鴻福堂 Hung Fook Tong：家家糕興

晌年三十同親友食團年飯，除咗有得食，仲有得拎，就喺表外甥女大派鴻福堂賀年糕點，有金腿瑤柱蘿蔔糕及燕窩楊枝甘露糕。而今次鴻福堂嘅糕點就用咗「家家糕興」為題，玩食字，啱晒我啦，況且，家家有份，我仲兩款口味都拎晒，所以，認真貼晒題：家家「糕」興。

多彩皇宮 Wonder Land Seafood Restaurant：多姿多采團年飯

之前幾餐同一大班親戚食嘅節日飯都喺晌深水埗德興，貪佢嘅全包宴一圍12人千七蚊都唔到，本來今年嘅團年飯都打算再去德興，不過，團年飯就做得無咁平，較低嘅一款都要成$2,881。講質素，德興只屬於中中等等，所以，團年飯繼上年之後，今年再次翻兜多彩皇宮，一來份量比德興更多更足，二來質素上亦比德興高少少。

好日子酒家：團年好日子

年年同兩邊屋企人、親友都有幾餐團年飯，跟住又有團拜，開年，食盆菜，農曆新年前後兩星期特別忙碌，幾日紅假年年都喺四圍走，無得抖。團年飯當中，太太嗰邊嘅都一定坐定定、乖乖食，唔會影相搞咁多嘢，所以，就算食咗幾多好嘢，一律食評欠奉。自己依邊嘅，已經慣晒我嘅「相機先食」，有時仲喺佢哋問番我使唔使影相？影咗未？哈哈！今晚嘅團年飯喺同我直系家人食飯，即喺老父、細佬妹，當然仲有老婆啦。年年同佢哋食團年飯都喺屋村對面間「名豪海鮮酒家」，不過名豪前年中執咗，正所謂一雞死就一雞鳴，同一個鋪位又開番間「好日子酒家」。

粵軒 Canton Room：禮多人不怪，料多我啱晒！

由於近期收多咗賀年糕品，加埋大陸親友醒咗兩條金華火腿，所以依兩星期嘅早餐除十穀粥以外，就喺金華火腿白粥搭年糕，繼續賀年糕品當早餐。先後食過蘿蔔糕、年糕、芋頭糕，都喺較傳統嘅糕品，各家出品都各有賣點。今早嘅早餐，就喺友人所贈嚟自六國酒店中菜廳粵軒嘅瑤柱蘿蔔糕。

翠河餐廳 Green River Restaurant：自討沒翠

晌美孚區，又多咗一間茶記進註，就喺連鎖店嘅「翠河」。其實間嘢都開咗一段日子，但就一直懶得行過去試，因為離屋企距離遠，啱啱一頭一尾。不過，總有機會嘅，就趁一次返完教會，老友揸車直接返嚟美孚，咁就索性建議嚟試翠河。

翠亨邨 Tsui Hang Village：門迎百福；戶納千祥。

時近歲晚，又喺賀年糕點紛紛出籠嘅日子，小弟最近收到網上遊戲所贈嘅糕券，喺出自翠亨邨嘅XO醬芋頭糕，記憶所及，翠亨邨嘅賀年糕點應該未食過，所以，又有機會可以試試唔同餐廳嘅出品。現貨要憑糕券到指定門市領取，唔去過都唔知，真喺好多人會以糕券相贈，因為店方專燈開設一個廂房作為換糕之用，房內「糕」積如山。

興盛小館 Hing Shing Restaurant：初嚐小館，未敢隨心！

老婆教會晌葵涌開咗分堂，多咗機會過嚟葵興，其實，對依區真喺好陌生，正式搵食唔知「掟」。今日，順道就腳，就晌葵興港鐵站附近嘅興盛小館食晏。

功夫點心 Kung Fu Dim Sum：糕心莫測

過完新曆新年，好快又到過農曆年，其實早晌12月已見各大商號、酒家、餐廳、餅店推出林林總總嘅賀年糕品，傳統嘅有蘿蔔糕、芋頭糕、年糕、馬蹄糕……等等，新派嘅更加多不勝數，甚麼亞麻籽綠茶棗皇糕、紫薯玉露糕、發財蠔豉蓮藕糕、富貴櫻花蝦金腿馬豆糕抹茶開心果糕、紫米黃薑糕、燕窩楊枝甘露糕、山楂草莓乳酪糕 ……真喺層出不窮、創意無限。「功夫點心」貴為點心專門店，師傅做糕無難度，賀年糕品依個賺錢大餅又豈會唔分番一啖吖。小弟有幸喜獲店方送贈兩盒賀年糕品，都喺極傳統嘅臘味蘿蔔糕及椰汁年糕，屋企人都鍾意食糕，最啱就煲啖粥，食粥餸糕又一餐。

