咖啡園 Garden Cafe：意「遊」未盡

人人食嘢都有喜她好，要迎合到每個人嘅口味，話難唔難，話易唔易，不過，如果食自助餐就幾肯定可以滿足到所有人。是夜到訪「港麗酒店」嘅「咖啡園」，一於盡興食餐好嘅。

咖啡園 Garden Cafe：海陸美饌深度遊

通番關，好多人外遊，報復式消費，小弟一向自覺甚為理性，就算消費都唔會報復式，至多都只喺使多少少而已。亦唔會晌啲大節日外遊，成本貴嘛，寧願留港消費，支持吓本地商戶，趁復活節就食得豪少少，一於自助餐啦，夠盡興嘛！所以，是夜到訪「港麗酒店」嘅「咖啡園」，一次過品嚐多國滋味。

樂聚廊 Lobby Lounge：魔法香料自助午餐

金鐘港麗酒店嘅「樂聚廊 」，我一向以為只供應三層架嘅英式下午茶，原來都有不一樣嘅選擇，最近喺附近返工嘅朋友就話我知，佢哋出咗一系列印度風情午餐，逢星期一會以印度特色便當登場，據侍應介紹，會以三層精緻銀鍋載有前菜、主菜、印度香飯及雜錦生果同甜點。如果唔介意花多少少錢，可以選擇逢星期二至五嘅「印度風情自助午餐」，主題同樣喺以印度菜為主。今日，就同朋友來一趟正宗咖喱美食之旅。

Apinara：午餐常「泰」

約咗位老死食晏，要佢專登過嚟港島區，所以，食好少少揀咗晌金鐘太古廣場嘅「Apinara」，主打正宗泰國菜，更喺連續多年獲選為泰國曼谷最佳食府，心諗夠穩陣，加上地點佢同我都就腳。

和田便當 Wada Bento：唔止「田」肚咁簡單

過到嚟金鐘，通常得兩樣嘢做，一喺上政府合署，一喺就過去運輸署，不外乎幫公司、幫老細過嚟搞文件。今日過到嚟，又順便睇睇有咩外賣好食。在「遠東」、「海富」兜個圈，見到呢間「和田便當」，吸引入去望望喺因為佢哋喺自助便當販賣店。

黑蒜 Black Garlic：健康「蒜」術題

偶然睇到相熟食友對「黑蒜」嘅食評，主打健康、有營嘅便當，都幾感興趣。店家只做外賣生意，無任何堂食座位，甚至可立食嘅地方都無，星期六、日亦休息，明顯喺做附近寫字樓嘅白領生意，尤其OL，就更講求健康，目標明確，客路亦不愁問題。

湕承 · 台式便當 Kinshing TW Food：「承」意便當

代公司過嚟金鐘政府合署辦點事，之後，偶然晌海富中心發現二樓一角有多家外賣小店，其中一家叫「湕承」，主打賣台式便當，一來有啲興趣，二來即時睇睇啲食評，又好似幾OK喎，所以，就順道買咗個便當返去試試。

奇華餅家 Kee Wah Bakery：好友狂嚐曲（71）

一到農曆年，總會收到朋友所送嘅新年賀禮，其實，跟朋友講過好多次，真喺唔好嘥錢破費，但好些有心嘅朋友一定送上少少心意，實在感恩。紅噹噹嘅包裝盒，喺「奇華」嘅蝴蝶酥，佢哋嘅蝴蝶酥唔喺第一次接觸，知道甚具質素。

Express Bar by Lassana：美味速遞

認識Express Bar by Lassana始於3年前參加過佢哋所搞嘅咖啡拉花班，唔單只教你基本拉花技巧，更講述唔少咖啡嘅知識，非常有趣。不過，間鋪位置對小弟嚟講好吊腳，而且，開放時間都淨喺針對寫字樓客，6:00pm就收鋪，星期六、日又休息，所以，都未曾正式幫襯過。依家卒之開到過嚟金鐘，雖然都喺開星期一至五，但可以過嚟食餐晏。

菲爾斯曲奇專賣店 Mrs. Fields Cookies：食晚餐，送宵夜！

跟友人食晚飯，唔知喺唔喺驚我食唔飽，仲送我一個Mrs Field美式鬆餅一個當宵夜，客在太客氣，其實餐飯小弟食得好飽。

華御結 Hana-musubi：偶然一御

一向甚少為午飯而傷腦筋，因為公司有叫福食，即喺包伙食，坐定定等人送飯上嚟。不過，有時都有例外，有同事放大假我哋就會取消一次半次，改買外賣食。食嚟食去都喺飯盒，轉轉口味，所以就建議不如試一試食飯糰，嚟一次飯糰偶遇，更趁出開街早啲去買，唔使跟人排長龍。

L16：都市閒情

「都市閒情」唔喺想講電視台一個午間婦女節目，想話晌市區裡面，一樣可以搵到處叫人感到閒情逸緻嘅餐廳，晌邊？咪就喺香港公園內嘅L16泰式餐廳。多謝食友邀請，讓小弟可以掹車邊嚟到L16，跟一大班食友談天暢聚，氣氛開懷。

Great Food Hall：心意小批

自從識咗班好姊妹食友，多咗唔少心意小食，次次新款，仲要趟趟啱食，就好似今次所贈嘅金寶紅莓批，出自金鐘Great Food Hall嘅。其實個批細細個，的的骰骰，睇落外貌唔錯，烘得幾平均，色澤金黃。作為下午茶嘅輕食，無論配咖啡或茶，絕對合適。

Hatsu Japanese Restaurant：平民版懷石料理．富貴版和風定食

月尾將要出門有遠行，所以趁星期六過嚟金鐘搞簽証，順道就晌Hatsu食個晏先至打道回府。事緣晌FB參與一個試食活動，有幸被抽中喜獲試菜機會。

Arome Bakery Room東海堂：情人節．草莓．紅白の恋

日本每年都搞個紅白歌唱大賽，男女歌手都大顯實力，紅、白，日本人傳統上都認為紅白色嘅組合有吉利同恭賀嘅意思，所以晌慶祝生日、結婚……等高興日子，如果送生果嘅話，就鍾意將紅色及白色嘅士多啤梨放埋一齊當賀禮！白色士多啤梨？無錯，相片唔喺電腦加工，真喺白色。按常理計，我哋一般都會挑最紅嘅士多啤梨，但依一款「白い草莓」絕對喺要顛覆常理嘅珍罕新品！

靜岡縣直送，你又估吓一盒要幾錢？

每夥零售價高達840円

！

Arome Bakery Room東海堂：薯不簡單

又嚟一條是非題，究竟「Arome Bakery」同「Arome Bakery Room」有無分別？咁問得，就梗喺有啦，其實佢哋中文店名都就咁叫番「東海堂」，不過英文店名就有分別，前者就喺平時晌港鐵、大部份街鋪見到嘅東海堂，賣麵包、凍餅、卷蛋、蛋糕；後者除咗有一般東海堂嘅產品以外，路線會走得較高檔次，多賣咗一啲法式、較精緻嘅泡芙（puff）、泡芙條（eclair）、切餅（slice cake）及甜品蛋糕（petite dessert）。而最煞食喺有即場新鮮製作產品，如人氣嘅法式拿破崙、新鮮出爐嘅北海道3.6牛乳蛋白撻，所以為設置廚房、大型焗爐，佢哋比一般嘅東海堂店舖都大得多，而且裝修亦花咗點功夫，墨綠色瓷磚，數幅麵包、甜品水彩畫，感覺更休閒。從佢張產品簡介所知，暫時高級版東海堂晌全港都喺得7間，算遍佈港九新界！