昼月 Daymoon Cafe & Lounge：討人喜「月」

不時都會有食吓日本嘢，今日又嚟到銅鑼灣食日本嘢，喺在地老友介紹，據講風評不俗，用料夠專，餐廳位於銅鑼灣謝斐道Tower 535，一上到3樓寫字樓大堂就一眼見到餐廳。

由於餐廳喺連接整個大堂，所以，變相擁有超高樓底，加上地方闊落，空間感超強。

餐廳提供不少優惠，例如：春季半價優惠、餐酒任飲及清酒放題，睇見唔少好酒嘅客人都專登嚟 飲幾杯比起，可惜同朋友本身都唔喺好飲得。

拖羅壽司 $148

喺春季半價優惠之一，當然唔好錯過，拖羅嘅油脂分佈平均，外觀非常吸引，口感嫩滑有種入口 即化嘅感覺，而飯粒捏得啱啱好。

熟成刺身薄切 $268

另一款春季半價優惠菜式，平時鋸扒就聽過熟成，估唔到食刺身都有熟成。而眼前嘅深海池魚切得薄透，可見師傅刀功了得，賣相甚佳，入口 鮮甜而魚鮮味濃郁。

天扶良炸蝦卷 $118
壽司、刺身都試咗，跟住就喺卷物，炸蝦粉漿夠薄，香脆不膩，鮮蝦清甜爽口，而飯粒捲得緊致，口感甚佳。

豚肉蘆筍卷 $48、豚肉車厘茄卷 $38、黑糖菠蘿 $32

串燒向來討人喜歡，一口氣點咗3款串燒，都喺刻意揀啲夾雜蔬果嘅串燒，兩款豚肉串都好正，滿滿油脂香，但搭蘆筍添一份爽脆口感，搭車厘茄就添一份酸爽感，而菠蘿好香甜，外層仲做出薄薄一層焦脆嘅焦糖。

清酒煮蜆 $108

再嚟就喺試試個煮物，清酒煮蜆都算喺小弟比較心水嘅菜式，好多時去日本居酒屋都會點呢一道菜。首先啲蜆肉飽滿厚身，蜆味十足，食得出用料高質素，再加埋個清酒高湯，淡雅嘅酒香令蜆肉嘅鮮味更突出，而個湯亦都可以飲埋唔好嘥。

A5霜降和牛壽喜燒 $268

朋友就好喜歡食和牛，加上又想補返多啲菜，所以，最後登場嘅喺壽喜燒。一鍋滿滿嘅蔬菜啱晒我哋，而和牛輕灼之後入口嫩滑，油香十足！

食嘢有時為咗充飢，有時為就為咗享受人生，今晚同朋友慢慢食、慢慢嘆，享受舒服嘅環境，享受美味嘅食物，就喺享受人生嘅一餐。

個人評分
味道：8/10
環境：9/10
服務：8/10
抵食：8/10
平均每人消費：HK$490

餐廳資料：
昼月 Daymoon Cafe & Lounge
地址：銅鑼灣謝斐道535號Tower 535 3樓301號舖
電話：9470 7280