2015年9月29日星期二

Seafood Stand:海鮮.漢堡一站過

好耐無同老友夏總及佢老婆一齊食飯,順便睇睇旅行相,所以,相約嚟到紅磡主打海鮮及漢堡嘅Seafood Stand,貪佢環境夠輕鬆隨意,感覺無拘束,一邊食住漢堡,就一邊睇相。

2015年9月27日星期日

稻香超級漁港 Pier 88:不無稻理

舊年家族嘅冬至飯晌依間稻香搞,平平哋二千零蚊一圍全包宴,質素意外地唔錯,話過可能會翻兜,果然,今年中秋飯「冧莊」再嚟過幫襯佢。

金記冰室 Kam Kee Cafe:仁見人愛月餅系列(三)

先後試過奇華餅家嘅「迷你金絲果仁月」及天然齋嘅「傳統鹹伍仁月餅」兩款伍仁系月餅,今年大賣懷舊、傳統口味金記冰室嘅「金腿伍仁月餅」,唔知味道又會喺點?多謝老友醒個俾小弟,又可以試多一款伍仁月餅。

天然齋 Green Veggie:仁見人愛月餅系列(二)

今年前後收到3款伍仁類嘅月餅,咁多年嚟都未試過,之前分享過奇華餅家嘅「迷你金絲果仁月」,加入蜜餞橙皮絲,都頗有驚喜。食友所贈嚟自「天然齋」嘅「傳統伍仁月餅」又唔知會喺點呢?

奇華餅家 Kee Wah Bakery:仁見人愛月餅系列(一)

今年好意外,一連收到幾個五仁類嘅月餅,咁多年嚟都甚少食依類月餅,唔喺話有咩抗拒,只喺本身唔會將佢哋列為心水。可能朋友知我老婆食素,又鍾意啲健康嘢,所以,請我食嘅都搵啲相比起無咁甜,又健康啲嘅伍仁類嘅月餅,無獨有偶,又喺先介紹奇華餅家嘅「迷你金絲果仁月」。

2015年9月26日星期六

川龍開心坊農莊樂園:望川秋水燒烤樂

去郊野公園燒烤嘅人感覺越嚟越少,當然,始終仍有唔少喜歡到郊野公園燒烤嘅捧場客,小弟就喺其中之一。不過,燒烤場卻漸漸興盛起嚟,以前就通常晌啲新界區先有,如大埔、元朗、屯門、西貢……等等,依家就連市區都有唔少,甚至工廠區嘅廠廈又有,市區天台亦有,好豪華嘅一樣有,真喺百花齊放。今晚同幾個朋友嚟到荃灣川龍開心坊,喺一邊燒嘢食,一邊迎月睇月光。

天糧烘焙 La Vie:天賜糧緣

今個中秋,前後試過3款傳統嘅白蓮蓉月餅,包括同事帶返嚟嘅「美心」雙黃白蓮蓉,客人送嘅「夏宮」迷你蛋黃白蓮蓉,以及晌屋企附近個商場消費滿指定金額送嘅「明愛天糧包餅店」雙黃白蓮蓉,查實就無心插柳,因為都唔喺去買啲乜嘢,只喺去睇跌打,客戶服務處話乜單都計,咁就當然換一個嚟試試都好。

2015年9月21日星期一

第一麵包 Top One Bakery:好友狂嚐曲(40)

「好友狂嚐曲」真喺攤咗一段好長時間無寫,多謝食友嘅小心意:「第一麵包」嘅唧花牛油曲奇。以透明膠杯盛載,一杯大概有10粒左右,因為唔知價錢,所以,好難講抵唔抵食。

金功夫點心火鍋 Kung Fu Deluxe Dim Sum Hot Pot:分金同味

同一班相熟食友好耐無聚,所以,搞個飯局聚一聚之餘,又試吓新餐廳,揀嚟金功夫據講因為有大明星喺股東之一,有機會見到明星,不過,娛樂圈嘅嘢小弟真喺零距離,跟港劇絕晒緣咁滯,但講到食,就啱晒我啦,打邊爐就好似一大窩嘢跟老友分甘同味,食得特別開心。

