太平洋咖啡 Pacific Coffee：難得校園好時光

以前，因工作關係，一年都有三幾次到大學出席啲活動，但疫情下，已兩年無到訪過。最近，就代公司去咗一轉浸大，原來變化都已經好大。由於早到咗好多，行吓行吓原來呢度有間Pacific Coffee，就晌度食個下午茶，打吓躉。

美心西餅 Maxim's Cake：「糭」要健康

今年食糉唔多，都喺見經濟唔好，老婆專登幫襯吓啲小攤販，反而，早前透過啲網上活動，獲贈兩張糭卷，不過，換領就有少少唔方便，要去到指定嘅「美心西餅」，九龍區得4間揀，仲要喺九龍東，所以，專登過到嚟九龍塘站換領，好在喺晌付款區內啫。

又一居會所餐廳 Club Oasis：「又」情午聚

由於近來嘅社會事件，我嘅細胞小組好耐無聚會過喇，改完一次又一次，多謝各組員嘅配合，卒之約得成，不過，地點又喺另一要考量嘅地方，以往就大家方便，都喺落太子，但不時有突發，我哋組內有好多細路仔，安全先行，結果有組員提議「又一居會所酒樓」，實在喺極佳提案。

原藝 Original Art：天賜良「原」

晌雜誌見到「原藝」呢個名字，就諗緊喺唔喺兩年多前晌太子幫襯過嘅小店「原藝」呢？表姨甥女近排晌西貢荔枝莊嗰頭嘅梅子林搞藝術嘢，幫啲村屋畫牆畫，可謂日曬雨淋，真喺服咗佢，個項目接近完成，當然要請佢食餐好嚟鼓勵吓啦，所以，專誠走到嚟位於九龍塘「原藝」嘅新店。

王家沙 Wang Jia Sha：因家得減

都話近排旺上海菜咯，短短一、兩個月就到訪過4家上海菜館。其實，又一城嘅「王家沙」就無預喺幫襯嘅，我哋一班細胞小組朋友，原打算去「翰騰閣」飲茶，本身都知星期日午市無得訂枱，已有組員一早去攞位，但等吓等吓都45分鐘啦，無人理，又講唔到仲要等幾耐，所以，建議不如轉場，飲餐茶啫。

城大中菜廳 City Chinese Restaurant：一城不變

好耐無嚟過「城軒」，唔喺，喺「城大中菜廳」，因為十年八年前間唔時會晌星期日嚟飲茶。原來，呢年啱啱轉咗手，仲改名為「城大中菜廳」，以示佢喺城大所屬。是日，因嚟到城大參觀一啲義工服務，午餐就嚟到呢度飲茶、食點心。

Ciao Chow - Italian Cafeteria：輕型煮意

舊年年初，曾經到訪過中環嘅Ciao Chow食午餐當開年飯，試過啲意式凍肉拼盤、薄餅、甜點，知道其水準有幾高。最近，先聽聞晌又一城開咗新副線，名字無變，但形式走得更年輕化，定價比中環店便宜一截，無理由咁就腳唔去試試嘛！

千両 sen-ryo：春季時令‧千金一擲

幾位朋友嘅小飯局，選址又一城嘅千両，皆因地理便捷，觀塘線、東鐵線交匯，而小弟返美孚亦可選東鐵到紅磡轉西鐵，一陣就返到屋企。而且，印象中嘅千兩本身都不俗，加上依間千兩作為旗艦店自然加多幾分信心。

agnès b. LE PAIN GRILLÉ：聖誕餐．新法現

agnès b. 嘅咖啡店到過唔少次，一向都覺得佢啲蛋糕好有水準；而agnès b. 嘅南法小餐館今回先喺第一次嚟，未知質素跟咖啡店又如何？因為都喺首趟，差啲搵唔到間餐廳，原因喺餐廳晌同名嘅運動服飾店裡面，入到去好似有新發現咁。

2/3 Dolci：愛．是這樣甜

超忙碌嘅一、二月，雖然算唔上忙到抖唔到氣，不過，錯過咗很多跟朋友嘅飯聚，難得擠出一個周日下午，跟朋友晌又一城嘅2/3 Dolci小聚片刻，享受一頓悠閒下午茶。相比起中環店，又一城店環境更加舒適寬敞，因為店子位處商場兩層之間嘅中庭，對出一邊面向達之路全喺大型玻璃窗，冬日暖陽，份外暖和，亦令人精神倍添，充滿正能量。

路邊攤 The Lobintan：滋味在路邊・衛生篤魚蛋

過過口癮，間中都有晌街邊篤魚蛋，不過，篤魚蛋食評真喺少寫，因為，一來又唔喺食得多、成日食，二來嚟嚟去去感覺上都相差唔大。但喺，今次朋友介紹嘅「路邊攤」，唔喺話咩全城最好食，但相信喺全城最衛生之一嘅篤魚蛋檔。

