泰樂小排檔 Happy Thai：小店新姿「泰」

突然老婆話後晚約咗朋友食飯，咁得番一支公，就當然乘機搵老友出嚟食飯聚一聚。老友發辦，搵咗呢間晌東方街嘅「泰樂小排檔」，真喺唔嚟唔知，呢條街可謂旺中帶靜，而老友話佢哋啲菜式都特別，比較家庭式經營，值得一試。

湘野 Xina Gye：「湘」得益彰

作為美孚街坊，當然知道有咩新店開業啦，而呢一間「湘野」其實開咗一段日子，不過，因為喺賣湘菜，即喺湖南菜，辣嘢嚟，所以，一直無幫襯。到最近，老死夏總話去挑戰吓，我又見間餐廳經常客似雲來咁，小弟就捨命陪大佬。

銀座炎蔵燒肉Ginza Enzo Yakiniku：「炎」陣以待

上個月去到日本旅行，由於老婆食嘢偏向少食紅肉，而和牛一類油脂咁重嘅就更加唔啱，所以，一餐日式燒肉都無試。而日式燒肉都好一陣子無食過，搵番好此道嘅親友聚一聚兼食番餐。今夜，就嚟到「D2 Place One」嘅「銀座炎藏燒肉」探店，佢喺東京銀座嘅過江龍，主打日本和牛同多處罕有部位，值得一訪。

紅葉茶屋 Momiji-Chaya：專「葉」製作

老婆嘅半年英文課程卒之都完喇，賀一賀就梗喺食餐好啦。雖然，啱啱去完日本無耐，但都想食番日本嘢，加上佢喺抹茶控，所以，就想起嚟自日本鐮倉嘅「紅葉茶屋」。「紅葉茶屋」晌唔同區都有唔少分店，揀咗嚟尖東帝國中心店，就番大家收工。

Chill Pill：「Chill」出預期

因為工作關係，同個學弟久唔久會出嚟食飯傾吓偈之餘，仲會講講工作上合作嘅嘢。最近又出嚟聚聚，就番大家方便，就搵到晌太子嘅「Chill Pill」，餐廳離太子站或旺角東站都喺大概5min步程，非常就腳，加上喺咖啡店，比較清靜，方便傾偈。

Abbraccio：寫意露台午餐

同晌中環做嘢嘅老同學卒之入市買番個新居，裝修搞好晒，亦將快僑遷，當然戥佢高興，所以，趁機約佢出嚟食餐晏，兼講講近況。選址意大利餐廳「Abbraccio」喺食友嘅推介，佢話一來食物質素高，二來有個大露台位，景觀開揚，仲對住「大館」。

銀龍粉麵茶餐廳 Ngan Lung Restaurant：超「龍」縮放飯

平時都較少出嚟尖沙咀食晏，食晚飯就多，今回有特別任務，做一日車長帶團出嚟食自助餐，而我哋幾個車長就晌附近搵間茶記快快手醫肚就算。一出酒店門口，無遠就見到「銀龍」，大家都喺無咩要求嘅人，就佢啦，最緊要就腳及快手。

Shift：「開心」大發現‧滋味大湧現

如果你睇見呢個標題，就想起「亞視」個資訊節目，就證明同我一樣有番咁上下年紀。最近，就晌灣仔開心大發現呢間日頭喺咖啡店，晚上搖身變為酒吧餐廳，點解開心？因為店家有好多以開心果為主題嘅菜式。

活在茶下 Tea Moment：每日免費送出100杯？

有睇開小弟食評都知小弟都頗喜歡飲奶茶，尤其港式奶茶同台式珍珠奶茶，而位處「海運大廈」嘅「活在茶下」亦喺以特色茶品為主打，賣點喺同本地茶葉老字號「福茗堂茶莊」攜手合作，更研發咗全球第一部人工智能泡茶機，將傳統泡茶技藝跟現代科技融合，令各種茶葉有更大發揮。都好耐無幫襯過，趁假期留港消費，嚟到抖抖兼食個下午茶。

茶舍 Hi Tea：實地「茶」証

「土瓜灣」嘅「北帝街」可以講喺一條食街，兩旁食肆林立，街坊啲有三餸飯，高級啲又有地中海菜，講到香港人嘅日常非茶記莫屬，今晚老婆自己有局，所以，又約咗老友出嚟食餐便飯、傾吓偈，揀「茶舍」，都喺在地老友嘅介紹，當然要實地查証吓啦，始終食嘢好講個人口味。

