2017年12月25日星期一

元気寿司 Genki Sushi:行完山,打打気!

行完大帽山,同老友一程巴士落番荃灣綠楊新村,之後匯合大家老婆,走入「元気」食壽司,過吓壽司癮。其實,本來喺打算飲茶,但附近幾家酒樓都好多人,退二求其次,就入咗元氣。

彩龍茶樓 Choi Lung Restaurant:鄉間龍情

上到嚟荃灣川龍飲茶,其實喺配菜,主菜無非都喺為行山,但出發前到吓舊式茶居,嘆吓一盅兩件,並感受吓鄉間濃情。由於,今次喺由川龍走小徑一直剷上大帽山,難度較高,所以,就只喺同個老友二人行。由於對上一次嚟已幫襯過端記,故今次就幫襯吓彩龍。

2017年12月23日星期六

來記士多:回到味來

秋高氣爽,最正就梗喺去行山啦,呢個星期六又跟人行山,目的地哋甚少行嘅西貢,有人安排晒一齊就最好不過。遠足路線喺過咗西沙之後,由水浪窩行到去深涌,沿路有山有水,全程平路,輕鬆易行到不得了。行到近尾段榕樹澳,接近中午,都喺食晏嘅時間,一早已安排嚟「來記士多」食嘢,咪聽見「士多」就以為都喺餐蛋麵之類速食,查實佢喺非一般嘅士多。

2017年12月22日星期五

宏 Hiroshi:跳躍大搜茶線

兩年前到過尖沙咀店食晚飯,知道「宏」有唔少甜品供應,但由於喺食晚餐關係,當晚所試嘅甜品唔多,今回同親友專登嚟到新開嘅黃埔店食下午茶,一試多款出色嘅甜點。

2017年12月19日星期二

Le Cleret:優雅法式小餐館

晌Le Cleret鋪面打着「Brasserie、Cafe、Vineyard」(小餐館、咖啡店、葡萄園)字樣,大概你都估到佢喺走咩路線。法式小館晌中環區我印象較深喺晌蘇豪區嘅Bouchon Bistro Francais,因為食過一次晏,真喺頗高質,但位置有少少吊腳。而Le Cleret就開晌大街地鋪,食正好位,又近香港站,對我嚟講確喺幾方便。

2017年12月18日星期一

S2 Teppanyaki:鐵板樂燒遙

晌過去嘅11月初,到訪過中環嘅「S2 Kitchen」,卒之一嚐其招牌海膽杯,順道賀一賀表姨甥女嘅新書。當時聽店員講,佢哋正籌備緊另一家分店,開晌佐敦,但就唔喺以居酒屋咁經營,而喺主打鐵板燒。鐵板燒對小弟嚟講,唔陌生,但又唔算認識深,不過,就鍾意坐晌鐵板燒枱面前,睇住師傅「表演」。

2017年12月17日星期日

The Captain's House:鮮睹為快

海鮮喺好多人都喜歡嘅食材,無論中外各國,做法都相當多,美國「新奧爾良」嘅食法你又試過未?以一道搖一搖「海鮮袋」( 熱船長海鮮拼盤)打響名堂嘅「The Captain's House」,就喺一家提供多種海鮮嘅餐廳。是日選擇晏晝嚟,就貪其人客無咁多,食得寫意輕鬆。

雲龍軒 Dragon Wind:歡樂到雲

補祝老婆生日,唔單止入嚟迪士尼玩番日,仲食番餐好嘅。之前嚟都喺晌樂園裡面嘅餐廳度食,今次就走出園外,到迪士尼探索家度假酒店嘅「雲龍軒」食晏,聽個名好中式,無錯,佢其實屬於家中菜館,但逢星期六、日、假期,中午會供應自助午餐(平日中午唔營業)。

2017年12月16日星期六

太平洋咖啡 Pacific Coffee Company:我的星期六美孚早餐 ~ 聖誕新品

好耐無寫過「我的美孚星期六早餐」系列,雖然近乎個個星期六都專登出街食早餐,早前兩公婆輪流小病,多數落「海皇」,否則就比較多去McCafe多,間唔時幫襯吓同區美字頭、大字頭嘅快餐店。今次,就唔同啲,打算入廸士尼玩,補祝老婆生日,所以,就一早輕鬆去「Pacific Coffee」嘆咖啡食早餐,培養吓遊樂嘅情緒。

