東海堂 Arome Bakery：我的美孚下午茶餐 ~ 意法日下午茶

星期六唔使返工真喺寫意咗好多，閒時就會買啲糕餅返屋企當下午茶，朝早買完餸路經港鐵嘅東海堂，有幾款大件裝嘅蛋糕唔喺貴，都想試吓，本來先睇中個沖繩黑糖卷，但又見個合桃蛋白拿破崙幾唔錯，心多嘅小弟一於兩款都買晒，最多當埋第二朝早餐。最終，仲買多件凍餅，因為老婆對意大利芝士餅都感興趣，結果造就今日依個「意法日」嘅下午茶。

素食新一代 Vegetarian New Generation：想清淡．依然大魚大肉又瓜又菜

距荃灣港鐵站不遠嘅荃豐、華都、荃昌中心，經常人流不絕，皆因裡面乜都有，潮物、手機、電腦嘢……，食嘅店舖當然都唔少啦，內裡有好多小店，大部份都喺平民價，部份都甚具質素，所以過嚟搵食嘅人都唔少，我跟老婆有時都會完咗崇拜走過嚟食晏。近輪都大魚大肉多咗，想清淡，宜食素啦，家庭式經營嘅「素食新一代」就喺是日之選，賣點就喺平靚正。

商場走廊開多兩張枱，已經喺荃昌中心嘅不成文規距。

客家好棧 Hak Ka Hut：為食鹹茶果

不知何解，老婆突然鍾意嚟客家好棧飲茶，其實都喺想食佢個鹹茶果，所以趁出開嚟尖沙咀處理銀行嘢，就順勢上嚟東企業廣場嘅客家好棧嘆茶食晏。雖然位處遊客區，但驟眼睇嚟茶客都喺以本地人居多，雖然感覺幾旺，由於依度一向容許搭枱，所以等位唔耐。

石磨坊 Shek Mo Fong：糊糊塗塗

跟老婆晌丼丼屋食堂食晚飯，由於甜品一環唔多突出，只有幾款新地系列、千層蛋糕及班尼士，所以索性去石磨坊食糖水當飯後甜品。

丼丼屋食堂 Dondonya Shokudo：丼丼．白飯響噹噹

一向都好少出旺角，人多車多，若非有需要都好少出依區，講都有啲出奇，連跟朋友嘅飯局都甚少揀旺角。今晚出嚟辦點私人事，就順道晌度搵搵食，由於「丼丼屋食堂」以傳統日式丼飯專門店自居，以質優嘅秋田小町米炮製，又喺美心集團旗下特約品牌食肆，所以對其出品頗感吸引。

東海堂 Arome Bakery：聖誕小蛋糕

雖然所住嗰區都有美心、聖安娜，但唔知點解特別多幫襯東海堂喎，自從佢改變咗形象，搵咗日本餅師做顧問，又加大咗宣傳，啲餅又特色咗，所以就比以往較常幫襯。

晌聖誕節，相約好另一個家庭有個小小飯聚，地點晌小弟家中，由小弟夾埋我老婆下廚落手煮幾味。至於甜品一環，都喺假手於人好啲，就買咗個東海堂出品嘅cake little，聖誕節限定版「雜莓芝士慕絲」，外型小巧精緻。因為有晒聖誕樹、聖誕老人做裝飾，小朋友勁鍾意，爭住要啲裝飾物，仲唔怕甜照咬照食，只喺家長「指引」下唔准，先無食晒咋。



門面前餅櫃，聖誕蛋糕有多款選擇！

韓冬風遊釜慶濟 - 第8日

19 Dec, 2012 (Wed) 陰3℃ ~ 4℃

來到旅程的最後一日，行程都沒有甚麼計劃，等大家多睡一會，因為1:20pm航班，由西歸蒲市坐機場巴士返濟州市又要一個多小時車程，計及有可能遇到些阻滯，所以提早10:00am出發去機場。不過，小弟可能年紀大，大清早就醒了，，所以就一個人去了附近的新緣島跨海大橋看看，回程時，又無意發現還有多一個世遺「景點」。

時近中午，出到濟州機場，因為大家還未吃早餐，所以先在機場吃一碗鮑魚粥才上機。之後，辦登機、弄離境，一切都順順利利，準時1:20pm起飛，結束這次8日韓國的「釜慶濟 」之旅。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=3977

