潮潮居 Chill Cuisine：一「鍋」風

黃埔區其實都幾多好嘢食，不過個人嚟講就真喺比較少嚟，唔喺話唔方便，不過，喺習慣性少嚟而已。今晚難得同老友嚟到呢邊「黃埔號」嘅「潮潮居」食火鍋，喺一人一鍋，啱晒各有各食唔同火鍋湯底嘅人，又可以過一過火鍋癮。

富軒 Wealthy Garden：了無「軒」掛過節飯

親戚多，家族大，一到大時大節就好多應節飯，相就影定先，有時間就會寫吓，當作個記錄。今次嚟到「富軒」做冬，一向以嚟都喺一手一腳由親戚安排，我哋只需俾錢同幫手不停食，可謂了無牽掛盡情食。可惜，今次因為有啲親戚去咗旅行，有啲病咗，唔算齊人，只開壹圍半。

荷里活冰室 Hollywood Cafe：一試「荷」妨

幾個死佬卒之等到有場衛生波踢吓，地點晌保安道球場，出咗身汗真喺爽晒。本來打算出番青山道搵食，不過，一出番保安道大街燈口位就見到呢間「荷里活冰室」，既然大家都踢到攰攰哋，當然就腳食呢間，費事再行。

米子燒肉家 Komeya：點「子」燒肉咁簡單

依家啲「冬菇亭」食肆賣少見少，尤其啲舊邨重建，就基本上會消失。繼早前行完山經過「隆亨邨」嘅「冬菇亭」，就幫襯過吓，今晚同老友記嚟到「美林邨」嘅「冬菇亭」搵食，喺在地嘅朋友推介呢間「米子」，食日式燒肉又得，食港式雞鍋又得。

Pinky Bakery：滋味好「冬」西

過到嚟上環嘅海港政府合署搞啲文件，返公司途中經過IFC，睇見呢一家主打賣冬甩嘅新店「Pinky Bakery」好吸引，之前晌銅鑼灣就過佢哋嘅Pop-Up Store。咁就不如買啲返去跟同事一齊下午茶，當喺慰勞吓大家早排搞掂幾個項目。

米線陣 Mixian Sense：港式「早」合

嚟「米線陣」梗喺食米線啦，錯！真喺嚟唔喺食米線，因為今日兩公婆又過嚟荃灣睇早場，先晌荃新天地一期食個早餐，再過去二期睇戲，因為一期呢邊多嘢食，就喺商場內嘅中庭地下就見已經有好幾個選擇，「米線陣」未幫襯過，加上其中有一個系列嘅港式早餐好啱我。

雪山冰廳 1956 Cafe ：「雪」好美味故事

接近年尾，兩公婆都比較多嘢搞，所以，今晚都爭取時間，唔煮飯出街食，乾手淨腳。因為都要落深水埗，就諗起不如順道過嚟「雪山冰廳」食晚飯，話晒食過知佢水準去到邊。

上海婆婆 Shanghai PoPo：「滬」惠共嬴

好一陣子無約呢位老友食飯喇，趁今晚老婆要上堂，屋企無飯開，就約佢出嚟食番餐。近近哋，就晌黃大仙一出地鐵行幾分鐘就到嘅「上海婆婆」，佢哋晌唔同地區都有好幾家分店，而呢家店就第一次到訪。

盈記四季養生麵館 Ying Kee Seasonal Healthy Noodle：「盈」勢不妙

同老婆過灣仔會長展睇演唱會，當然，事前晌附近食個快快趣晚餐啦，老婆一向講健康，近來又要食無麩質嘢，就晌網上搵到呢間「盈記四季養生麵館」，主因相中佢喺養生麵館。

一豆花 One Bean Curd Pudding Specialist：「一」次就夠

同老婆睇完戲都少少夜，但都諗住食碗糖水先打道回府，我哋就無專登搵，行到近油麻地港鐵站見到對面呢間「壹豆花」，老婆就好鍾意食豆花，見佢鋪仔細細都有啲堂食位，就不如試試。