2017年12月14日星期四

魂 Tamashii Japanese Noodle:風魂變色

隔三幾個月就會食番次拉麵,對上一次喺三個月前晌灣仔嘅「幸屋」,拉麵算得上香港人頗鍾意嘅日食之一,不時都仲聽到新拉麵店開業,真喺開極都有,而每家拉麵店都有其獨有殺手鐧。今晚,同友人嚟到太子嘅「魂」,又會以咩應戰呢?

2017年12月12日星期二

鳴越越式料理 Ming Viet Vietnamese Cuisine:鳴副其實火車頭

睇到食友嘅食評,講到呢間越南菜館幾好咁,又撞正今晚得一支公,屋企無飯開,就收工走過嚟食完先返屋企,近香港站我返歸又方便。況且,越南菜啱我,小弟都幾鍾意食越南河。

2017年12月10日星期日

小欖燒烤樂園 BBQ by the Beach:燒烤滋味博欖

學生年代,都幾鍾意同啲同學仔去燒嘢食,好玩吖嘛。近年燒烤,唔使多講,都喺以去燒烤場為主,重點喺方便吖嘛!俾錢就代勞晒安排一切,而且,身邊嘅朋友又有晒仔女,比起郊野公園,燒烤場配套好啲,又安全啲,就自然揀佢哋。趁入秋,又未到寒冬,同其中一家細胞小組組員入到嚟「小欖燒烤樂園」玩番日。

2017年12月9日星期六

The Point:講嘢要有Point,薄餅要搵Point。

食友都知小弟喜歡意大利嘢,好幾位推介我試試The Point,間唔時都有留意呢間店,主打龍蝦薄餅真喺幾出名,最近先知晌九龍The One商場都有分店,故此,趁周末午市應該客人唔多,專登走過嚟食晏。

2017年12月8日星期五

金記冰室 Kam Kee Cafe:苦盡金来又一餐

唔少香港人都鍾意懷舊吓,所以,造就咗一啲偽懷舊冰室,即喺新餐廳,但設計得帶懷舊味道,「金記冰室」喺其中一家。但佢嘅西環「老店」其實小弟未去過,只喺去過其灣仔店,眨吓眼原來仲晌唔同區域開咗好多分店添,算有啲成績。apm有個星戰展,順便晌度搵埋食。

2017年12月7日星期四

Chalet:歐陸心C菜

同老婆過嚟荃灣新開嘅IKEA,所以,就順便出街食埋飯,晌附近搜尋咗幾家餐廳,發覺「Chalet」風評不俗,而且,正正晌IKEA對面街,位置上非常就腳,但晚上經過,門面就顯得異常低調。

2017年12月5日星期二

中西‧環 Centre Street Kitchen:中西‧薈萃

港島太平洋酒店晌好多年前曾經嚟過,不過,當時未有港島線延線,入嚟西營盤總覺得有點隔涉,所以,西環嘅搵食足跡好有限。但開通後,西環比以往多咗嚟,而今晚同朋友就一齊食自助餐慶祝吓聖誕,揀咗間平平哋嘅「中西‧環」。

2017年12月4日星期一

瀧 Tempura Taki:午間瀧情

早前同個舊同學到蘭桂芳嘅FUMI食晏,先知原來佢喺日菜嘅粉絲,對日菜可謂情有獨鍾,無論刺身、壽司、燒肉、串燒、涮涮鍋……等等都無任歡迎。反而,天婦羅就比較少食,原因不外乎較「熱氣」,但做得好嘅天婦羅可以唔點熱熱,最近,食友就推介我位處威靈頓街一食廈之上嘅「瀧」(Tempura Taki),做天婦羅夠專門,亦甚有水準,故再次約舊同學聚一聚。

2017年12月3日星期日

Patisserie:蛋糕也蜂狂

沙田凱悅酒店嘅「餅店」(Patisserie)有兩樣名物:蜂蜜蛋糕及蘋果批,早前到過酒店嘅「咖啡廳」食自助餐,咁遠水腳到嚟,就梗喺順便將佢哋嘅「沙田蜂蜜蛋糕」帶埋返屋企同家人享用啦!