韓冬風遊釜慶濟 - 第7日

18 Dec, 2012 (Tue) 陰．雨．雪3℃ ~ 4℃

由於之前計劃要在濟州遊覽的景點都去齊了，所以今日行程好隨意，好輕鬆，但都要醫肚先。餐餐韓國食物，突然有少少懷念漢堡包，故此早餐去了「每日多萊市場」附近的Lotteria吃早餐。之後，坐出租車前往中文觀光園區（중문관광단지）逛一逛。

天氣突然變差，個天又灰又黑，原以為下雨，誰知原來是下雪，嘩！真是意外收鑊呀。在中文觀光園區內，有好多博物館及頂級住宿酒店，例如：泰廸熊博物館、信不信由你博物館、如美地植物園、樂天飯店、新羅飯店……等等。不過，我們就去了樂天飯店及The Seaes Hotel & Resort（韓劇秘密花園外景場地之一），又去了濟州國際會展中心！

下午4:00pm返回廉宿休息一下，5:00pm再出動，無無聊聊走了入當地藝術家李仲燮藝術館，可惜沒甚麼好看。傍晚又去「飯卷天國」找吃的，之後去附近的Family Mart入入貨買點手信及零食，早些返回廉宿，收拾好行李，準備明日回歸之路。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=3919

韓冬風遊釜慶濟 - 第6日

17 Dec, 2012 (Mon) 陰．陣雨8℃ ~ 9℃

今早，大家身體狀況都不俗，相信康復沒有十足，也有九乘，所以，卒之可以一嚐民宿崔姐姐的豐富韓式早餐啦。吃過早餐之後，我們都要收拾行裝，因為遊完今日的景點，會在西歸蒲市那邊住上兩個晚上。 

由於今日景點較多（雖然每個景點所花的時間不長），所以都想早少少出發，又要有勞包車司機梁先生了。可惜今日天氣麻麻，大部時間天陰陰，久不久有陣雨，對行程影響不大，但對心情影響不少。

朝早時段，先到在濟州市附近的龍頭岩（용두암）影影相，順路經過神秘道路（신비의도로），然後就一直南下，向偏西面進發，遊玩濟州西區其他景點，包括：噢雪綠茶博物館（설록차 뮤지엄 오설록）、玻璃城堡（제주유리의성），之後前往西歸蒲市。

午餐過後，開往旅館的路途上，順便參觀天帝淵瀑布（천제연폭포）及柱狀節理帶（주상절리대）兩個自然景觀。大概5:00pm梁先生送抵我們在西歸浦市住上兩晚的旅館！安頓好一切，在附近打個轉，感覺西歸浦市不太繁盛，屬大型一點的市鎮，由於附近沒有甚麼大商場或景點可去，故此，晚飯過後都早少少休息。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=3826

韓冬風遊釜慶濟 - 第5日

16 Dec, 2012 (Sun) 晴 10℃ ~ 12℃

休息了一整晚精神也好了很多，而濟州的天氣又比釜山好，所以，今日大家的心情都同步好起來。話雖如此，腸胃仍然要小心點，所以，早餐都是繼續簡簡單單、清清淡淡，吃了屋主崔姐姐的愛心白粥。

想大家玩得輕輕鬆鬆，不要太緊湊，所以今日都只安排了4個景點，都是屬於濟州東區，剛剛好可以話在濟州東面逆時針轉了一個大圈。10:00am才起行，出發在濟州的第一個景點：3D奧妙藝術博物館（트릭아트뮤지엄），其實博物館位置都頗遠，由濟州市中心駕車，也要45分鐘才抵達。

吃完午餐，下一個景點就是較出名的濟州民俗村博物館（大長今迷你主題公園）제주민속촌박물관(대장금미니테마파크)，亦都花得較多時間在這裡，因為地方真是很大。

然後沿東區海岸線驅車往上走，向世界文化遺產之一的城山日出峰（성산일출봉）進發，由遠而近地接近這個景點，加上沿路有燦爛陽光，又有廣闊海景，此刻心情特別開朗。而是日最後一個景點萬丈窟（만장굴），又是世界文化遺產，不過行完之後感覺普普通通。