貴緣小鍋米線 GuiYuan Siu Wok Mixian：「緣」來自有方

媽媽嘅嘅喪禮。之後，就再晌附近搵食，上網搵搵，赫然發現「貴緣小鍋米線」，多年前曾光顧過佢哋嘅紅磡店，原來靜悄悄搬咗嚟大角咀，咁摘日不如撞日啦。

萬麗咖啡室 Cafe Renaissance：「歐」起美味回憶

有幸地，北歐（主要喺挪威）算喺去過一次，不過，已經差不多喺6年前嘅事喇，當時喺一班老友為極光而去，喺一次幾好嘅旅遊體驗。最近就嚟到「萬麗咖啡室」大嘆自助餐，佢哋嘅自助餐一向有水準，而踏入12月就已經開始咗做聖誕加北歐主題「炫彩北歐佳節盛境 」， 別加入多款北歐菜式。

Cuisine Culture：商廈大「法」現

喺歐洲幾個大國嘅菜系中，相信法國菜算喺比較少食，睇返自己啲食評，原來對上一次食法國菜已經喺成年前嘅事，今晚嚟到隱身於商廈裡面嘅「Cuisine Culture」，再細嚐法式滋味。

民華餐廳 Man Wah Restaurant：速食「民」化

平常入嚟東涌食嘢通常都喺行完山，食個下午茶，但今次就參家活動，放飯時間就嚟逸東呢邊食個午飯，眼見呢家民華門外有啲人排，但又唔算多，啲客又快上快落，晌度搵食應該幾穩陣。

小廚港作 Rocoma Kitchen：「麩」唱婦隨

今日跟姨仔教會參加咗個本地遊，去吓沙頭角，又食吓海鮮餐，逛逛農莊，咁就一日。因為出發地點晌荔枝角，所以，早啲過嚟食咗早餐，睇住時間先行過去集合點。之前就晌網上搵到呢一間茶記「小廚港作」，睇落風評好似幾唔錯，加上就喺集合點就晌對面，夠方便。

Thailand King：「泰」悠閒

尖沙咀有幾條大街都好旺，不過，一講到「嘉蘭圍」就未必人人識，因為佢喺「加連威老道」內嘅一條小弧巷，巷內有唔少餐廳，今晚就同老友嚟到主打泰菜，加上以酒吧形式經營嘅「Thailand King」。

大快活 Fairwood：我的星期六美孚早餐 ~ 刮目相看

好耐之前，我哋呢邊美孚區都有間「大快活」，但喺就開喺死場「盈暉薈」，非常方便我哋，但呢個場真喺人流稀少，所以，疫情期間都執埋。但最近就晌「曼克頓山」呢邊重出江湖，令到美孚區又再有齊3大連鎖快餐店。我哋都襯襯熱鬧專登行遠啲過嚟食個早餐，然後再行下山或者行行公園。

鐵板世家 Sizzling Group：「鐵」人理料

講起豉油西餐，後生一代唔喺好知乜，但一聽就明，就證明你小弟咁，都喺有番咁上下年紀。早前晌太子食嘢，偶見呢一家「鐵板世家」，主打喺港式懷舊鐵板餐，之後再上網睇睇佢啲食評，感到好有興趣，所以，拉埋獨居老友嚟鋸吓扒。

新香冰廳餅店 Sun Heung Tea Restaurant：他「香」遇故知

幾年前同朋友行完「城門水塘」就落嚟「新香冰廳」食晏晝，今次都喺，同老表兩個由大圍經「下城門水塘」行返上去「城門」主霸，跟住再落返葵涌，亦都喺專登帶佢嚟試下呢間好有人情味嘅懷舊冰室，呢啲真正幾十年老店，依家真係買少見少。

貓抓烤肉 Meow BBQ：抓住烤肉的尾巴

最近從食友口中得知，晌旺角有家集韓式及日式嘅烤肉店「貓抓烤肉」，啲套餐非常抵食，而且，環境十分寬敞。剛巧早排小病，好番晒當然要食餐好嚟補數啦，所以，就拉咗老表一齊嚟嘆一嘆，又傾吓近況。