2017年12月1日星期五

沙田凱悅酒店咖啡廳 Cafe:悅人無數

依家做自助餐生意實在唔容易,各出奇謀,走街坊大眾化路線嘅,就一味靠平,但大家明白,一分錢就一分貨,質素有限;相反,走高質素路線嘅,食材自然有番咁上下,而且,為求增加吸引度,除咗應季節、節日以唔同嘅主題作招徠,晌食材嘅質素上更加不斷提升。最近,同朋友到訪沙田凱悅酒店嘅「咖啡廳」食自助晚餐,就更加呈獻特色表演主題菜,容後再介紹即喺咩!

2017年11月28日星期二

Angry Oppa Restaurant & Bar:憤勇當先

韓國菜,算喺食唔少,但近呢年,唔喺韓燒,就喺炸雞,直至最近先一試韓式熔岩薄餅。其實,都曾經食過幾次芝士拉絲炸雞,但薄餅就絕對喺第一次,見人拉得咁過癮,其中一個表姨甥女上完電視節目,就搵埋佢嚟「Angry Oppa」奮勇當先一齊拉吓。

施心畢老撾餐廳 Sisombath:一施不苟

從飲食雜誌睇到「Sisombath」嘅介紹,賣老撾菜,超冷門喎,咁啱就開晌中環,就晒我啦,真喺要會一會見識吓咩叫老撾菜。不過,從雜誌嘅文章,已概略了解到由於老撾就晌越南泰國隔離,所以其菜式都近似呢兩個國家。

2017年11月26日星期日

Ciao Chow - Italian Cafeteria:輕型煮意

舊年年初,曾經到訪過中環嘅Ciao Chow食午餐當開年飯,試過啲意式凍肉拼盤、薄餅、甜點,知道其水準有幾高。最近,先聽聞晌又一城開咗新副線,名字無變,但形式走得更年輕化,定價比中環店便宜一截,無理由咁就腳唔去試試嘛!

2017年11月23日星期四

品坊 the SQUARE:大殺四坊

晌東涌諾富特酒店食過一次自助午餐,佢哋嘅自助餐向來以抵食作招來,口碑亦唔錯。最近,就無入到東涌咁遠,同美孚街坊老友夏總、夏太、我老婆一行4人一齊去佐敦嘅九龍諾富特酒店食自助晚餐,貪其有5折優惠,諗住比起東涌店應該都唔會太差。

2017年11月22日星期三

HABITŪ all day:好友狂嚐曲(70)

隔咗幾個月無出文寫曲奇喇,不過,再出就寫番篇好嘢先,就喺好友所送Habitu嘅聖誕曲奇,好嘢在於原來喺由城中名模Amanda Strang設計同監製,名為「Rudolph’s Biscuits」嘅紅莓朱古力榛子曲奇。

2017年11月21日星期二

La Casa Bistro:意猶未盡

香港賣意大利菜嘅店鋪比比皆是,最近,同朋友到訪上環嘅La Casa Bistro,更集中於主打意大利麵,既然咁專注,應有其個人之處,亦喺我哋有興趣到訪嘅原因之一。

2017年11月19日星期日

金滿庭京川滬菜館 Modern China Restaurant:當年金日

正所謂出外靠朋友,事緣幾個月前已幫公司訂銅鑼灣金滿庭廂房進行午餐例會,會前一星期再打去確認,以防萬一,點知話我哋無訂房紀錄,仲要話如果要訂房盡快落嚟交訂金。因為幫襯咗十幾年,同啲經理頗熟稔,所以,一向都豁免啲繁文縟節,依家一句話轉晒人,上面要求樣樣要執正嚟做,真喺激氣。今晚,同一班舊同學嚟金滿庭,不過,大家都喺九龍人,揀鑽石山店自然理所當然,其次同經理相熟,招呼好啲。

