Bay’s Kitchen & Bar：半自助賀聖誕

以往同老婆家人主要做冬，甚少搞咩慶祝聖誕，不過，之前行山經過呢間「華麗海灣酒店」，睇到酒店內嘅餐廳「Bay' Kitchen and Bar」聖誕有啲半自助午餐，價位唔貴，半自助就更啱老婆，所以，趁「拆禮物日」約埋嚟食個午餐，之後，因佢妹夫喺車手，再同場加映落西九文化區感受吓聖誕氣氛。

三岔路口 Samgeoli：亳無落「岔」

人生總有好多決擇，嚟到岔路口，有時左右都難選，何況喺三岔路口！不過，今晚同朋友嚟到尖沙咀嘅「三岔路口」，只管食，唔使諗咁多。呢度喺家韓燒店，但唔食韓燒，其海鮮湯鍋一樣好有睇頭。

BKK：午間「泰」閒情

晌中環食晏，喺呢區返工嘅人都知，好似打仗咁，一來放飯時間超多人，二來大家食飯都喺嗰一、兩個鐘。不過，今日唔同，趁老細出門，同老友上到嚟「元創坊」食晏，一來人流無咁多，二來有食友推介裡面有一家泰菜店「BKK」，食物做得好有水準。

Cake²：好友狂「嚐」曲

不足兩星期就是聖誕節，小朋友自不然最期待收聖誕禮物吧！最近，好友送來「Cake²」的「聖誕薑餅DIY曲奇禮盒」，不單有得吃，更有得玩，非常適合親子的朋友，讓大人及小朋友共同手作。

鐵牛台灣牛肉麵 Iron Cow Taiwanese Beef Noodles：鐵一般的「脂」味

同老友入到嚟啟德體育園，順便相約食埋晚飯，依家呢度有好多嘢食，佢話無乜心水，叫我搵，無問題，搵食小弟就最在行。老友鍾意食台灣菜，而我又食過「鐵牛」，最穩陣就喺揀佢啦。

Noir Modern Bistro：快閃摩登小酒館

平時好少行書店，老實講，小弟肚裡半點墨水都無，通常行得書室都喺有嘢要買。今晚嚟到「誠品」當然喺有啲嘢要買，偶然見到裡面竟然喺有間西餐廳「Noir Modern Bistro」，快閃食餐便飯。

申子居酒屋 Shinko：迎秋「申」菜式

老友就頗鍾情去日本旅行，亦特別喜歡食日本嘢，所以， 就算去完旅行喺香港都不時會食日本嘢，今晚就唙同佢嚟到旺角嘅「申子居酒屋」食吓日本嘢，講吓近況，講吓將來 ！

新港宴會廳：「港」求抵食

一班好弟兄約埋飲餐茶，其實無咩特別，只喺聚一聚，飲茶可以慢慢磨，傾吓偈而已。所以，近近哋，嚟到屬街坊酒樓嘅「新港宴會廳」，呢度屬舊派酒樓，客人偏向上年紀嘅街坊，我哋呢枱絕對喺拉番低個平均年齡，哈哈！

譚仔三哥米線 TamJai SamGor：「譚」何容易，就咁搞掂！

因為近日要執屋，家裏有好多雜物要處理，所以，兩公婆都爭取時間，費事煮，落街食，除咗幫襯 快餐店、茶記，因為都好耐無嚟過食「譚仔」，所以，今晚就快閃幫襯吓佢，食碗粉麵！

The Oyster House：「蠔」無懸念

又喺趁老婆返學嘅日子，約啲老死出嚟食吓飯，聚聚舊。就返大家都喺晌港島呢邊返工，就過嚟灣仔食吓意大利菜。位於QRE Plaza 25樓「The Oyster House」喺在地嘅朋友介紹，話生蠔出色，啲意大利菜亦做得有水準。

川粵菜館：我的星期六美孚早餐 ~「粵」做越旺

正所謂一雞死、一雞鳴，呢個鋪位前身喺「家傳滬曉」，咁嘅市道，諗住執咗唔知幾時開翻間新，但隔無耐圍板裝修，最近就開番間賣川菜同粵菜嘅「川粵菜館」，間中晌附近嘅餐廳食嘢，經典見佢早市同晚市都幾多人，有時仲要等位添，真有越做越旺之意。