文記茶餐廳：客家茶記

趁天氣好，同啲老友一次過由屯門起步，行晒藍地水塘、石礦場同洪水坑水塘，最後經過埋村屋出番青山公路，但未到青山公路就遇上「文記」，大家都無咩要求，索性就晌度放飯。

大西洋海鮮火鍋：「鮮」入為主

早前晌佐敦食過一次海鮮粥鍋，住晌港島區嘅老友就介紹我要嚟試試「大西洋」，皆因以即撈海鮮作招徠，其次喺以放題形式經營，一個價任食，比較易啲預算，尤其一班人嚟，就會食得比較爽。

王子牛腩牛雜粉麵專家：「雜」以為常

雖然無正式統計，但相信除茶記之外，最多嘅就喺粉麵鋪，始終呢兩樣喺香港嘅平民飲食文化。而粉麵店之中，以主打賣牛雜、牛腩嘅為多，今晚到訪嘅「王子」亦喺以此為賣點。

Forkers：驚喜連連二人晚餐

剛剛去完東京追櫻，返嚟就約老表食飯，一來聚聚舊，二來派吓手信。知佢好鍾意食扒，聽在地食友就極力推介呢一間西餐廳「Forkers」，皆因其主打自家熟成肉，更設有專業熟成櫃，夠專夠精，坊間算喺少見。

茶館 Tea House：咩都蒙「茶」查

約咗細妹交收，返一返石硤尾老家一趟，順便約佢食餐晏晝，由佢決定就晌附近嘅「茶館」搞掂，反正佢無要求，小弟亦無差咩要求。

泰Grill Thai Grill：「Grill」小玲瓏

復活節無打算外遊，因為成本高嘛，留港消費，所以，一早去咗荃新天地「英皇」睇「貓貓的奇幻漂流」早場，無預期咁好睇。睇完啱啱好放飯時間，又因老婆想去「Aeon」入貨，故此，就過咗嚟享和街搵食，皆因呢條街選擇多多。最後，揀咗「泰Grill」因為都成幾個月無食過泰菜，又想過吓口癮。

鍋心粥底海鮮火鍋：「鍋」心暖意

老婆逢星期五嘅興趣班卒之完結咗，所以，今晚專登同佢出嚟食餐好嘅，無麩質，又要少肉，就想起早前食友推介嘅「鍋心」，因為佢哋以海鮮粥鍋打響名堂。

Harlan's：璀璨夜景 ▪ 細膩晚餐

上次嚟到The One嘅「海賀」食鐵板燒，見到同層嘅「Harlan's」有啲晚市套餐，確喺幾吸引，加上佢哋本身都幾有名氣，故此，呢晚就走訪一試。

JA Kitchen：有「瀛」有格

小弟同夏總早排大家都患上氣管病，咳到甩肺，好吓又唔好吓咁，到近排總算好番晒，加上都好耐無同佢聚一聚，所以，賀一賀就約出嚟食餐好嘅。知佢最好喺日本嘢，一年總會去一次日本，故此，到訪位處佐敦「食街」文英街嘅「JA Kitchen」，呢條街你嚟過就知短短一條街仔，有成十幾、廿間食肆，咩菜系都有。

讚好台灣 Zanhao TW：一「台」都喺美食

不時都會約老表出嚟食飯、聚舊吹吓水，不過，早排佢就病咗一輪，其實都係啲小病，但唔斷尾，依家佢好番晒，就約佢過嚟紅磡嘅「鑽好台灣」食吓台灣嘢 ，因為佢都幾鍾意食台灣菜，當然小弟都鍾意啦！

叉燒丼家 The Master Of Char Siu：「丼」機立斷

有老朋從英國返嚟，完咗聚會，一行4人本來打算飲餐茶，不過，老朋友話好想食燒味，佢仲喺「叉燒丼家」嘅忠實擁躉，投其所好，就改到嚟食番餐叉燒飯。

京都薈 Capital Canton：苦心「京」營

有小組組員知我哋兩公婆成日由美孚行上馬騮山，不時問我哋幾時帶佢去行，卒之擇咗今日兜一轉，但起步前梗喺食個飽飯啦，所以，專登約佢哋喺美孚嘅「京都薈」 飲餐茶，跟住經「饒宗頤」穿上馬騮山，再晌「九龍接收水塘」、「石梨貝水塘」打個轉返番落美孚。