完了萬丈窟行程才6:00pm，不過天已烏黑，月亮伯伯已出來了。幸好，萬丈窟離市中心不遠，不用1個小時已返回民宿。返到民宿，崔姐姐已為我們預備好窩心晚飯，備註：崔姐姐的民宿只包早餐，不包晚飯，都是見我們病得慘才有此特別安排而已。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=3769

韓冬風遊釜慶濟 - 第4日

15 Dec, 2012 (Sat) 天陰 3℃ ~ 4℃

天未光，已覺得自己很不舒服，極晚也睡得不好，感覺頭重重，有點燒，快到清晨還嘔吐起來。勉強撐下去酒店「飯堂」，完全沒有胃口，再問問姨仔、舅仔，他們也不遑多讓，整晚又痾又嘔。

原先打算一早退房兼寄存行李，去行甘川洞文化區（감천동문화마을），現在4個人有3個病倒，一於回房再休息。但最麻煩是所計劃的行程，今日下午搭機飛往濟州，都理不得了，休息多一會再打算。由於東橫Inn是10:00am退房，延遲退房要加錢，更是KRW11,000一個小時，都沒有辦法，實在需要休息休息。

多睡幾小時，差不多到12:00pm，大家感覺都OK多一點，一致決定照飛往濟州去，因為機票、民宿都訂好了，回程都是由濟州返香港，始終都要過去。所以收拾好行裝，不再操勞，寧願花KRW13,600打的一程往機場去，半個小時就到。乘搭釜山航空（Air Busan）BX8113（14:45 – 15:40）航班，弄好機位登記，幸而內陸機安檢很寬鬆，發熱很怕上不了機啊！入到候機室再睡過，誰知航班又延誤，不打緊，繼續睡，卒之3:50pm起飛，4:45pm到濟州，預訂好的民宿在濟州市中心，坐的士KRW4,000就可以了。

原本今日濟州的行程，打算在民宿安頓好，就先去看看龍頭岩（용두암），再往東門市場及夜市（동문시장）及中央地下商街（증앙지하상가）走走，飯後再觀看韓國出名的「亂打劇場」（제주난타극장），但全部取消了。取而代之就是休息、看醫生。幸好，決定過來濟州確是明智之舉，因為出門遇上貴人 x 2，何解？再細閱下文說到「診所之旅」和「民宿」時，就會自有分曉。多多休息，總算捱過今日，明天會更好！

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=3484

韓冬風遊釜慶濟 - 第3日

14 Dec, 2012 (Fri) 陰雨 0℃ ~ 1℃

之前兩天在釜山去了不少地方，今日衝出釜山，去了慶州，新羅王朝的古都，當地文化遺址處處，仍有很多古建築，算是保持我不錯的古城。老實說，如果不是揀正秋天紅楓漫山的季節，又或你基於信仰不便參神拜佛，這個被聯合國教科文定為世界文化遺産的古都，未必好適合你來！

一早起床吃頓飽飽的早餐，由東橫Inn陡步往釜山站都只是20分鐘，地鐵車錢也可以省回，極之方便。而來釜山站，就是一試韓國高鐵KTX，由釜山往慶州，都是半小時車程，還不到10:00am，就到達慶州。不過，今日天氣極之差，全日近乎未停過下雨，煙雨濛濛，而且氣溫徘徊0℃之間，又凍又大風，真是不好受！

先到國立慶州博物館，打算當是避避雨，誰知逛完雨仍下過不停。沿路再去雁鴨池、半月城、石冰庫、瞻星臺、路經雞林，走到近慶州市中心。此時此刻真是飢寒交迫，大陵苑側有好幾間食店，隨意找了一家專做旅行團的韓菜館，品嚐當地特色飲食「菜包飯」，相信就是這一餐，吃到我們又痾又嘔。

天氣實在太差，所以決定吃完午飯，遊完大陵苑就離開慶州返釜山，原計劃好的普門觀光園區（보문관광단지）、新羅千年公園（신라밀레니엄파크）、晚上欣賞韓國正統音樂劇「貞洞劇場美笑：神國之地-新羅」……等，亦沒有心情去了。