來多碗車仔麵：一「麵」之緣

啱啱去完旅行返嚟，第二日就返工，啲行李都仲未執，所以，今晚收工後就出街食，費時嘥時間煮，食完早啲返去繼續執拾行李。是夜就嚟到「來多碗車仔麵」，簡簡單單食碗車仔麵。

Simplylife Foodplace：再領風「酥」

同事送咗盒星巴克嘅「掛耳」咖啡俾我，齋飲唔喺唔好，但搵件靚餅襯吓作為下午茶咁就完美喇。所以，趁呢日過開金鐘政府合署交文件，順便嚟到呢間「Simplylife」買件丹麥酥食吓。

太子餅店 Prince Bakery：創意新一「菠」

收禮物就當然開心啦，是日就收到友人送嚟嘅「小禮物」，盒面印有「太子餅店」嘅標記 。雖然咁大個盒，但唔喺蛋糕嚟，事先朋友已張揚喺啲特色具創意嘅菠蘿包，究竟點特色法，立即開箱。

尚盛潮州海鮮飯店 Sheung Shing Chiu Chow Seafood Restaurant：午市搵食風「潮」

雖然小弟喺潮州人，但香港出世，潮州話唔識講，亦唔識聽，不過，一樣好喜歡潮州菜。最近就約咗同晌中環返工嘅朋友聚一聚，結果嚟到「尚盛潮州海鮮飯店」嘆吓潮州菜，大家都話好耐未食過。

樂天經典 Paradise Classic：友情一樂也

前文提要，同舊同事嚟個本土小旅行，過到嚟「將軍澳」探索吓，完晒啲行程，晚飯就晌「日出康城」搵搵有咩乜，最後見到「樂天」，可以嘆吓小籠包。不過，坐落先發覺搞錯咗，呢間喺「樂天經典」，唔喺「樂天皇朝」，雖然屬同一集團，但走嘅路線唔同，我個人較喜歡後者但既來之，則安之，等舊同事又可以試吓唔同嘅嘢。

NOC Coffee Co.：「遊」閒下午茶

有一組舊同事算喺旅行腳，不過，有個別舊同事轉職再轉職之後，一直夾唔到時間，已好耐無一齊去旅行。所以呢，就相約嚟個小旅行，探索吓九龍東嘅「將軍澳」，到海濱長廊、跨灣大橋走走，但第一站先嚟到「NOC」嘆下午茶。

六福菜館 Loaf On：海鮮美食新大「六」

雖然西貢可以講喺港人後花園，不過多年嚟，入西貢嘅次數都唔算多，入親嚟通常喺兩個目的，一喺行山，一喺食海鮮。今次再入嚟，就兩樣嘢都做晒，行山部份就由大水坑起步，經梅子林、茅坪、昂坪，再落番西貢市中心。食海鮮部份就嚟到摘星十多年，卻低調得緊要嘅「六福菜館」。

楓霖餐廳：旋「楓」式早餐

忙東忙西，好耐無行過山，所以，趁星期六搵埋洪哥快閃一段由大水坑上藤皇，再行返落西貢市中心。上山前，先到茶記食個早餐壯壯聲威，出咗大水坑站晌大水坑村有好幾家茶記，搵咗最就腳嘅「楓霖」。

Grind & Brew：一「麩」當關

輪到老婆餐生日飯，其實都幾難諗，佢唔喺追求奢華嗰一類，所以，唔使專登搵啲貴一貴嘅，反而，搵到啱食就可以喇。佢除咗偏素，近來，仲發現原來佢喺要食無麩質嘅嘢，否則，食咗小麥、大麥做嘅食物，就會出現皮膚痕癢。早前去Airside食嘢，就無意中發現「Grind and Brew」，喺一間提供無麩質食物嘅小店。

亞南雞煲 Ah Nam Kitchen：「雞」不可失

雞煲呢家嘢晌香港都興咗好耐，就算只喺雞煲，商家都各出奇謀，最後，朋友介紹位處太子嘅「亞南雞煲」，皆因雞煲嘅款式超多之餘，配料更喺重質不重量嘅，故此，約埋老友一心過嚟食靚嘢。

