NutTea：「仁」氣之選

前文就講過去咗「葵廣」買外賣，當晚餐，而晌「葵廣」打個轉嘅時候，就意外見到家「Nuttea」，好幾個月前就到訪過中環店，所以，機緣巧遇，就買杯飲品返去食住飲。

裝潢跟中環店差唔多，又喺有啲堅果販賣樽做裝飾，又貼有唔少熱賣產品嘅相片，務求吸引客人。眼見都好多人先駐足，望兩望就幫襯咗。

雖然佢哋以以堅果奶為主打，但查實產品都好多元化，選擇非常之多，不過，健康嘢喺要付出多少少代價，堅果奶本身嘅成本都高，所以，店家嘅產品會比一般所見嘅茶飲店喺貴少少。

如果覺得花多眼亂，選擇有困難，本身又無話特別好邊一類飲品，就不妨向店家嘅推介度着手，縮窄個範圍，又祉揀啲人氣之選。

四季春水果茶 $36

揀咗杯水果茶俾老婆，因為佢唔太好奶，水果茶清爽啲較啱佢。以四季春作為茶底，味道好清香，配以大量水果，雖然唔喺透明杯，睇唔晒有啲咩水果，飲完後大概睇過有香橙、鮮檸、西瓜、蘋果、熱情果……等等，所以，令茶味中滲出多層次嘅果香。

蘋果脆脆楓糖堅果奶蓋茶 $38

小弟就揀咗款期間限定嘅新嘢奶蓋茶，賣相非常很吸引，杯面嘅堅果奶蓋好挺身，好似雪糕咁嘅質地，香濃軟滑，仲加添咗啲蘋果脆粒，好好食，而茶底喺蘋果茶，帶有好香甜嘅蘋果味，整體好清潤。

今次再試，水準都保持到，兩杯都好好飲，而我嘅奶蓋都做得好正！

個人評分
味道：8/10
環境：7/10
服務：8/10
抵食：8/10
平均每人消費：HK$38

餐廳資料：
NutTea
葵芳葵富路7號葵涌廣場1樓潮流廊B號舖
6540 3981