Nisugu：西班牙美食美景之夜

以往搭到過嚟「啟德」，一喺去「Airside」，一喺就去「Mikki」，今次唔同，嚟另一個新場「雙子匯」，離地鐵站非常近。朋友知小弟都喜歡西班牙菜，就介紹咗位處14/F嘅「Nisugu」，佢唔單喺一間西班牙餐廳，午市時段會喺間Cafe，晚市先以Bar & Restaurant形式經營。

君子餐廳 Brikete Bistro：異「君」突起

法國菜一向俾人感覺都喺高檔嘢，所以，喺咁多歐洲菜系裡邊，小弟都算喺比較少食法國菜。但最近住晌港島嘅食友就推介我晌北角嘅「北角匯」就有一家餐廳「Brikete Bistro」， 用上Bristo（法式小館）一詞就反映店家主打親民嘅法國菜，今晚到訪一試，睇睇喺咪異軍突起。

歡樂食堂：早餐時段「歡」鬆政策

自從「翠河」無做，轉咗呢一間「歡樂食堂」，其實都有兩、三年，但作為美孚街坊，真喺一直以嚟都無幫襯過，皆因睇過，老婆話佢啲早餐無特別喎，所以，就無幫襯過。最近，因同老婆各自有小組，我返到嚟美孚先11:30am，趕得切嚟食早餐，當晏晝飯。

靠得住粥麵小館 Trusty Congee King：美中不「粥」

嚟親荃灣食晏，例牌喺因為睇完早場，平啲嘛！今次就無乜心水食晏想食乜，行經「靠得住」時，見幾旺，而老婆對佢都有信心，又想食吓粥同糉，就試吓呢間必比登推介餐廳。其實個人而言，就唔喺好信呢啲名牌法力，食嘢始終好講個人口味。

咖啡園 Garden Cafe：意「遊」未盡

人人食嘢都有喜她好，要迎合到每個人嘅口味，話難唔難，話易唔易，不過，如果食自助餐就幾肯定可以滿足到所有人。是夜到訪「港麗酒店」嘅「咖啡園」，一於盡興食餐好嘅。

泰好味：深井「泰」滋味

有朋友晌外國返嚟，第二時間約埋一齊行山，但估唔到，佢話嗰邊地大，草地多，公園多，但就無咩山可以行，今次返嚟兩個多月，就行返夠本。故此，一行3人，由荃灣經元荃古道行到嚟深井，方便離開，而到達深井，就嚟到深井臨時街市內嘅熟食檔「泰好味」，簡單食番碗泰式粉麵。

鐵牛台灣牛肉麵 Iron Cow Taiwanese Beef Noodles：「麵」貌一新

亞洲菜系中，食得最多嘅就喺台灣菜，最鍾意飲嘅就珍珠奶茶，所以，今晚約咗老友出嚟食飯兼「開會」，因為嚟緊禮拜日搞活動，順便傾下啲細節嘢，佢話就我地點，所以，揀咗晌公司附近嘅「鐵牛」。

Amphissa：法式新「港」求

鯉景灣向有蘇豪東之美譽，一個細細嘅鯉景灣，就已有十多間食肆，美國菜、越南菜、泰國菜、日本菜、歐陸菜、滬菜、粵菜、茶記、咖啡店……等等。依邊跟中環嘅蘇豪感覺好唔同，閒日晚上嚟到，感到好寧靜，無晒太喧鬧嘅感覺，有種放低晒重擔嘅舒服感。正正座落晌西灣河碼頭一邊嘅「Amphissa」就更有一種「私竇」嘅感覺。

四季餐廳 Seasons Cafe：四季如常

如果唔喺行完山，基本上唔會嚟梨木樹商場食嘢，而晌梨木樹商場裡面，都有3間茶記，但點解揀「四季」？皆因喺老友嘅「飯堂」，其實食邊間我都無偏好，最緊要老友鍾意，反正，都只喺搵個地方攤抖吓，吹吓水，食個下午茶而已。

852居酒屋 852 Izakaya & Bar：「瀛」在起跑線

早排出咗尖沙咀食鐵板燒，今日又嚟到尖沙咀食日本嘢，不過，唔喺鐵板燒喇，而喺同啲老死嚟到海防道一間樓上鋪居酒屋「852居酒屋」食吓各種日本料理。老友就頗鍾情去日本旅行，亦特別喜歡食日本嘢，所以，今次同佢聚舊自不然揀番日本嘢啦！

