多年前晌深水埗一家又喺「甜」字頭嘅甜品店，首創俾客人任斟嘅自助英式花茶，估唔到「甜點」都有仿效，幾好吖，食完甜點可以飲杯花茶清清味蕾。
雖然門面招牌只標示佢喺間甜品店，但門口刻意楝個鹹食嘅大餐牌，等人知道佢哋賣甜點以外，都仲有好多款鹹點可以當正餐，包括意大利粉、湯麵、小食、薄餅、牛角包、法式軍艦（即喺法包潛水艇），而且，啲鹹點仲喺全日供應。
坐落再睇睇主餐牌，封面寫住「甜在心頭，點滴回味」，就喺餐廳「甜點」嘅核心價值。
翻開餐牌，印刷頗精美，裡面有唔少食物嘅相片做參考，雖然唔喺款款食物都圖文並茂，但重點款式都有得參考。之前介紹過鹹點，另一邊就仲有飲品：啡茶、奶類、梳打、沙冰、汽水、果汁。初時以為啲鹹點喺散叫，原來已經自助成為套餐，包基本熱飲一杯，轉凍飲或特飲先要加錢，邊啲喺特飲？飲品餐牌已註明「特飲」二字，一目了然。
而甜點當然喺餐廳重點，所以，有成9版介紹，分晒類別，包括中式糖水、芋圓系列、金風玉露系列、小丸子、窩夫、西西里系列（似似哋雜項）、涼粉、豆腐花、班戟、榴槤專區、紫米露、雪花冰、原味甜椰……等等，粗略估計都近百款。
此外，仲有一凍一熱時令推介：桂花酒釀丸子、椰皇凍。
睇過一遍，定價唔貴，仲有優惠時段（12:00pm-6:00pm），比正價平$5，甚至星期日或公眾假都有。早知有呢個優惠，就行快兩步過嚟啦。
黑松露蘑菇意粉 $50
前個星期晌「2DP」同樣食咗個「黑松露雜菌闊條蛋麵」，明顯呢度就性格比高好多，大碟又餸料多，仲附送飲品。雖然只喺得蘑菇，但睇得出唔喺罐頭貨，因為罐頭貨啲蘑菇都喺細片啲，足見誠意所在，而且，堅多黑松露，上枱已散發出陣陣幽香，唯一喺啲意粉有些微過籠，未算腍，但未做到好咬口啫。
黑胡椒肉丸薄餅 $47
薄餅又喺可以睇出一間店做菜嘅水準，呢度嘅薄餅喺做成7x7吋方形，可以講喺一人份量。大大粒肉丸放上面，仲鋪滿芝士，入口又極有黑椒香，配合埋軟綿嘅芝士，非常惹味；批底屬薄身型，如果再脆多啲就一流喇。
芝士煙火腿牛角配蟹柳沙律 $42
無諗過糖水鋪賣埋牛角包，真喺大膽搏一搏試試。件牛角酥嘅呎吋都幾大隻吓，外層非常酥脆，不過牛油香味就稍為有啲弱；內裡夾住芝士、煙火腿、蕃茄及生菜，因為做法偏向凍食，食味只覺得一般，個人覺得，如烘番熱作為熱食，效果感覺仲好。
至於小碗嘅蟹柳沙律，裡面仲有粟米、椰果、車厘茄一粒，少少千島汁，普普通通過吓口癮咁啦。
木瓜奶 +$7
去台灣行夜市，最鍾意就喺木瓜奶，一來甜味自然，二來質感幼滑。「甜點」嘅木瓜奶一樣唔差，甜度啱唔好，口感奶滑，充滿木瓜果香。
熱檸水
友人鍾意清爽啲，但又唔方便飲凍嘢，所以，簡簡單單要杯熱檸水。
熱咖啡
甜品配咖啡，喺好多人嘅正路選擇，的確，咖啡嘅醇香喺幾令甜品有種昇華嘅感覺。
榴槤班戟配雪糕 $38
榴槤一向喺小眾嘅喜好，但難得同行嘅朋友都好此道，點都要叫一客榴槤甜品，眾多款式就揀佢哋嘅人氣推介「榴槤班戟」。個皮做得平滑、好薄好軟，咬一小片慢慢㗳，確喺有斑蘭嘅清香味，而內裡忌廉打得軟滑，榴槤果肉綿綿柔滑，味道濃郁，真喺好食。雪糕球喺曲奇口味（仲有芒果、綠茶、朱古力口味，無要求嘅就以曲奇做基本設定），再灑啲脆脆米，喺最佳配角。我成日有個奇想，依一類嘅班戟可唔可以增值有得揀多忌廉，少忌廉呢？因為，真喺識唔少朋友鍾意食依類班戟，卻喺怕忌廉太多太肥而唔敢叫。
豆腐花芒果金露 $36
因為實在太多款式，花多眼亂，所以，揀另一款甜品時都喺搵啲人氣之選就算。依一款喺集豆腐花、芒果、西米、芒果汁於一身嘅芒果金露，大家都覺得啱心水，豆花都頗滑，但豆味就有少少被芒果味冚過，而啲芒果果肉挺清甜，西米爽口。
上文講到行針山，上到針山頂，再望番落成個城門水塘，感覺好唔一樣，所以，分享少少相片。此外，一邊喺荃灣市景，另一喺大圍、沙田景致，唯可惜天濛濛，景色欠光彩及未夠細緻。
幾款主食補充番晒我哋嘅能量，而兩道甜品都出色，食甜嘢更會令人開心啲，簡簡單單卻喺滿足嘅一餐，都真喺「甜在心頭，點滴回味」！
個人評分
味道：7/10
環境：7/10
服務：8/10
抵食：9/10
平均每人消費：HK$75
味道：7/10
環境：7/10
服務：8/10
抵食：9/10
平均每人消費：HK$75
餐廳資料：
甜點 Hearts Dessert
荃灣荃華街44號富麗花園B商場地下62號舖
3489 6960
甜點 Hearts Dessert
荃灣荃華街44號富麗花園B商場地下62號舖
3489 6960
沒有留言:
發佈留言