沙嗲王 Satay King：沙嗲王 x Soda Card博客試新菜

沙嗲王觀塘店仲喺晌未寫食評嘅年代幫襯過，而荃灣店亦都有幫襯，至於今次嚟試新菜式嘅銅鑼灣店就第一次到，一出𨋢門一片阿拉伯風情，唔講唔知，原來沙嗲王經營已有20多年歷史，滋味無國界，以菜式多元化、多國化見稱，中、西、越、泰、意、法、葡、日樣樣都有。

八月花 Jasmine：八面玲瓏．月圓花好

每月一次嘅細胞小組活動，人人負責一次，一年裡邊永無走雞。今期唔喺小弟負責，不過，負責人忙爆，迆搞場飯局嚟交差，大家都明，反正邊食邊傾偈，志在一聚，搞乜都只喺個形式。地點由負責人話事，揀咗大家都方便搭車嘅又一城八月花，點菜亦由他人負責，小弟依時出席樂得輕鬆。

Jack's Terrazza Ristorante：蠔情意戀

鯉景灣向有蘇豪東之美譽，一個細細嘅鯉景灣，就已有廿多間食肆，西班牙菜、歐陸菜、茶館、土耳其菜、意大利菜、蠔吧、粵菜、德國菜、京川滬菜、港式、泰國菜、日本菜、法國菜、韓國菜、潮洲菜……等等，可以講得應有盡有。依邊跟中環嘅蘇豪感覺很不同，閒日晚上嚟到，感到好寧靜，無晒太喧鬧嘅感覺，偶爾晌度跟三五知已食餐飯，閒聊一晚，飯後沿海濱逛一逛吹吹風，可以從緊張沉澱嘅工作舒緩出嚟。是夜，就跟幾位食友嚟到Jack's Terrazza Ristorante，領略鮮蠔配美酒嘅滋味！

零食大王 Lingsik King：梗有一包晌左近

近年收到唔少食友餽贈，都喺零食居多，搞到無論晌公司定屋企，啲零食梗有一包晌左近。其實每星期睇飲食雜誌，都有唔少新推出雲食介紹，就連兼賣零食嘅店舖越開越多。最近，收到一間新開嘅零食網購店「零食大王」（www.lingsik.com）寄嚟兩款零食試食，又可以跟同事、家人分嚐。

喜來稀肉 Seorae：起來嬉肉

繼早前去咗辛安東奶奶雞試韓國菜，相隔無耐，又有幸嚟到新開業嘅喜來稀肉試韓燒，跟豬牛肉嬉戲，晌這個寒冬一韓再韓。喜來稀肉位處金巴利道篤尾，地下鋪面只喺餐廳入口及用作等位之用，真正用餐區要上二樓先見，一條金巴利道已有10間韓國餐廳，再加埋對下一截短短嘅金巴利街又開咗近10間韓國食店，所以搵韓食，過嚟金巴利道、金巴利街，無出共右！

博多一幸舍：幸福滿舍，不用走到博多！

講到飲食，其實香港人都幾幸福，唔單只晌香港搵到唔同國家、唔同地區嘅美食，仲有唔少外國知名嘅餐到香港開業，好似晌日本博多地區非常有名氣嘅三大博多拉麵：一風堂、一蘭、一幸舍，都相繼晌度開店，唔使越洋跑到博多老遠，也能夠一嚐佢哋嘅手勢，唔好話對拉麵迷，就算對一般食客，都喺個好消息啦。一風堂早前試過，一蘭太多人最怕排隊，有10年歷史嘅一幸舍都要試吓啦。

