合成冰室 Hop Shing：「合」味道

一向都鍾意去茶記食嘢架，平靚正吖嘛，過到嚟葵興呢頭聚會，完咗同朋友食餐晏仔，落「光輝圍」就有好多選擇，茶記更喺多如繁星，唔夠100米就有間，哈哈！最後，揀咗「合成冰室」，撐吓啲細鋪小店。 

阿三大牌檔 Ah Sem Da Pai Dang：單車友開年飯

老友家住太和，知道大埔舊墟直街呢個鋪位礙於疫情，近年都轉過幾手，最近換上呢一家「阿三大牌檔」，話質素唔錯，性價比高，所以，一班單車友由大埔出發，踩車到大美督，再過新娘潭，落番鹿頸，然後兜沙頭角公路返粉嶺，回大埔，繞咗一個大圈，大概踩咗38公哩左右，之後，當然晌度食番餐好架啦，兼當喺開年飯，希望來年事事暢順，大家踩極都有。其實呢條街漸漸變成成條食街咁，平有平食，貴有貴食，豐儉由人。

斤兩食品CattyandTael：斤兩十足

過去3年，疫情關係，過時過節嘅大家族活動全然缺席，就算冬至飯、團年飯都照樣唔出住，所以，拜年呢啲都更加唔會搞。不過，今年疫情大緩和，防痠措施亦鬆晒綁，所以，在剛過去嘅農曆新年，除咗有出席番家族嘅團年飯，仲參與多少少慶祝活動。咁啱，就收到一份賀年禮物，喺一家網店「斤兩食品」嘅賀年小食。

敏華冰廳 Men Wah Bing Teng：熱焫焫晚餐

老婆今日狀態幾好，話挑戰一吓中距離、中級難度嘅山徑，咁就索性入屯門行一轉啦，目的地喺藍地水塘加洪水坑水塘。由於入到屯門，我哋家住美孚，梗喺買張屯馬線嘅全日通$28全日任搭，一來一回已經抵返晒。咁當然作為香港人，梗喺會用到盡，所以，行完山專登搭到去南昌，上V Walk搵食，結果，揀咗「敏華」貪佢有啲煲仔菜。

The BASE nature：搵食良「基」

又喺同老婆輕鬆嘅週末時光，早上同佢出「荃新天地」睇早場，睇完之後剛好喺午餐時間，就由佢帶我嚟到The Base Nature」 食晏，點解嚟呢間，其實喺佢同朋友試過，成日想話帶我嚟試吓，所以，今次就順理成章過嚟一試。 

品樂冰室：有啲「樂」差

「品樂」開咗好一段日子架喇，但作為美孚街坊真喺未幫襯過，其實有諗過去食次早餐，不過有街坊老友話佢啲質素跟上手嘅西餐廳都差不多，咁佢嘅定價又唔喺話特別優惠，所以，就無乜誘因去試。最近同啲老友行完山，終點落返美孚，見客人唔多咁就不如入去試試下午茶，衰極都叫做成本低啲。

WM Café & Bar：早鳥晚餐

參觀完「鞍山探索館」，再晌「礦工Cafe」磨咗成個幾鐘，啲雨仲喺落唔停，上昂平無望，就只好提早落山，返回馬鞍山。順道食個早鳥晚餐，就嚟咗由朋友介紹值得一試嘅「WM Cafe & Bar」。

礦工Café：唔使曠工，亦飲到礦工咖啡！

前文是要吓先，是日請咗假，同老婆入嚟馬鞍山小旅行，睇場早場，食過午餐，就上「鞍山探索館」參觀，原打算之後繼續上，到昂平欣賞西貢海一帶美景，可惜，天公不造美，啲雨越落越大，故此，參觀完探索館部份，就過咗隔離嘅「礦工Café」打躉，等雨停。

新泰東南亞餐廳 Sun Thai Restaurant：渾「新」解數

今日入到嚟馬鞍山玩，同老婆有個小旅行，先晌「新港城中心」睇場早場（男兒當入樽），平吖嘛，再晌附近食個午餐，然後上「鞍山探索館」兼嘆杯咖啡，最後上埋昂平欣賞吓西貢碼頭一帶全景。晌「新港城中心」同「馬鞍山廣場」兜咗個圈，最後決定嚟到「新泰東南亞餐廳」食嘢，一來東南亞嘢有啲特色，二來啲午餐都喺賣$75一客，唔貴喎。

喫茶ちょうぼ Choubo Kissaten：美味大搜「茶」

大埔嘅老友話食過「喫茶ちょうぼ」洋食屋，大讚啲蛋包飯好掂，超高水準，最近，從網友口中得知，「喫茶ちょうぼ」晌正在翻新嘅「世貿中心」插旗，小弟就唔使跑到老遠入大埔啦，收工由中環過嚟就可以食到其招牌嘅蛋包飯喇。

新龍騰閣燒臘飯店：人情味「龍」

完咗早上嘅聚會，因為下晝仲有另一場聚會，所以，要快閃食個午餐。今次就唔揀茶記，由朋友帶我去試試呢間「新龍騰閣燒臘飯店」，佢話呢間啲燒味質素有一手，喺佢嘅飯堂之一。

新漢記海鮮酒家：一文「漢」清團餐有咩食

今次參加咗個本地團，由馬料水出發，去探索塔門及鴨洲島，塔門就學生年代去過一次露營，鴨洲島真喺聽都未聽過，原來喺香港好北嘅一個小島，望過對面就喺鹽田港，非常近，最估唔到原來個島曾經好多居民住過，依家都仲有街渡服務，但就好疏。行程中段，先嚟到塔門嘅「新漢記」食團餐。