家家戶戶 Gagahoho：美味「戶」動

一講到食韓國菜，不其然就諗起尖沙咀嘅「韓國街（金巴利街）」 ，真喺成條街都喺韓國餐館或韓國超市。今晚就返老婆收工，兩口子嚟到街口嘅「家家戶戶」，輕輕鬆鬆食一頓簡單嘅韓國菜。

茶茶GO Chachago：「Go」質茶飲

小弟就唔喺咁經常買台式茶飲，間唔中一杯半杯咁啦，不過，天熱就多咗機會飲多兩杯。中秋都過咗，呢幾日仲上到33°C，熱到人都癲！工作關係落到嚟灣仔，撞啱呢間「茶茶Go」，咪買杯凍飲返公司嘆吓囉！

遇見花蓮 Hualien Dating：台味「蓮」線

一講到花蓮就想起 2017年包車由花連玩到台東，沿岸景色又多又靚，仲睇到幾片金針花海，玩得非常之開心。所以，之後不時都會留意下花蓮、台東嘅新聞。雖然短期內就未打算再去花蓮 走走，但今晚就嚟到「遇見花蓮」重尋台灣嘅味道。

城中館子 #bistrocity：多「館」齊下

隔咗成年有多，都無約啲晌同區工作嘅舊同學食吓飯，所以，夾到一日大家都方便就約出嚟聚一聚。以前大家都晌中環做嘢就比較方便，最近其中一位舊同學公司搬咗去金鐘，就要度一度地點，結果搵到位於大會堂嘅「城中館子」，正正喺大家嘅中間位。

明星金閣海鮮酒家 Golden Star Seafood Restaurant：質素有提「星」

一年一度細妹生日飯，例牌簡簡單單約出嚟一家人食餐便飯當慶祝，佢同細佬對食無要求，地點當然就番佢哋晌石硤尾、深水埗一帶，所以，揀咗「明星金閣」。

牛車水餐廳 Kreta Ayer Restaurant：平嘢無「車」求

啱啱去完旅行，晏晝機返到香港，而返到屋企成兩大喼行李待執拾，晚餐就梗喺費事搞住啦，睇睇錶仲趕得切落去食個下午茶餐當晚餐，慳錢及慳時間。最後選上「牛車水」，因為佢哋嘅茶餐去到6:30pm。

日 Hibi Bento：美味日「嚐」

香港人對日本菜一向都好受落，如果講到日本便當又會諗起咩呢？小弟就想起晌日本旅行時嗰啲鐵道便當，非常有特色，今次嚟到北角嘅小店「Hibi」，主打就喺日式便當。

富記大牌檔：「富」選陣容

有台灣朋友到訪香港，佢就喜歡啲另類景點，所以，特別安排佢朝早行一轉短山，遠跳獅子山及望夫石，晏晝再到訪「美荷樓生活館」。而行完山落到嚟「隆亨邨」就順道探索下屋邨嘅「冬菇亭餐廳」，對佢哋嚟講算喺新事物，求求其其揀咗「富記」用餐。

Cocoon：西日精品

其實都唔多過嚟牛頭角、觀塘呢一邊搵食，不過，近兩個月真喺嚟多咗呢一，純粹都喺就番一下朋友而已。而今晚嚟到呢一間「Cocoon 」，名字好西化，但其實主打喺多國菜及日式便當嘅廠廈餐廳。

牛丼家 GYUDONYA：活在「丼」下

出開嚟旺角睇波鞋，咁就順便食埋飯先走啦，去到近地鐵站口附近，本來就想試下間茶記，不過見到呢間「牛丼家」，老友又話想試下，我食咩都無所謂，反正都喺一餐。

Greenhouse Asian Gourmet：周末登「綠」午餐

跟另一對夫婦嚟到「圍坊」睇早場，睇完啱啱好喺食午飯嘅時間，呢度搵食就非常多選擇，中西日東南亞乜都有，兜咗個大圈，最後相中「Greenhouse」，主打東南亞菜，貪其鋪面裝潢份外清新，就即管一試。