巨人冰室:別巨一格

今個月嘅細胞小組活動喺行山,大家一齊晌太子食完午餐就出發,坐巴士上馬騮山,因為有小小小朋友同行,所以揀行鷹巢山自然教育徑最好不過,無乜難度之餘,輕輕鬆鬆兩個鐘左右行晒。至於食晏,就揀咗晌太子嘅巨人餐廳,其實無咩特別原因,只哋近上車個巴士站啫。

2017年11月16日星期四

豐樂里 Viral Fusion:初露豐芒

小弟成日講,晌中環搵食食晏唔喺一件樂事,一過12:30pm家家餐廳都有人滿之患,尤其喺中下價餐廳、地鋪尤甚,多人多到不得了。約咗舊同學食晏,當然會講到當年今日有排傾啦,所以,餐廳環境好重要,主打亞洲融合菜嘅 「豐樂里」就絕對好適合靜靜局傾偈,又或同客嚟食個商務午餐。

2017年11月12日星期日

英王麵包店 A1-Bakery:一抹茶香

本身唔喺抹茶控,不過,一樣鍾意食抹茶做嘅任何甜品。返歸途中,經過「A1」,老婆話請我食蛋糕,無理由唔賞面嘅,眾多款式中,見呢款抹茶蛋糕頗有層次,所以,就點中佢。

2017年11月11日星期六

甜點 Hearts Dessert:鹹甜皆宜

一連幾個星期六都走去行山,今周就挑戰多少少,上針山。好多年前行過一次,但就由城門主霸上到針山,原路落番去,今次就加長版,上到針山就由另一邊落,落番去接畔塘徑,兜個大圈返主霸,秋高氣爽,行得超滿足。時值旁晚,跟手落荃灣食晚飯,順便食番啲甜嘢補充糖份,網上搵到呢間「甜點」,有正餐食,又有超多甜品選擇,最正喺定價唔貴吖嘛。

2017年11月10日星期五

潮食街 EatStreet:心血來潮.食街

不時有去吓啲工廠區嘅廠廈搵食,因為價位實惠,又有不少喺卧虎藏龍。雖然食自助餐都唔少,不過,晌工廠區嘅酒店食自助餐呢,印象中今次都應該喺第一次喇。不過,近年,都發現有唔少酒店進駐入工廠區,為工廠區帶嚟多一點生氣,位於新蒲崗嘅香港九龍貝爾特酒店就喺其中一家,今晚同親友嚟到酒店中嘅「潮食街」食自助餐,認識吓呢股工廠區嘅新食力。

2017年11月7日星期二

S2 Kitchen:膽色過人

以一道搶鏡嘅海膽杯打響名堂嘅S2 Kitchen,雖然鋪仔細細,食客依然不絕,其實一直想嚟好耐,都未有名目,卒之趁剛表姨甥女出新書,食番餐日本菜賀一賀佢,希望佢本講本土小動物嘅繪本圖冊能大賣。

2017年11月4日星期六

2DP:兩位小數位.有素得計!

近年因為老婆轉為偏向素食者,所以,有時對啲素食餐廳都會稍加留意,其實「2DP」都留意咗好一陣子,以中國茶聯乘素食,概念幾新,而且,睇佢風評不俗,所以,趁同老婆一齊出開嚟尖沙咀參加特會,就約埋朋友嚟一齊食晚飯。

2017年11月2日星期四

豊洲水産海鮮丼専門店 Toyosu Suisan:丼之無愧

食海產幾時都喺以新鮮貨為重點,「海鮮批發」、「新鮮直送」,喺咪提升咗對一店源嘅信心呢!去年尾嚟自東京築地市場嘅海鮮批發商「豊洲水産」正式晌香港灣仔插旗,打住首間海外直營海鮮丼專門店,咁嘅背景已令人感到有一定嘅保證。過多幾個月就已經晌九龍區油麻地開分店,小弟就未去過東京,但久唔久就有食海鮮丼嘅傻勁,趁老婆今日有事無時間煮飯,就一於出去食撐撐枱腳。