不過，因為小弟一個錯誤的決定，令大家苦上加苦。回程想試試坐傳統國鐵，其一走錯路關係，要大家在風雨橫橫行了很久才找到火車站，其二跟售票員溝通問題，買了車票才知還要等大半個小時才有火車，而車程竟然要兩個多小時！唉，真救命呀！慶州，留下很多非常不愉快的回憶。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=3473

韓冬風遊釜慶濟 - 第2日

13 Dec, 2012 (Thur) 天晴 4℃ ~ 6℃

昨日走路比較多，自不然睡多一會。自由行就是這樣好，就是不用被領隊催起床趕行程。9:00am下去吃早餐，早餐房價已包，不唔得很豐富，但一定夠飽肚。

今日第一個「景點」就是距酒店幾個街口的40階梯文化觀光主題街，以及伏兵山壁畫村，然後順路步行至龍頭山公園，此刻日光日白看看釜山全景，原打算夜晚再來，登釜山塔睇夜景，但行程有變。之後行完已是1:00pm，都是時間吃午飯，在龍頭山公園另一邊路下山，偶爾經過一間日式飯堂，很多本地打工仔在此光顧，我們也走入去試試。

下午行程，都比較輕鬆，就是去太宗台遠足及看日落，因為擔心日落快，所以預鬆少少，不過又確是預得太多時間，因為我們在南蒲洞坐巴士過去，其實很近，半小時車程左右就到。看完日落就返回札嘎其市場。

因為剛好姨仔有同事都來韓國玩，他們就遊首爾 + 釜山，今日下午由首爾過來釜山，所以就相約在札嘎其市場吃海鮮大餐。由於晚飯吃至很晚，加上明天預了一早出發去慶州（尚慶北道一個古城），不想太夜休息，故此就沒有再上龍頭山看夜景了。乘地鐵到釜山站買備明日KTX火車票之後（KTX是韓國嘅高鐵），就打道回府。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=3467

韓冬風遊釜慶濟 - 第1日

12 Dec, 2012 (Wed) 天晴 2℃ ~ 5℃

10多年前跟團到訪過首爾，當時仍稱為漢城，今回再次踏足韓國，目的地是釜山、慶州、濟洲三地。香港人到外地自由行，喜歡「喪食」、「狂玩」、「瘋買」，我們一行4人（小弟、太太、姨仔、舅仔）都是「風遊」，只是寒風伴遊，去到那裡就吹到那裡，寒風凜凜，吹到頭暈。

原打算11月中去是最佳時節，但多方因素，難以成行，所以才推遲至12月中起行，開始此趟8天艱辛之旅。除了寒風，讓我們吃了灸少苦頭還有氣溫和天氣，氣溫長期徘徊在-1℃~6℃，在慶州整日的長命雨，又吃錯東西，令我們痾嘔肚痛發燒同時患上，亦是小弟第一次外遊病倒需要看醫生，還有還有……，想知我們的行程是怎樣，請繼續觀看下文。 

坐港龍直飛釜山，凌晨02:35航班，對於不慣捱夜的我們，其實都頗辛苦，但每日就只有這個航班。06:40抵達釜山金海國際機場，第一時間到酒店寄存行李，再去海雲臺Spa Land體會一下地道汗蒸幕，順道「小睡」。吃完午飯逛逛出名的海雲臺海水浴場，而路經的海雲台市場，亦值得走一圈了解當地（街）市況，黃昏時份，走完沙灘就剛好行到冬柏島，是市內的賞日落勝地。

大家行得累，找間麵包咖啡店享受杯咖啡兼歇一歇，晚上再返回南蒲洞，逛一逛光復洞美食街，一嚐當地美食。因為我們就住在中央洞附近的東橫Inn酒店，都只是隔一個地鐵站，步行回去都是十多廿分鐘的事。第一日行程到此結束，大家都要好好休息回下氣，明日再戰。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=3456

名坊：能伸能叔

單睇個名有啲似間中菜館，其實佢喺間多功能茶記，點多功能？唔喺話粥粉麵飯、奶茶咖啡、早餐午餐茶餐晚餐、小炒蒸餸……多款式多選擇嘅意思，而喺作為一間茶記，夜晚變為糖水鋪，間唔時仲提供埋BBQ、盆菜宴、火鍋、私房菜、特色中菜如豬肚雞……等等，主理人叫「能叔」,只要你提出，佢識得整嘅，都會盡量做好，真喺能伸能縮。