Bistro Bon Bon：好食到Bon Bon聲

法國菜向來俾人感覺都喺高檔嘢，所以，喺咁多歐洲菜系裡邊，小弟都算喺比較少食法國菜。不過，法國菜中有啲喺以Bristo（法式小館）形式經營，感覺比較親民、平易近人，無高級法國餐廳咁拘緊，但做菜水準就不下於啲大餐廳，就好似今夜到訪嘅「Bistro Bon Bon」，絕對喺禾旱冚珍珠，性價比甚高嘅小店。

潮龍園：我的星期六美孚早餐 ~ 粉麵早餐

之前呢個鋪位都喺賣潮州嘢，不過，感覺唔喺太乾淨，所以，食過幾次之後就無再幫襯。依家轉咗手，都喺賣潮州嘢，不過，主力粉麵，今日就唔食快餐店，試吓佢啲粉麵。

SONAMU Korean Restaurant：「韓」流新演譯

約咗個老朋友食飯，佢話啱啱去完首爾，對韓國菜仲喺好回味，所以，今晚同佢再食韓國菜，不過，特別少少，晌網上搵咗間應該喺全港首間主打「韓定食」（Hanjungsik）嘅餐廳「SONAMU」。「韓定食」唔喺指韓式嘅定食套餐喔，我都喺睇維基所了解多少少，「韓定食」喺朝鮮嘅套餐菜餚，原本喺朝鮮君王常食用嘅宮廷料理，後來士大夫模仿宮廷料理，開始配合各地特有嘅鄉土飲食而成為咗兩班家（貴族）料理。

銅米線 Tong MiXian：協「銅」效應

今晚老婆有聚會無飯開，一支公又要落灣仔換嘢，索性就晌附近食埋晚飯先返歸。正要過馬路之際見對面有間米線小店「銅米線」，從門外望入去都見幾多客人，喺信心嘅指標，加上門面貼上餐牌，睇過都啱食，就即管試吓佢。

嘉樂麵包西餅 Carol Bakery：健康「蒸」選

現代人對飲食越嚟來越講求健康，尤其都市人，打工一族，因為營營役役，未必多花時間晌飲食之上。最近，就認識到一種蒸麵包，有別中式嘅蒸包，而是一種創新嘅「蒸焙技術」，估唔到喺嚟自大圍嘅一家30年老字號、出名製作立體蛋糕嘅「嘉樂麵包西餅」，真有卧虎藏龍之感。每個蒸麵包定價$20個，由於放入雪櫃可保留食用約2天，放入冰格更可達約1個月，所以，一口氣試咗4款，每個獨立包裝，絕對衛生。

艾卡邁 Ekkamai：邁出泰菜新天地

雖話香港飲食市道唔太好，不時有餐廳結業嘅新聞，正所謂有人辭官歸故里，有人漏夜趕科場，亦有不少新開嘅餐廳。今晚同老婆嚟到「女人街」嘅「艾卡邁」，除新開無耐之外，因為睇到網上資訊，知道大廚喺法國藍帶廚藝學校學過藝，又晌唔同大酒店做過，自然多份興趣想試。

吉祥小廚：「湘」機處處

幾個月前食過一次湘菜（即喺湖南菜），感覺幾唔錯，其實湘菜晌香港嚟講，應該都有啲冷門。最近，意外發現山林道呢邊都有一家賣湘菜嘅小店「吉祥小廚」，所以，趁周五晚大家都懶煮，同老婆過嚟食餐便飯。

泰斗Thai Master Restaurant & Bar：環境「泰」寫意

晌香港有唔少泰國菜館，要突圍而出真喺唔容易，由在地老友推介，今晚我哋就嚟到位處尖沙咀嘅樓上泰菜店「泰斗」，佢話唔單止地方大，食物做得出色，更有不少新派嘅泰菜。加上小弟都好一段日子無食過泰菜，當然要回味吓啦！