2017年11月1日星期三

FUMI:滋味午餐宮略

友人計劃去九州一趟,但就未確定去北九州定南九州好,相約出嚟食晏兼交流吓,不假思索就想起去中環加州大廈嘅「俺の割烹」,主打賣宮崎食材,幾個月前嚟食過,環境好,質素高。不過,訂枱時始發現原來已經俏俏改咗名,新店名字叫「Fumi」,但環境無變,同樣以宮崎食材入饌。同朋友一邊食,一邊講返小弟年初嘅南九州之旅,一餐飯真喺講唔晒。

2017年10月31日星期二

Burger Lab:Lab is more

早幾個月前去過尖沙咀嘅Burgeroom食漢堡,揀咗個平平哋嘅「菠蘿煙肉牛肉漢堡」,貪佢有大大片菠蘿,老友就話我知,佐敦都有間專賣漢堡包嘅小店,同樣有一款有大片菠蘿嘅漢堡,叫我一定要試吓,擇日不如撞日,趁老婆有局,就自己一支公嚟咗「Burger Lab」做吓「美味實驗」。

2017年10月29日星期日

伊賀日本燒肉料理:伊不稱心

雖然表哥一家都去過好幾次日本關西,傾開偈,原來都未曾試過食日式燒肉,所以,專登搵個星期日晏晝,一齊去試試。晌FB見到呢間「伊賀」,燒肉放題任食兩小時,有唔少優惠,再睇睇風評不俗,而且,午市食燒肉放題又有75折,午市相信亦無咁多人,招呼都應該會好啲。

2017年10月28日星期六

Kubrick:文青不再

重陽節有咩好節目?梗喺登高啦,同朋友行山,由城門水塘行去大圍香粉寮村,喺朋友嘅私密山徑,人跡罕見,甚有探秘嘅感覺,天朗氣清,行兩個鐘唔使就行完。是日節目未完,夜晚就約咗朋友出油麻地食飯,地點由佢定,大家都喺咖啡粉絲,所以,就專登揀咗Kubrick,一於扮文青(其實我哋啲中佬,文青不再啦)。

2017年10月26日星期四

The Place:出奇祭勝

近來卒之有啲秋意喇,一到秋天,唔多唔少都會諗起紅紅秋葉,秋葉又會諗起日本同韓國,雖然都有到訪過呢兩個國家,但就未試過晌秋季前往。今晚同老婆嚟「The Place」食自助餐,順道慶生,食物主題正正做緊「日韓秋祭」,顧名思義,就喺推出特色嘅日韓菜,未知能否做到出奇制勝。

2017年10月24日星期二

一起果醬 Let's Jam:占占自喜

果醬!我就鍾意叫果占,因為,有種港式地道嘅感覺,又中又英嘛。以前好鍾意羅拔臣嘅檸檬占,不過,依家好難搵。小弟鍾意食麵包,亦鍾意食果醬,所以,舊年去咗一轉北海道,專登晌富良野到訪「ふらのジャム園」(富良野果醬園),嘩!啲果醬口味多到不得了,兼且好特別,而今晚嚟到「一起果醬」,同樣喺以獨特嘅果醬為賣點。

2017年10月23日星期一

咖喱葉 Curry Leaf:印度美味新一葉

都好耐無食過印度嘢喇,一時慶起,撞啱老婆有要事唔開飯,摘日不如撞日,就搵咗老友陪吓小弟去食餐印度飯,原來老友都鍾意印度菜。香港有唔少印度餐廳,晌網上搜集吓,就發現有超過160家,可見都幾多人鍾意印度菜,而且,以前到訪過嘅都喺印度裔廚師,印度裔侍應,今晚到訪嘅「咖喱葉」都喺一樣。

2017年10月20日星期五

米香園:香土情懷

朋友介紹呢間小店時,初時睇個名以為喺啲米線鋪,原來喺賣潮汕菜,小弟名副其實喺偽潮州人,話就話鄉下喺潮州,但未返過去,更喺半句潮州話都唔識,不過,潮州菜倒喜歡食。是夜,同幾個朋友聚一聚,嚟到「米香園」食潮汕菜。