銘興山西刀削麵：輕「興」鬆鬆又一餐

同老婆晌紅磡啲殯儀館出席完安息禮拜，就專登落嚟紅磡搵食，因為晌德民街附近一帶有非常之多餐廳，選擇多又經濟實惠，加上近黃埔站，走又方便。行到近黃埔呢邊見到有間「銘興山西刀削麵」，有少少印象就喺幾年前晌大角咀食過一次，都成九點幾，望入去裡面坐滿人，證明餐廳有料到啦！

點心到 Dim Sum Here：「心」受歡迎

今晚又喺「無飯」夫妻日，所以，大家都唞唞出街食，嚟到油麻地嘅「點心到」 ，就晌地鐵站斜對面，貪佢位置方便。兩公婆揀點心專門店有個好處，就喺可以試到多啲嘢，唔似其他餐廳就可能喺佢一個晚餐、我一個晚餐。

賓墟餐廳 Bun Hui Restaurant：投「賓」湯粉麵

幾個老死晌長沙灣球場睇完波，原本打算行過去青山道嗰邊搵食，因為嗰邊選擇多，但喺大家都話好耐無踢，踢完成個人散散哋，故此就過咗對面「幸福商場」嘅「賓墟」食就算，好彩間餐廳收十點，我哋仲有大半個鐘頭嘅時間食飯吹水，又懷緬下昔日晌場上嘅風姿。

南記粉麵 Nam Kee Spring Roll Noodle Co. Ltd：抵食「南」籌股

老婆嘅飲食一向偏素，此外，又喜歡食魚，近嚟見到「南記」有一款「鱻」米線套餐，睇落幾特別，所以，專登落到嚟長沙灣分店試試，因為呢間分店最近我哋屋企架喇。

金叔叔 Uncle Kim：分「金」同味

約咗個舊同學傾下工作嘢，因為大家算喺同行，互相交流。由於佢晌觀塘區工作，所以，地點由佢發辦。佢就話不如去「愛琴坊」呢個美食廣場啦，到時可以睇下揀想食乜，結果，就揀咗「金叔叔」，我就同佢講正正十月尾就計劃咗去首爾 hea遊。

黑布小巷 Hak Po Alley：美味時「黑」

雖然不時都有嚟荔枝角一頭食嘢，但去D2 Place比較多，「億利」都好耐無嚟過。其實我都幾鍾意啲廠廈度搵食，平靚正之餘，有時又有啲驚喜。今晚就同住晌附近嘅老表嚟聚一聚，搵間平靚正嘅餐廳，搜索吓「黑布小巷」睇嚟唔錯喎，風平不俗，台灣嘢又啱我哋。

三點三冰室 3.3 Cafe：「脷」字當頭

一講到「三點三」，普遍香港人都會想起下午茶，不過，今次唔喺講下午茶，而喺講晌青衣城嘅一間茶記「三點三冰室」。因為老友最近由葵芳搬咗去青衣，約佢聚一聚食餐飯，茶記就最啱我哋呢啲麻甩佬，所以，是夜就到訪咗呢度。

Plato Cafe & Bistro：美食「柏」住上

自從開咗Airside之後，同老婆都多咗嚟新蒲崗呢邊，因為一出地鐵站天橋駁天橋就過到嚟呢頭，加上我哋住喺屯馬線之上，一程車就過到嚟，非常簡單方便。今晚就過到嚟Mikiki搵食，又可以逛吓「一田」 。見到新開咗一家「Plato Cafe & Bistro」， 大約喺年初到訪過其佐敦店，試過佢啲嘢有質素，所以，就同老婆試呢間，有保證嘛！

ROJO：新推二人餐

有個老友話一直好想試西班牙菜，就為佢揀咗幾間心水嘅，最終決定嚟到炮台山嘅「ROJO」，因為食過好幾次，覺得水準穩定，加上近期發現店家推出咗二人套餐，覺得抵食喎，就扑鎚嚟呢度。