星‧South Beauty：小確幸‧大「星」值

雖然小弟多年前去過山東玩，印象亦唔錯，不過，都只喺去咗青島短短5日，對山東菜（魯菜）印象卻又真喺唔深。今次同老友嚟到「星‧South Beauty」就一嚐五星級魯菜，就算午餐，一樣喺高質素嘅享受。

熱點點心專門店 Hot Point：嘆茶熱點

周五晚，兩公婆都唔想煮，出街食就乾手淨腳，近近哋過到嚟太子試吓啲點心店，都無特別刻意搵，隨心晌彌敦道就遇到「熱點點心專門店」，我記得5、6年前到訪過一次，今次算叫做故地重遊，哈哈！

紅葉茶屋 Momiji-Chaya：美食新一「葉」

大概半年前到訪過「紅葉茶屋」嘅尖東分店，純粹因為老婆喺抹茶控，試吓佢哋嘅抹茶飲品同甜品。今回就行完山，由馬騮山返荔枝角，想起D2 Place都有間「紅葉茶屋」，就上去食個晏。

銀龍粉麵茶餐廳 Ngan Lung Restaurant：我的星期六美孚早餐 ~ 圖個方便

有親戚回港，並安排今日再一齊返廣州探國內親友，搭高鐵返去超方便。但怕晌高鐵站嗰邊食早餐可能又貴、又多人，所以，晌美孚食完先落西九龍站。圖個方便，就揀咗離屯馬線近啲嘅「銀龍」，茶記選擇多，一定啱到大家。

中華小館 The Orient Cuisine：討人喜「粵」

與老友聚一聚，到灣仔食個晏，但就想搵個靜靜哋嘅地方方便傾偈，左搵右搵就揀嚟灣仔嘅「中華小館」，嘆吓高質素嘅中菜。

究極堂 Kyukyoku Do：「丼」局者迷

早排出咗銅鑼灣食廚師發板，今日又再過嚟銅鑼灣食日本嘢，不過，簡簡單單同朋友上居酒屋「究極堂」食個丼飯午餐而已。朋友話炮台山都有分店，至於呢家銅鑼灣分店小弟都喺第一次到訪。

愛群餐廳 Oi Kwan Restaurant：情懷生日飯

又喺一年一度細妹嘅生日飯，今次就唔食中菜喇，改為食豉油西餐。呢一間「愛群餐廳」可以講喺深水埗早年嘅豉油西餐廳，亦都喺我哋細個嘅童年回憶，大大話話都十幾廿年未嚟過，而張餐墊紙都寫住始創1976，開咗近半個世紀。

鮨月 Sushi Tsuki：最佳投「鮨」

近半年恆指一直造好，上衝兩萬七，老友話大有斬鑊，點都要食番餐好嘅，是夜就揀嚟銅鑼灣嘅「鮨月」。小弟亦都好耐無食過廚師發板喇，數番對上一次，已經喺2021年5年前嘅事，今晚就同老友一起大快朵頤，一於「脂」味無窮。

新京熹老北京涮肉火鍋 Peking Hotpot：「京」喜連連

老友知我好食羊，專登搵我食晏，仲要食晏喺食火鍋，真喺估佢唔到喎！地點都近我，就晌士丹利街嘅「新京熹」，主打老北京涮肉火鍋，小弟就唔喺好知點老北京，重點喺話佢啲羊好出色，高檔質素，真喺要一探究竟。

世一冰室 Sai Yat Cafe：有姿「世」有實際

老婆話約咗朋友食飯，既然是夜無飯開，要食自己，當然「嗱嗱淋」趁機約啲老友出嚟短聚吓，食餐飯，傾吓偈。地點無所謂，茶記就最無負擔架喇，一來平靚正，二來啱我哋啲麻甩佬。

知延屋 Chi Yin House：「知」味定食

老表剛去完台北一行，話有啲拌手禮醒俾我，順便約出嚟食餐飯，佢就我，所以，就過到嚟中環呢邊聚一聚，中環食飯一向唔易搵位，故此走上少少嘅「歌賦街」，到訪「知延屋」食餐日式丼飯。