歡樂大排檔 Sam's Place：籠「樂」人心

同細佬妹嘅做節飯，因為種種原因，一拖再拖，結果總算都約得成。而晌深水埗、長沙灣一帶（就佢哋方便），搵到一處「大排檔」大家都想試。

Bayfare Social：免費午餐

真喺有啲無厘頭，最近收到銀行邀請，可能見我都有丁點基金投資晌度，想搵我做番嘅理財分析，都預佢哋會順便推銷吓啲投資產品，最後又無喎，仲堅送咗張瑰麗酒店「Bayfare Social」西班牙餐廳嘅午餐劵，所以，訂定位去食餐免費飯。

agnès b. Café：「檸」氣逼人

早前晌網上換咗張Agnes B. Cafe嘅蛋糕套餐券，趁呢日早放，所以，偷得浮生半日閒，嚟到IFC店嘆個下午茶。

Sepoy Mess：「軍」衡飲食

九龍站之上嘅「圓方」有唔少中高檔食肆，而過到嚟金區演薈廣場上面嘅平台花園，就別有一番風情，一來景觀開揚，二來間間餐廳都設有露天座，非常有氣氛。今晚同舊同學嚟食飯，就選上「Sepoy Mess」，喺一家融合英國與印度風味嘅餐廳，小弟都好一段日子無食過印度菜喇。

Mam Tom：摩登東南亞菜

東南亞菜之中，以越南菜、泰國菜食得比較多，最近就同老友聚舊，相約過到嚟尖東嘅酒吧餐廳「MAMTOM」食晚飯，店家主打就喺新派東南亞菜，無論環境、食物、招呼，各項嘅體驗都好唔錯，所以，藉此分享一吓。

三悅冰室 Sam Yuet Cafe：歲「悅」不留痕

有班行山老死，行5、6個鐘，高難度嘅山都無問題，但今日呢班弟兄，多年都唔行吓山，所以，揀條輕輕鬆鬆嘅「青衣自然徑」嚟行。唔太辛苦，兩個鐘內就行完，仲可以落番「長康邨」食個下午茶先散。剛喺巴士總站側，見到呢間「三悅冰室」，求求其其就入咗去。

金滿庭京川滬菜館 Modern China Restaurant：「金」宵真高興

我哋有一個「細胞小組」老友，相識超過廿年，好一段日子無出嚟搞過飯局，所以就趁啲過時過節日子一行16人食番餐。因為依家啲餐廳都比較少一啲大圓枱，難得搵到九龍灣呢間「金滿庭」，有張16人大枱，啱啱好，一枱坐晒咁多人，方便大家傾偈，比起要房又平好多。

Boat Thai：「船」風式晚飯

上次嚟iSquare睇戲，就見到呢間泰國餐，人氣幾旺，事後都再上網睇睇，風評確喺唔錯喎，價位又唔高，所以，趁朋友約食飯，選址尖沙咀，就建議嚟呢度食食泰茶。

鐵板燒海賀 Teppanyaki Kaika：今「燒」多珍重

啱啱過去嘅星期日同洪哥參加咗個10km慈善賽，成績都幾OK，加上佢又啱啱晌日本「關西」跨年旅行，食咗好多日本好嘢，喺無食鐵板燒，所以，今晚同佢兩支公上到嚟「鐵板燒海賀」食番餐豪嘅賀一賀，順便提早團個年。

一食鍾情：識途「滷」馬

近來機緣巧合下，多咗嚟太子食飯，其實，都喺就朋友而已。今晚就過咗太子界限街呢邊，試試睇落新開無耐嘅「一食鍾情」。睇個名以為喺西餐嚟，其實喺主打白滷水，有識途老馬嘅死佬食過話唔錯，加上有羊腩煲，當然就要嚟試試。

Amica：優「鮮」選擇

今晚約咗老朋友聚一聚，就大家方便，地點晌太子，搵嚟位處「始創中心」嘅「Amica」，因為印象中大概5年前到訪過（記得喺疫情前），知道佢哋嘅出品有質素，疫情都難佢哋唔到，就更加有信心。

食樂 Snow：食「樂」，OK喎！

老婆跟朋友嚟食過呢間頗隱蔽嘅小店「Snow」（食樂）食飯，覺得唔錯，又有啲特色，所以，佢就專登帶我嚟試試當喺生日飯。