肉、素食都多咗,既然喺佢嘅生日,自然由佢決定食乜,故此,選址荃灣廣場嘅「大自然素食」,一來帶點新派有啲新意,二來對我哋嚟講就腳,搭西鐵一個站就到。

2014年10月2日星期四

羅麥記 Law Mark Kee:百麥一疏

趁著天朗氣清,又喺放假,最好節目都喺行吓山,接觸一吓大自然,因為家住美孚又近西鐵,所以,好多時行山都揀西鐵北行沿線。今次想輕鬆啲,就選咗麥理浩徑第10段,低難度,平路多,一大段喺沿引水道行,不過,就番交通、食晏,所以我哋先入到屯門,行過去麥理浩徑嘅終點,由尾倒轉行,兼且趁中段退路位出番掃管笏,再返屯門V City搵食,又方便搭番車返屋企。心水揀咗羅麥記,純因想帶表姨甥嚟了解吓啲「懷舊」嘢。