德記粉麵茶餐廳：深「德」人心

又喺為屋企裝修要出嚟長沙灣睇睇啲傢俬，梗喺順便食埋飯先返歸啦。但裝修事宜真喺好煩，所以，都無太多心思搵咩地方食嘢，一出間傢俬鋪行幾步無耐，見到呢間「德記粉麵茶餐廳」，有啲人氣，都真喺嘥時間再搵，隨遇而安就食呢間。

延燒肉 Yakiniku-YIN：妙不可「延」

今日就約咗朋友嚟到九如坊食晏，其實呢條街都幾特別，只喺跟下面威靈頓街、上面歌賦街一街之隔，但感覺就好似進入另一個空間，以中環嚟講，特別寧靜，加上呢度四周都喺舊樓，又有個公園仔，顯得格外清幽。是次到訪嘅「延燒肉」是家日式烤肉店，主打自選烤肉套餐。

魚米 Yu Mai Noodles Restaurant：有「魚」無剩

陪老婆過嚟「D2 Place」睇啲嘢，差唔到放飯時間，整本來想晌呢度搵檔嘢食完就想，結果無嘢啱佢，就過嚟「四小龍」睇睇，撞啱有家「魚米」，呢間食魚湯嘢，佢最鍾意。

豆公館 Dau Gung Gun：百變小豆

屋企嘅裝修算喺進行得如火如荼，今晚趁得閒兩公婆出嚟旺角啲傢俬鋪睇睇傢俬，梗喺順便食埋飯先返歸啦。晌「登打士街」遇到一家「豆公館」，豆品嘢啱晒我老婆，佢自己都不時晌屋企整豆漿（當然喺用豆漿機整啦）。

DiVino Wine Bar & Restaurant：意「遊」未盡細嚐午餐

平常返工日都少出街食，因為公司有午餐供應，不過，老同學約食午飯，當然應約出街食啦。地點通常由小弟負責，話晒中環我熟少少，今次過嚟「雲咸街」一間酒吧餐廳，因為環境好，方便食飯傾偈。

素某so'N：一「素」而空

老婆向來晌飲食上都偏素，雖然未至全素，但可以揀到嘅都會盡量揀素食菜式，今晚就專登帶佢嚟試一試「素某」，因為從食友嘅食評所見，菜式精緻，配搭具心思，環境又舒服，值得走訪一試。

佰古嗲 Bak Kut Teh：古•添樂

東南亞菜中，馬拉菜算喺食得較多，再者，食友都知我鍾意食馬拉菜，就推介我嚟試試馬拉菜小店「佰古嗲」，話水準高，主打嘅肉骨茶頗有人氣，所以，就趁周五晚專程入嚟會一會佢。點解個名咁得意，睇埋餐廳嘅英文名字，就知喺肉骨茶（Bak Kut Teh）嘅音譯，真有意思！

PaPaGayo：「酒」得快‧好世界

早前先食過一家酒吧餐廳，質素確喺唔錯，最後約咗個老死食飯，又揀嚟一家酒吧餐廳，位處「河內道」，正正K11對面，尖東站N1出口一上地面就見，啱晒我搭屯馬線返屋企，呢排天氣唔穩定，落雨都唔使怕。

極．大瀛喜 Kiwami Daieiki：俏俏「喜」革命

咁多國家菜系中，日本菜算喺較多食嘅之一，然而，日本菜中，就以日式放題比較少食，大抵無以前咁食得，就好似自助餐都食少咗。最近，有朋友就極力推介呢一間新開嘅放題店「極．大瀛喜」，所以，就趁機同朋友嚟聚一聚狂野哋食番餐。

YuYu Sushi：高質晚市定食

又到星期五晚，喺完咗一個星期工作而最輕鬆嘅晚上，所以，兩公婆就懶煮出街食，亦想食餐好嘅慰勞吓自己。今次近近哋過嚟長沙灣尾食吓日本嘢，呢間「Yuyu Sushi」喺住晌附近嘅親友推介，讚其性價比高，其實之前晌樓上嘅酒家同一班親戚食做節飯時已留意過呢間餐廳。

