火鍋頭 Huo Guo Tou：頭其所好

自從我哋一班死佬唔搞食火鍋之後，身邊喜歡食火鍋嘅人真喺少之又少，數一數，近幾年真喺無光顧過火鍋食肆。如果日式嘅涮涮窩都計算在內，已經喺成年前嘅身，否則，對上一次食中式火鍋，已經喺兩年了。今晚應友人之邀，投其所好，真喺專誠走入嚟九龍城龍崗道嘅「火鍋頭」食火鍋。

泰昌餅家 Tai Cheong Bakery：每況月下

早前晌飯聚中，送上少少心意作為生日賀禮，但友人好有心，趁中秋送上一盒月餅作回禮，實在太客氣喇。月餅禮盒出自「泰昌餅家」，以紫色加暗花，襯上粉藍，再配以金線嘅圓月，印上「盈月」二字，簡單，卻有種雅致，送禮而言，確喺幾好睇。

Say Cheese：講得出好芝味

從加拿大回港嘅老友，一向好喜歡行山，所以，今趟回港，當然為佢安排走一轉啦，為佢安排入西貢行吓，一行3人，輕鬆行完再落將軍澳食晏。搵食責任就當然落晌小弟身上，結果，走到過嚟將軍澳中心嘅「Say Cheese 」，對呢區唔多熟，喺住晌呢頭嘅食友口中嘅推介之一。

美心西餅 Maxim's Cake：低糖之美

老婆做半職間公司都算幾好，逢喺過時過節，都有啲應節嘅禮物，雖然佢只喺半職，但晌中秋時節一樣送盒美心月餅俾過佢。而今次所送嘅喺「美心低糖蛋黃白蓮蓉月餅」，一身橙紅色嘅盒罐，設計非常特別，亭臺樓閣配荷花，帶中國色彩之餘，透過鮮艷嘅色彩配搭，帶嚟一份活力新鮮感，喺小弟幾鍾意嘅設計。

享樂烘焙 LY Bakery：獨享樂，不如眾享樂！

最近同好友飯聚，老友見我「麵包王」呢個銜頭（都喺虛銜而已），分別送我兩款麵包，同樣嚟自新蒲崗嘅一家小店「享樂烘焙」。先介紹其中一款：「特濃抹茶焦糖三角」（$18），友人將店家嘅產品名牌都影埋俾我做參考，真喺唔話得。

柏景餐廳 Café on the PARK：猜．情．尋

曾幾何時，因為有好多舊建築基於不同原因而被逼拆卸，突然先至有好多人走出嚟講懷舊、講集體回憶，其實，回憶呢家嘢真喺好講個人對某些事物嘅情感。生於上世紀70年代嘅小弟，正值香港經濟起飛嘅年代，但成長於H型7層公屋嘅歲月（依家啲後生想像唔到當時嘅公廁、公眾浴室及俗稱「水頭腳」嘅公眾攞水嘅地方），最懷舊回憶喺地下啲士多，因為有好多零食買。最近，就同啲老友記去咗皇家太平洋酒店嘅「柏景餐廳」食自助餐兼懷舊一番，皆因新主題做緊「黃金歲月尋味之旅」。

Café 100 by The Ritz-Carlton：經典，只喺個盒面！

「經典」一詞通常都喺形容一啲事物，指其具有典范性、權威性、代表性，更喺有歷久不衰嘅意思，所以，通常都喺有番咁上下嘅歷史。最近，有機會試到麗思卡爾頓酒店（Ritz-Carlton）嘅「經典月餅禮盒」，只可以講：經典，只喺個盒面！

許留山 Hui Lau Shan Healthy Dessert：幾許風雨

老朋友晌加拿大返港辦理私事，食完午餐，話想食吓甜品，路經許留山，就建議一齊入去試吓。不過，老友對「許留山」嘅印象原來仲停留晌食龜苓膏嘅年代，講你都唔信呀！所以，更要帶佢見識吓經歷幾許風雨，到依家仲屹立不倒嘅「許留山」。

Milu Thai：一反常泰

話銅鑼灣喺聚集美食之地，相信都無乜人反對，而呢區食廈又特別多，唔知何時興起食廈呢家嘢，大抵因為地鋪租金升到癲，做飲食嘅人就唯有「向上」發展，食廈漸漸應運而生。今趟就約咗親友嚟到「Milu Thai」，喺一間新開嘅泰菜館，都喺睇到食友嘅食評而走嚟一試。

台灣郎 Taiwan Lang：晴郎的一天

早前晌葵湧嘅「大公雞」食到碗高質嘅台灣牛肉麵，講開講開，就讀港大嘅表姨甥女亦有好介紹，就喺西營盤嘅「台灣郎」，一聽個名就知喺賣台灣菜啦。今晚，就喺如佢嚟試試呢度嘅牛肉麵。

芳華絕代 Fong Waa Parlour：芳不擇食

原意喺想去太子「樂湯雞麵館」試吓佢哋嘅砂鍋雞湯麵，但間鋪細，卻超多人晌門口排隊，都唔知輪到幾時，所以，即時轉場，嚟嗰時途經「芳華絕代」，從門面望落去感覺幾唔錯，就盲撞入去食晏，呢次真喺慌不擇路，中中哋伏。

奇華餅家 Kee Wah Bakery：松心所欲

唔知咩時候，奶皇月餅比傳統嘅蓮蓉月餅更成為主打咁，家下啲餅店、酒店、酒家、食肆推出嘅月餅大多數喺奶皇月餅。個人覺得，奶皇所做出嚟嘅變化比較多，可塑性強，當然利錢亦非常之高。中秋將至，總會收到少少月餅，友人送嚟一盒正就是奶皇月餅，出自「奇華餅家」。

Café Circles：圓．來如此

老婆比我有恆心，活到老、學到老，家下都仲有進修。雖然唔喺為工作、為生活，只喺為理想、為興趣，但都值得鼓勵。剛剛完咗一個循環，有幾周嘅假期，要食餐豐富嘅慶祝吓啦！呢一晚走到嚟荃灣「如心酒店」嘅「咖啡閣（Cafe Circles）」，食自助餐夠豐富啦，想食乜就揀食乜。

CHOO CHOO：西日聯乘

表姨甥女將會開畫展，雖然並非個人畫展，而喺聯合畫展，但對佢嚟講都喺一件大事。所以，專誠走過嚟同佢食餐飯，幫佢打打氣，壯壯膽，希望佢嘅畫展成功。兩年幾前曾同佢嚟過「Choo Choo」食飯，一來近佢，二來佢覺得呢度做菜有水準，所以，今次喺屬於舊地重遊。

The Americano：回到味來

八、九十年代，有一套經典嘅科幻電影「回到未到」，一系列共3集，由米高霍斯主演，唔後生嘅朋友應該都知有幾經典。嗰時睇就覺得好天馬行空，就算十多、廿年前都無諗過啲智能電話可以發展成依家咁啦。就連食物都發展到加入高科技元素，講嘅喺「未來漢堡」，再唔喺芋頭扮魚、黃豆扮雞嘅層次。是日星期日，近近哋專登帶老婆過嚟「The Americano」見識吓呢種高科技漢堡「牛肉」。