一出電梯就已經喺餐廳（其實，另一邊扶手電梯先喺餐廳正門入口），全場都富有中國風擺設，而去到主用餐大廳，一牆都喺戲曲彩繪，顯得更有特色，此外，唔止地方大，難得枱櫈都編排得頗有距離，完全無逼逼夾夾嘅感覺，配合埋柔和燈效，讓客人可以更舒舒服服用餐。
此外，餐廳佔三樓全層，其實好大，仲開設了好多廂房，臨離開前，就睇過其中一個廂房，唔止大，仲裝修得好有格調，環境清幽，私隱度高，適合作商務宴會。貴為星級餐廳，招呼方面做得好到位，非常熨貼、細心。
除咗主打魯菜，仲加入新派川菜風味，而午市只供應套餐，包括「川味商務套餐」賣$788（兩位）、$1,880（四位），另一款嘅「魯味商務套餐」，定朔為$988（兩位）、$3,880（四位）、大廳茶芥$30位，另收加一服務費。我哋唔喺好食得辣，自然選後者啦！
熗拌濰坊鮮蘿蔔皮
水晶垛子黃牛肉第二道喺黃牛肉，一睇就覺得喺功夫嘢，有啲似鎮江肴肉嘅做法，不過，就做成薄片，每一片都切到好薄，賣相更喺晶瑩剔透。入口質感柔軟，富膠質感，而肉味不俗，鹹香味恰到好處，再沾上自家製辣椒粉，更突出到肉香。
酸辣花膠烏魚蛋湯睇外觀好似無乜特別，一入口好有上海酸辣湯嘅風味，辛辣得嚟唔嗆喉，稀杰度又啱啱好，湯頭亦好清甜；而湯內有唔少花膠片、烏魚片，兩者都好軟滑，集鮮、酸、辣，真喺好飲又好食。仲有個細心位，就喺成碗湯都熱住，大可慢慢飲，唔怕好快攤涼咗。
魚子醬烤鴨配山東煎餅原以為簡簡單單將菜式奉上，點知由師傅親自將原隻烤鴨在堂前片鴨，放上煎餅，再添上黑魚子醬，真喺萬分驚喜嘅菜式，更心思喺晌煎餅皮上印有感激語，極具儀式感。將煎餅捲起整件鴨肉，一口咬落去，可謂皮酥肉嫩，又有幾分油潤感，加上魚子醬嘅鹹香，真喺無咩挑剔位。
傳統魯味爆三樣跟住喺一連4道熱菜登場，先喺呢一道經典魯菜，三樣包括豬腰、豬潤、豬肉，清洗得好乾淨，完全無異味，加上香濃嘅醬油爆炒，非常惹味，拌飯絕對一流。
蔥燒渤海灣帶魚侍應話大葱都喺嚟自山東，葱香突出，可謂原汁原味，而渤海灣帶魚起肉切件，方便食用，而且，肉質非常嫩滑細緻，醬汁亦推得剛好，葱香入味，又唔會冚過魚嘅鮮甜味。
蟹蝦醬非遺饅頭除魚子醬烤鴨，呢個蟹蝦醬亦喺令人好有驚喜嘅菜式，睇樣你就知蟹粉落得十足，而且，蟹味濃郁，此外，蟹粉內仲有唔少蝦肉，單喺呢個組合已經嬴晒啦；原以為配以一個個嘅饅頭，其實手撕饅頭再烘脆，拌上蟹粉，只可以講勁好食囉。
膠東鍋燒大燴菜最後一道熱菜喺燴黃芽白，咪睇輕佢，一樣煮得好食，皆因裡面仲有豬肉、豆腐，所有食材嗦滿濃厚湯汁，味道一啲都唔寡；底下仲有啲粗身嘅薯粉，亦唔好錯過，煙韌有咬口，又嗦晒汁喎，好食！
膠東海鮮熗鍋麵雖然上一道菜有啲薯粉，但正式嘅單尾喺呢碗熗鍋麵，唔喺講笑，一開碗蓋，陣香味一湧而出，個湯底有着濃郁海鮮味，而質感做到好似日式拉麵啲豬骨湯咁偏厚身，所以，每啖入口都喺海鮮嘅超級精華，再者，加上有啲小龍蝦肉，升高幾個檔次啦，麵條口感有韌勁、又耐浸，真喺唔普通嘅一碗麵。
阿膠絲滑酸奶酪其實即喺酸奶奶凍，食咗咁多道濃味菜式，呢個酸奶酪正好中和吓。個酸奶酪果然做到絲滑，但又唔會好削身，口感極佳，酸味跟奶味都好平衡，而面頭淋上阿膠，添加一份綿密嘅蜜香！
今次真喺有啲「失預算」，以為二人餐晌份量上應該喺兩個人份量吧，其實，真喺3個人都好夠食，哈哈！整體而言，無論環境、招呼，以至食物水準，都讓人稱心滿意。
個人評分
味道：10/10
環境：9/10
服務：9/10
抵食：9/10
平均每人消費：HK$580
味道：10/10
環境：9/10
服務：9/10
抵食：9/10
平均每人消費：HK$580
星‧South Beauty
地址：上環德輔道中173號南豐Place 3樓
電話：2808 1311
地址：上環德輔道中173號南豐Place 3樓
電話：2808 1311
沒有留言:
發佈留言