其實鋪面晌漆黑一片嘅工廠區哋寧舍搶鏡，而入到餐廳，裝修簡樸，一室淺色為主調，但又唔似走文青路線，因為無咩別緻、充滿文化嘅裝飾，就連少少輕鬆音樂都欠奉，還好感覺予人輕鬆悠閒，如擺放多一點植物、小盆栽，感覺更好，因為雖然鋪面全喺落地大玻璃，但對出喺工廠區、舊樓，無咩景可言，倒不如讓客人嘅焦點放番晌鋪內。
店名中「LN」喺「Loving Nature」嘅縮寫，相信喺指鍾意自然、簡單嘅意思，之前星期日經過就正正見佢話提供素食（註：星期日喺唔開，只睇見窗後嘅廣告牌，營業時間11:00am-8:00pm），就專登今晚過開嚟試試。睇見晌收銀旁嘅木板小餐牌，啲菜式真喺頗健康，但款式唔多，定價亦唔算平，包餐湯或花茶，卻唔可以轉其他嘢飲，加錢都唔得，要散點。
而主牌旁就印咗張濛濛哋嘅飲品餐牌，分咖啡類及非咖啡因類，但未並因為位置或知名度關係，定價跟幾家大型連鎖咖啡店差唔多。而較特別喺指明所有飲品都喺用上燕麥奶，喺近年新興嘅素奶，曾經晌Pacific Coffee試過一次，感覺跟用全脂奶沖泡出嚟嘅感覺唔差得去邊。
而清水、餐具就放晌餐廳一角，不過，眼見好多餐具都未有補充。當然，向店員詢問餐具，都好快提供到俾你。
晌收銀處落單後，會俾個號碼牌仔你，埋位等上菜就得嘞。
餐湯
都無講得好明喺咩湯，送到嚟原來喺中湯，有啲似煲粉葛，其實喺素湯，睇料有啲粟米、甘筍、蓮子、菇菌之類，味道較清淡，好唔好飲就見仁見智喇。
鮮蔬牛油果卷 $63
賣到六十幾蚊，對呢份墨西哥卷有啲期望架，但賣相真喺只可以用平實嚟形容，而份量十足。兩大條墨西哥卷一開二，裡面塞滿紅椒、黃椒、牛油果、紫椰菜、豆腐乾、青瓜、翡翠苗，口感確喺不俗，又幾清爽，但只用上普通嘅沙律醬，牛油果亦只佔少份量，味道欠缺個性。
蕃茄蔬菜意粉 $46
老婆本來想試佢個豆腐漢堡，但咁早（6:30pm）都已經無。正如菜名，就喺蕃茄蓉+蔬菜+意粉，蔬菜都喺眼見普普通通嘅西蘭花、雜菌及燈籠椒。雖然，個蕃茄蓉頗濃郁，幾酸活，但由於蔬菜過於普通，而醬汁都只喺就咁淋落去，無跟意粉一齊煮過，可以講製作屬快餐店模式，故小弟就覺得整體喺好一般嘅出品而已。
花茶
初以為喺啲伯爵茶呀、玫瑰花茶呀、洋甘菊呀……之類，原來喺中式嘅烏龍茶，雖然喺品牌「天仁茗茶」，但感覺都喺普通咗少少。
整體而言，食物嘅質素只屬一般，選擇亦偏少，服務普普通通，唔喺講話店員招待有咩問題，只喺佢哋出菜無咩章法，有咩就出咩咁啦，好似我哋差唔多食完碟墨西哥卷，先至上碟意粉。雖然打着健康嘅旗號，但小弟就覺得吸引力唔大。
個人評分
味道：6/10
環境：7/10
服務：7/10
抵食：7/10
平均每人消費：HK$55
味道：6/10
環境：7/10
服務：7/10
抵食：7/10
平均每人消費：HK$55
餐廳資料：
幸福咖啡 LN Fortunate Coffee
葵涌葵興葵榮路30號Edge 107號鋪
3628 3884
幸福咖啡 LN Fortunate Coffee
葵涌葵興葵榮路30號Edge 107號鋪
3628 3884
沒有留言:
發佈留言