南記粉麵 Nam Kee Spring Roll Noodle Co. Ltd：抵食「南」籌股

老婆嘅飲食一向偏素，此外，又喜歡食魚，近嚟見到「南記」有一款「鱻」米線套餐，睇落幾特別，所以，專登落到嚟長沙灣分店試試，因為呢間分店最近我哋屋企架喇。

相信大部分香港人都好熟「南記」，所以就唔多介紹，但值得讚嘅喺座位夠闊落，環境整潔，單喺睇枱上嘅調味架就可見一班，唔會話污污糟糟。

掃描張外賣紙出嚟，大家就一目了然有啲咩選擇，我哋就專登校到兩點正過嚟，因為2:00pm-5:00pm有下午茶餐，抵食好多。

晌廣告嗰個魚套餐就喺呢個，大大碗麵仲要包埋杯熱情果鴨屎香茶，另一抵食之選。

鱻套餐 $57

呢款套餐可以揀麻辣蕃茄湯底或芝士番茄湯底，小弟唔好辣梗喺揀後者啦，佢嘅蕃茄湯底唔算好濃，微微蕃茄香，反而芝士味就幾突出，送到上枱已經聞到陣陣芝士味，而餸料包括鮮魚片、魚肚同魚腐，份量都好足，啲魚片喺非常新鮮，魚肚爽口，魚腐好好食，麵底揀返米線，爽滑得嚟有咬口。

熱情果壓屎綠茶（餐飲）
炎炎夏日，飲杯凍飲確喺爽口，記得飲之前攪勻啲，因為佢用熱情果蜜嚟開沖，啲蜜糖會沉底，酸酸咪嘅百香果飲起嚟好清新，加埋啲鴨屎綠茶 夠優香，整體確喺好飲。

招牌河、熱豆漿 $31

既然專登就到下午茶時間嚟食，無非都為咗慳錢，加上老婆食量唔大，揀呢個招牌河就最抵食8穩陣。雖然只賣31蚊，但絕對喺交足貨，河粉仍然喺大大碗，春捲、牛丸、魚蛋都喺每樣有兩粒，無將貨就價，樣樣餸料都好食，河粉滑溜，喺個清湯比較淡口少少，但仲要連嘢飲呢個價真喺睇到爛。再者，杯豆漿豆味幾濃郁，但唔會太甜，又夠晒營養健康。

雖然我哋就唔喺成日幫襯「南記」，但每次食都印象非常之好，今次都無例外。仲有，晌好多招呼上嘅細節位都做得好好，阿姐掃地唔單止講句唔好意思，更先問咗你方唔方大便掃一掃，廚房上餐嘅阿哥更勁好禮貌，對啲客有求必應。

個人評分
味道：9/10
環境：8/10
服務：9/10
抵食：9/10
平均每人消費：HK$44

餐廳資料：
南記粉麵 Nam Kee Spring Roll Noodle Co. Ltd
地址：長沙灣元州街303號元州商場地下G05-G06號舖
電話：2117 3670