囍宴 甜‧艺 Xi Yan Sweet：好友狂嚐曲（十三）

我諗提起「囍宴」，相信啲人就會聯想到佢嘅掌舵人Jacky Yu（余健志），以集中國各地方菜之大成，將亞洲多元飲食文化共冶一爐，令中菜全新創作出現於人前，風格獨特，不拘一格，餐廳仲開到去上海、新加坡，真喺幾成功。除中菜以外，佢亦有推出其他產品，例如：鮑魚、鮑魚麵、XO醬、養生湯包、湯圓、賀年糕點，今次「好友狂嚐曲系列」要分享就喺食友所贈嘅「囍宴花心蝴蝶酥」，非常多謝食友咁大手筆。

Mrs. Fields Cookies：好友狂嚐曲（十二）

唔經唔覺，好友狂嚐曲系列都寫到嚟第十二篇，其實Mrs. Fields差唔多日日都經過，因為小弟返工返中環，港鐵站內就有一間分店，所以經常行過，不過就一直甚少幫襯，反而買咗好幾次佢嘅小食嚟送俾啲食友仔。

Carpaccio Pasta Pizza Vino：自助早午餐，失望到谷底！

之前，嚟過一次Carpaccioo食晏，對該次午餐，由餐湯、前菜、主菜，以至餐飲都好滿意，餐後經理仲推介佢哋所推出嘅「精緻全自助早午餐」，逢星期六、日及公眾假期供應，佢話款式及種類未必及酒店嘅自助午餐咁多，但全部都喺精選嘢喎，務求貴精不貴多，所以，當時都已經幾有興趣想試。故此，今次喺重臨舊地，揀咗一個星期六，同屋企人一齊嚟食，作為慶生局。

幸福餅店 Clover Cake & Coffee House：好友狂嚐曲（十一）

北角區真喺好少出沒，幸得食友所贈嘅曲奇，有緣一試Clover「三葉草」嘅出品。不過，店家嘅中文名字叫「幸福餅店」，因為晌西方，多認為生有4片葉子嘅三葉草代表著幸運、幸福，亦有傳說話有4片葉嘅三葉草只會晌伊甸園中先有嘅植物，所以，你會見到幸福餅店商標上嘅「三葉草」喺有4片葉呢！我就唔多信幸運唔幸運嘅事，但喺，收到依份曲奇小禮物，就已經喺一件幸福嘅事啦。

Aunt Stella's：好友狂嚐曲（十）

正所謂好事成雙，估唔到從老婆同事所贈，再遇番詩特莉阿姨曲奇嘅滋味無耐，又獲食友相贈小弟一包詩特莉阿姨曲奇。雖然今次只喺散買嘅包裝，但相信都喺食友嘅精心挑選。散賣嘅款式一般都預備咗近20款，所以，選擇唔少，定價為$38 / 100克，約6-8塊左右，都唔算貴呀！

辛安東元祖奶奶雞 Spicy Andong：一二三紅綠櫈，奶奶雞要小辛！

嚟自韓國嘅「辛安東元祖奶奶雞」據講晌亞洲區已有逾200家分店，遍佈韓日、星馬、中台等地，上年8月先至晌香港落戶，首間店舖設於旺角，估唔到事隔數月，已晌銅鑼灣插旗開設新分店，地點就在銅鑼灣地鐵一出對面嘅京都廣場，相當便利。今晚與一班食友同嚟，新知舊雨，齊齊一窺奶奶雞秘技，實在期待。

Häagen-Dazs：糕下立見（下）

少少前文提要交待一下先，話說老婆教會一年一度大旅行，山長水遠過嚟南區，其中一站就喺到赤柱。順道晌依度前後試咗兩間雪糕店：Gino's Gelato及Häagen-Dazs，先試咗Gino's Gelato，食評見另文，而Häagen-Dazs就晌依篇食評度分享。

Gino's Gelato：糕下立見（上）

甚少山長水遠走到入嚟赤柱，事緣老婆教會一年一度大旅行，今趟喺南區遊，其中一站就喺赤柱。其實對赤柱嘅興趣唔大，既來之，則安之，由赤柱廣場行到去赤柱正灘，再行入去赤柱軍人墳場，跟住回頭返赤柱廣場，個零鐘頭自由時間就當喺行山。結果，就晌依度前後試咗兩間雪糕店：Gino's Gelato及Häagen-Dazs，先寫Gino's Gelato，而Häagen-Dazs就另文再分享。