2015年9月19日星期六

上海婆婆336 Shanghai Po Po 336:水準不變.風韻猶存

晌香港食上海菜嘅餐廳多的是,不過,如果約朋友食飯,我會偏向揀啲食過嘅,因為質素大概知喺點,穩陣啲。其實,今次舊同學嘅飯局,地點都喺大家拋啲建議出嚟,選好嗰兩三間都訂位已滿,淨番walk-in位,唔穩陣,搏唔過。突然想起尖沙咀嘅上海婆婆336,好彩仲有位,不過周六要分時段,我哋又無乜所謂嘅。

2015年9月16日星期三

功夫點心 Kung Fu Dim Sum:月黑.風高

今年食過嘅月餅都唔算好古靈幣怪,都喺啲奶皇、白蓮蓉、伍仁之類,比較中式及傳統,如要算喺有少少特別,就喺朋友嘅謝禮,功夫點心嘅「蛋黃芝麻月餅」,加入黑芝麻作餡心,期待佢嘅芝麻香味會有幾濃。以深啡硬紙皮作包裝盒,簡單嘅標誌,如真功夫般表沉實,唔太造作。

2015年9月15日星期二

Metal Steak:肉罷不能

平常同老婆一齊食飯,因為遷就佢食素,所以,都會盡量食素或一啲清淡嘅餸菜,反正小弟食乜都無問題。不過,同其他朋友飯聚,尤其一啲食肉獸老友,就可以開懷大擦一餐。是夜,嚟到中環歌賦街嘅Metal Steak,擺明嚟鋸扒,估唔到都有幾多人幫襯,晌門口仲等咗一陣位添。

2015年9月13日星期日

Spade by Lassana:糕朋.滿座

如果一班人食飯友聚,搞間唔錯嘅酒家就最穩妥,不過,講到周圍去試吓嘢食,就真喺要搵唔同飯腳先得,因為有啲朋友唔食得辣,有啲又話怕肥,如果試甜品嘢,就真喺要搵啱腳先有得交流吓。過開嚟東九打波,所以,就順道到訪Spade by Lassana一試佢個高茶,百零蚊就可以過一過高茶癮,本來麵包班同學仔喺我嘅首選,因為佢整甜品真喺有一手,可惜近排佢忙執屋,好彩,仲有另一個「糕朋」表姨甥女,佢鍾意咖啡又鍾意甜品,故此,拉埋佢細妹過嚟一齊試。

2015年9月12日星期六

星巴克咖啡 Starbucks Coffee:我的星期六美孚早餐 ~ 星價十倍

晌美孚依個小小社區,已有唔少茶記及快餐店,我同老婆嘅「我的星期六美孚早餐」多數都喺去依啲地方,夠經濟嘛,味道有時又偶有驚喜。今次,由姨仔主動叫落美孚食早餐,仲要喺萬事達廣場上面間星巴克,當然有興趣啦。

2015年9月11日星期五

Cedele:全天候的健康

晌上環返工嘅麵包班同學仔,知我遲啲會過去新加坡走一轉,所以極力推介新加坡過江龍嘅Cedele,搵日一齊走去試試依間嘢,話真喺好唔錯,我一向好信佢嘅口味,所以,擇日不如撞日,撞啱我老婆要返學,就不如拉埋佢夫人一齊快樂星期五食番餐。

2015年9月9日星期三

夏宮 Summer Palace:宮敬不如從命

早前分享過奇華餅家嘅「鴛鴦奶皇」,喺今年食嘅第一個月餅,中秋佳節,月餅嘅嘢邊會一次過食得晒,所以食啲又寫啲,而第二個食到嘅港島香格里拉酒店中菜館夏宮嘅出品,依份厚禮喺公司客送嘅,故此,就自然喺酒店級高檔貨色。既然喺客送嘅,當然恭敬不如從命,一到下午茶時間,同事就自動波切嚟一齊分享。