Cruce：西班牙高質「兩」餸飯

約咗同晌中環返工嘅舊同學食晏，大家都想試試新嘢，加上平常大家都少出嚟食晏，所以，都想食好少少，所以，就試試晌擺花街新開無耐賣西班牙嘅小店「Cruce」。

茶茶GO Chachago：「Go」溫救星

過咗小暑，都未到大暑，但近排啲氣溫已日日高升，加上天雨，又熱又濕，最好莫過於買杯凍飲返屋企慢慢嘆。路過「登打士街」見到「茶茶Go」，好耐之前試過其金鍠楊枝甘露，覺得有料到，再者，佢哋喺嚟自台灣嘅品牌，質素有番咁上下，今次就再試試店家其他嘢飲。

湯加 Soup Plus：「加」常茶餐

近來因為要搞裝修嘢，所以，不時都嚟到荃灣睇睇家具之類嘢，行到咁上下，咁就要搵飯食啦，晌海之戀遇到「湯加」，都好耐未幫襯過，老婆就好鍾意佢哋嘅百秒鱸魚，我就慳慳哋晌下午茶餐度埋手。

𠽌𠽌 Syut Syut：「𠽌」不簡單

又嚟到周五晚可以同老婆出嚟食飯鬆一鬆，我哋嘅工作唔算忙，不過，周五先出街食感覺特別輕鬆啲。最近，咖啡友推薦我哋試吓呢一家以貓為主題嘅咖啡店「𠽌𠽌」，讚其環境舒服，餐點製作用心。

PHI Coffee & Pancake：我的星期六美孚早餐 ~ 「梳乎」早餐

正所謂偷得浮生半日閒，平常周六、公眾假都會專登出街食早餐，但大多數一喺茶記，一喺快餐店。老婆話佢出咗少少獎金，今次就要食餐好，一於食番餐全日早餐啦（都好耐無食喇），晌美孚有供應嘅唔多，第一時間諗起「PHI」。

大快活 Fairwood：活•在當下

因為啱啱出席完中學老師嘅安息禮拜，幾個好耐無見嘅舊同學搵個地方坐坐，講吓近況，好隨心行咗過嚟家維邨嘅大快活食個下午茶（順便拍拍卡慳兩蚊嘛）。

Sun Haru：親「Sun」一試

近期追緊韓劇朴寶英嘅「未知的首爾」，突然想起好似都好一段時間無食過韓國菜，所以，今晚約咗老友聚餐，就選咗韓國菜。晌網上搵搵，就相中位於「佐敦」嘅「Sun Haru」，因為有啲抵食夾大件嘅二人餐。

Amuse：「醉」佳拍檔

晌深水埗有唔少隱世小店，晌表哥樓下轉角嘅「九江街」就有一家都幾隱世嘅酒吧餐廳，唔喺佢講都唔知呢個位會有間酒吧餐廳。其實轉角嘅「順寧道」一帶大把餐廳，只喺估唔到會有間酒吧而已，因為啲酒吧通常都開晌旺區。表哥話呢間酒吧餐廳都開咗好幾年，積累嘅人氣都唔少，其德國鹹豬手亦做得有一手，所以，今晚趁老婆返學無飯開就拉埋佢嚟試試。

時代冰室 Times Cafe：一時之快

又喺一年嚟一次鑽石山青掃墓，事後就會晌附近搵食，細佬妹對食喺無要求嘅人，茶記就最啱佢哋。雖然，知道附近都有啲好人氣嘅茶記，不過，小弟就唔多喜歡等位，偶然遇到「時代冰室」，就隨遇而安試一試佢。

金緣居台式料理 Goldie Cafe：分「金」同味

親友知我都鍾意食台灣菜，佢就介紹我去佢屋企附近新開嘅「金緣居台式料理」，佢話啲套餐好抵食，性價比高，所以，趁周五晚同老婆嚟輕輕鬆鬆食番餐。補充一點，餐廳嘅地址寫「昌華街」，但餐廳嘅入口實際晌「青山道」，一來親友有溫馨提示，二來小弟對呢區都熟，所以，唔難搵。