2017年10月18日星期三

牛気 Nabe Urawa:拿手好氣

約咗個舊朋友食飯,知佢喺食肉獸,亦都算識食,所以,諗過一喺食日式燒肉,一喺食日式涮涮鍋,仲要揀放題嗰類,因為,睇朋友身形就知幾擦得吓,放題點食都喺一個價。天氣轉涼,燒肉又比較熱氣,最終,一行3人就選定希慎嘅「牛氣」,貪其水準有保持,食材選擇多。

2017年10月12日星期四

Beanswork:美味無Bean界

食友知小弟喺鮮奶咖啡嘅粉絲,所以,遇到啲有質素嘅咖啡店都會推介俾我。最近,就介紹咗一家晌銅鑼灣怡和街近尾嘅小店,話佢唔止做菜有誠意,而且,沖調嘅咖啡水準甚高,故此,約咗親友食晚飯,睇睇早前去咗花東嘅旅行相,就決定選址呢度。

2017年10月8日星期日

紅蔥頭 Cafe MED:言不由蔥

對「紅蔥頭」嘅印象喺普普通通嘅感覺,小弟就定佢為裝修花心思啲嘅港式西餐廳。始創中心店都曾經幫襯過,不過,都喺多年前嘅事,今次都喺嚟到食晏時間,言不由衷咁跟大隊,其實都知呢間餐廳去到咩水平。

2017年10月6日星期五

Van Gogh Senses:感觀世界,平凡中嘅不平梵!

好耐無同一班相熟食友聚一聚喇,難得老友吹雞,就算揀嚟尖沙咀地標1881 Heritage嘅「Van Gogh Senses」(VGS)藝術餐廳,小弟都當然要捧場。雖然藝術嘅嘢小弟真喺唔多識,但無論晌香港或外地,都會逛吓博物館、美術館咁架。第一次到訪Van Gogh Senses,由門面,至入到店內,再走到用餐區,所帶嚟嘅印象,絕對唔喺一間餐廳咁簡單,可以講喺一間以梵高為主題嘅小型精品館。

2017年10月4日星期三

Niji Bistro:糕下立見

賣日式西餐嘅Nino Bistro晌海港城尾開檔都好多年,對上一次幫襯食晏,沒10年,都應該有8年喇!今次路經,就無入內幫襯,只喺賣咗兩件蛋糕外帶。

2017年10月1日星期日

正品蕃茄湯麵店 Tomato noodles:正.值.蕃茄麵

同屋企人去完荃灣仁濟醫院探病,因為晏晝仲有好多嘢搞,所以,食晏就搵啲簡單、快捷啲嘅地方,姨仔建議就過對面街嘅「正品蕃茄湯麵店」,小弟當然舉手贊成啦,一來未食過可以試試間嘢嘅質素,二來外間仍然喺熱辣辣,食吓酸咪咪嘅蕃茄湯麵喺幾醒胃嘅選擇。

2017年9月30日星期六

金記冰室 Kam Kee Cafe:金非昔比?

今個中秋節所品嚐嘅月餅唔多,唔喺親友送嘅,就喺朋友俾,又或者同事拎返嚟公司一齊分享。所試到嘅大多數都喺奶皇,少部份喺傳統嘅蓮蓉或豆沙餡。如果講到最懷舊就要數到伍仁,依個年頭真喺唔喺個個識欣賞,偏偏我老婆佢又鍾意喎,因為少蓮蓉,而果仁對身體有益,佢話如果無埋啲金腿就完美喇!

2017年9月29日星期五

男人廚房 Man Kitchen:男.以捉摸

上回細佬生日,就試咗深水埗嘅「堤諾比薩」,感覺唔錯,今次輪到細妹生日飯,都搵番啲食薄餅嘅小店,結果摷到間「男人廚房」。依家出街食飯喺穩陣嘅做法,但當小弟打去訂枱時,接電話嘅店員好似有種錯愕嘅反應,去到就知點解。