唔喺店員講都唔知，「淳吟」可講喺北海道札幌嘅人氣居酒屋，而香港店主早年晌日本留學，認識到「淳吟」日本店主，之後邀請在港合作經營，就誕生香港店。近門口，特別設咗兩張4人枱，可以講喺動物友善區，當晚都見到有客人帶同愛犬嚟用餐。
進入到餐廳之內，裝潢簡約，以深木色為主調，天花掛咗啲風鈴，牆上又有啲東洋掛畫，頗充滿日本風情。因為四周都放咗唔少不同種類嘅清酒，亦好一派傳統居酒屋風格。
枱上嘅餐具，亦喺好別緻嘅瓦器，色澤深沉卻富雅氣。
既然定位為居酒屋，食物嘅選擇就相對多，翻開一版又一版，果然有好多選擇。有前菜、沙律、時令推介、大阪燒、串燒、炸串、壽司、刺身、卷物……等等一應俱全，而壽司、刺身亦有拼盤選擇。
而飲品就以酒類為主，如生啤、燒酌、汽酒、清酒……等等，特色酒品任你揀，酒迷真喺唔好錯過。當然，顧及唔飲得嘅客人，仲有好幾款非酒類飲品，如汽水、特色梳打。
炸串（蘆筍、南瓜）$12 / $12 早年晌銅鑼灣食過一家炸串專門店，非常好食，此後，都較少遇上。見餐牌有數款炸串，就一於點番幾串回味吓。先喺蘆筍、南瓜，前者夠爽，後者夠粉，層粉漿超薄，咬落酥脆不膩，完全唔覺會熱氣，沾一沾自家製帶微酸嘅醬汁，更有畫龍點睛之效。
炸串（虎蝦、沙鎚魚）$25 / $18 炸串食過就唔可以再直接沾醬汁，而喺用啲椰菜當匙羹滔啲汁上嚟，不過，我哋兩公婆就無所謂啦。啲虎蝦好彈牙，又足鮮蝦味，而沙鎚亦好食，肉質牆細嫩，魚鮮味強。啲椰菜就新鮮爽脆到不得了，沾上較鹹嘅麵豉牆，好平衡喎。
柚子胡椒雞腿肉串燒 $38 試完炸串，亦想試試啲串燒，睇吓水準又點。果然無揀錯，真喺物有所值，用上雞腿肉，肉質嘅口感已經搶晒分，嫩滑軟熟，又富肉汁，嗰陣陣柚子香味堅突出，細味下又滲出點點黑椒香氣，整體非常好食。
土手味噌煮日本黑毛和牛牛雜 $98 雖然老婆偏素，但佢竟然大讚呢道菜好食，其實有時飲茶佢都會剔金錢肚。用咗黑毛和牛自然有種升格感，而牛雜中有牛肚、牛腸、牛肝、牛小腸等，仲伴有蘿蔔、魔芋，店員更補充講話喺用上幾款味噌嚟煮，怪不之得香味有層次，而且，啲牛雜又腍又入味，味道好香濃，飲住啤酒嚟食就更一流呀。
海鮮大阪燒 $90 話說同老婆第一次去日本，目的地就喺關西，首站落地大阪，而第一餐飯（晚飯）正正食大阪燒，所以，對大阪燒有種情意結嘅感覺。大阪燒之上鋪滿咗木魚碎，添加咗一份鹹香味，而裡面就混有好多海鮮料，口感非常豐富，唔會食到得嚿粉，醬汁嘅味道亦恰到好處。
北海道帶子配紀州南高梅子冷素麵 $128 上文講餐牌時，都有提過有啲時令推介，仲喺限定供應嘅菜式，所以，都專登揀咗呢一款冷素麵，因為睇到個配搭都頗特別，加上外間仲好熱，食個冷素麵清爽吓先。碟冷素麵送到嚟，賣相已覺得好爽，粉紅色嘅素麵，喺加入咗紀州南高梅製成，入口確喺有陣陣梅香，卻無嗆喉感，而素麵口感滑溜，佐以用上鰹魚、鯖魚、沙甸魚自家調製嘅冷麵汁，真喺一流。帶子亦好鮮爽彈牙，上面加埋啲黑魚子，矜貴咗，味道又多層次咗。
蕨餅（免費）最後，店員更送上小小心意，以蕨餅作為餐後甜點：綠豆粉口味同綠茶口味嘅蕨餅，蕨餅好軟糯，又帶少少煙韌感，綠茶口味好食啲，因為有陣陣綠茶香。
今晚所食嘅大部份菜式都好有一種在地的純樸日本風味，唔花巧，很紮實，對每道菜，我哋都非常滿意，而且，環境舒服，招呼熨貼，喺好值得翻兜嘅小店！
個人評分
味道：9/10
環境：8/10
服務：9/10
抵食：8/10
平均每人消費：HK$230
味道：9/10
環境：8/10
服務：9/10
抵食：8/10
平均每人消費：HK$230
餐廳資料：
淳吟居酒屋 Jyungin
佐敦文英街33號地舖
2816 1278
淳吟居酒屋 Jyungin
佐敦文英街33號地舖
2816 1278
沒有留言:
發佈留言