美心西餅 Maxim's Cake Shop：鬼馬生動甜品杯

早前經過美心西餅見到佢哋為慶祝Hello Kitty 40週年，特別隆重推出依個獨家嘅Hello Kitty & Sanrio Characters系列蛋糕同甜品，身邊好多親戚嘅細路或朋友都喺佢哋嘅粉絲，睇見都開心死，啱啱就有幸收到公關送嚟一套甜品杯，正好喺親友家作客時一同共享，走進Hello Kitty & Sanrio Characters嘅甜蜜世界。

Hey YO!!：美味由此喜

「喜‧乳酪」（Hey YO!!）本身賣乳酪起家，其實，佢嘅產品唔喺第一次食，不過，無獨有偶，兩次都唔喺食佢嘅乳酪，第一次喺佢嘅曲奇，今次卻喺佢嘅蛋糕。因為今日晏晝有小組活動，剛經過又一城嘅Taste，近門口正正有一家「喜‧乳酪」，就不如賣少少迷你切件蛋糕，等大家可以邊食邊講，喺醒唔起買多杯咖啡啫。

利華超級三文治 Oliver's Super Sandwiches：平實無華

這日要到城大出席一啲活動，今晚屋企無飯開，食自已，最好順便晌又一城食埋先走。唔想晌頂層美食廣場食，一支公食嘢可以好「求其」，亦唔會「求其」到搵老麥，卒之就悠閒咁晌利華食番餐。

寶利廚坊 Auntie Polly：於事無寶

今日有小組活動，所以，先返到嚟母會附屬嘅小學，都好耐無過返依花圃街、雀橋街依頭。活動前同啲組員一齊先食晏，平時都會揀去雀橋街嘅百味雅，典型茶記，食物質素穩定，但今次見人多，時間少少緊又唔想等，故此就去了後面花圃街嘅寶利廚坊。

八月花 Jasmine：八面玲瓏．月圓花好

每月一次嘅細胞小組活動，人人負責一次，一年裡邊永無走雞。今期唔喺小弟負責，不過，負責人忙爆，迆搞場飯局嚟交差，大家都明，反正邊食邊傾偈，志在一聚，搞乜都只喺個形式。地點由負責人話事，揀咗大家都方便搭車嘅又一城八月花，點菜亦由他人負責，小弟依時出席樂得輕鬆。

EXP：與小契女有個午膳

因為自己母會進行重建，都少咗過嚟又一城食嘢，今次就專燈約埋小契女同佢老豆，加埋幾個教會朋友完崇拜一齊過嚟又一城嘅EXP食晏。講開EXP，我都好耐無幫襯過，對上一次，都仲喺未寫食評嘅年代。

Pizza Express：團年飯之意菜賀團年

年近歲晚，朋友呀、教會小組呀、家人呀、親戚呀……都有好多餐團年飯要食，今年頭尾食咗6餐團年飯，真喺使咗唔少，跟老婆家人食嘅，唔多方便影相，食評就無謂寫。

團年飯嘅第一炮，就喺跟以前晌酒店做過嘅舊同事，上次八月大家晌又一城八月花聚過，本來都無打算晌過年依段時間搞局，因為都知過年忙，團年飯局多，但其中一位老死提議過年前聚一聚食番餐，咁就促成今次嘅飯局。由於上次大家對晌又一城食飯都覺得挺方便，所以照舊揀嚟又一城，啱啱小弟又有啲現金券，故此建議晌Pizza Express食意菜，賀團年！上次坐裡面，環境較幽靜，騷擾性少；但今次訂枱時要求坐出面假露天位，睇吓又點，感覺就喺開揚啲。

Greyhound cafe：泰意外．泰意菜

當大部份人見到Greyhound個名字，加埋佢個灰狗標誌，第一個印象就喺泰國當地一個出名嘅時裝品牌，不過，對小弟嚟講，第一次接觸Greyhound唔喺晌泰國，而喺晌美國，想當年（都16年前喇）一支公去美國、加拿大自由行，仲喺孭緊背囊慳錢遊，由紐約坐通宵長途巴士去多倫多，咁同Greyhound有咩關係，Greyhound咪就喺美國國內最大嘅長途巴士公司囉，幫我慳交通費之餘，仲慳多晚青年旅舍房添！

話說回來，今晚嚟到嘅Greyhound Café，就喺泰國時裝品牌Greyhound所開設嘅食肆，晌當地已非常有人氣，2011年10月首度來港，落戶中環國金，事隔數月2012年2月晌尖沙咀海運開設分店，勢估唔到就晌2012年聖誕前夕，再於九龍塘又一城開立第三分店。據知，北京三里屯亦已有分店，隨後亦會晌上海再開，小弟唔喺咁經常被邀試食，難得今晚獲公關邀請，與三幾個食友有幸品嚐一下這「灰狗」出品，實在感謝有關單位。

又一棧 Festive China：又一棧．又一餐．又一晚

阿Kit小姐嘅生日，本來大家同屬一個細胞小組嘅，但佢就話忙到爆，結果要等佢嘅生日飯局先有機會碰個面聚一聚，搵埋幾個老友一齊，食番餐賀賀佢。除尖沙咀，又一城近排都多咗嚟搵食，始終因為地理位置嘅考慮。不過，代價會喺偏高少少嘅付出，都無所謂啦，至緊要嘢食好，大家食得開心啫。