Segafredo Zanetti Espresso：意味深長嘆高茶食晚餐

有時晌啲網上遊戲抽到啲飲飲食食嘢，都會醒啲俾老死Ivan兄，佢為人對食都頗有研究，所以佢似食家多過我，小弟我依類都只喺為為食食啫。佢老兄話受得小弟「恩惠」多，想回個禮，查實就真喺唔使，嗰啲獎品嘢都喺借花敬佛而矣，何足掛齒！回禮嘅事丟低咗，後來Ivan兄話買咗世家Segafredo Zanetti嘅All-day High Tea套餐團購，不如一齊去試，結果上當就受咗依份回禮喇。大家都喺晌中上環返工，理所當然收工過嚟上環店度食就最便捷，唔使專燈再出嚟。

台灣麵 Tai Wan Kitchen：新竹關廟粉麵飯對對碰

老婆一句話攰唔煮，出街食，鍾意試新嘢嘅我梗喺無問題啦。荃灣區都算常出沒嘅地方，不過其實仲有好多食肆未試過，就好似今晚幫襯嘅「台灣麵」，原來都開咗成5年，一直都過門不入未有到訪。據說喺由正宗台灣師傅操刀，對小弟嚟講，喺唔喺台灣師傅都問題不大，唔通香港師傅就一定煮唔到正宗台灣麵？再講，雖則我都去過台北、高雄、台南等地，但對台灣麵食就唔喺好有研究，正宗唔正宗都難以判別，最緊要喺煮得好食。

新口味餐廳 Candy Cafe：大眾飯糖

有事要落一落長沙灣搵親友交收，其實順寧道依頭都幾熟，事關親友就住晌附近，正值食飯時間，都要搵個地方醫肚，所以晌就近嘅「新口味」食個晏。新口味個名有點老土，之不過估唔到佢竟然有個英文鋪號：Candy Café。

agnès b. Café LPG：甜品．也有妳的名字

食完「麵屋一平安」，反正下晝無乜嘢要搞，難得今日天氣又唔錯，所以晌尖東遊咗個圈，行行海濱，吹吹海風，之後心血來潮，再過嚟K11嘅agnes b. Café，舒舒服服嘆埋個下午茶先歸家，實行真真正正輕鬆渡週末。

麵屋一平安 Noodle House Ippei-An：守住平安，亦俏俏中蛻變！

星期六，由於5天工作，稍為瞓晏少少，故此早餐又相對食晏少少。同老婆要出尖沙咀搞銀行嘢，搞完都接近中午，其實大家都未喺好肚餓，不過，醒起「麵屋一平安」，講咗好耐要試要試，總要會一會。店子位處尖東幸福中心，個商場本身無乜人流，已經頗靜，仲要開晌地庫，兜完又兜先搵到，成個商場黑沉沉，得佢一個鋪位稱得上燈火通明。

翠園 Jade Garden Chinese Restaurant：重聚定必有恩

上年有班國內山區嘅朋友嚟香港玩，其中一日喺自由活動，所以就請咗佢哋嚟翠園食飯，仲寫咗篇食評「翠園．隨緣」，以前都跟老婆嗰邊親友食過幾次翠園，一向對翠園都印象唔錯。今次「重遊舊地」，事緣偶然間在面書中聯絡番一位十多年前認識嘅團契導師，講開約出嚟食餐飯，又有其他團友仔和應，加上人數唔太多，所以飯局好快搞得成，既然又喺咁隨緣，所以地點咪就喺揀翠園囉。

必勝客 Pizza Hut：免費好風光

特色嘅薄餅店晌香港可謂不知幾多，所以近年必勝客都少咗幫襯，要幫襯通常都喺搞吓大食會時嘅好幫手，仲要多數喺搵同集團嘅PHD外賣速遞添。不過，有次就喺請晒啲表姪仔、表姪女食必勝客，索性買咗$500現金券當入會，$500現金券當然即場用嚟找數，入咗會多少有啲優惠，最有用又實際算喺張「夏威夷風光」（細批）贈食券，趁到期前，梗要「嗱嗱淋」用埋先啦。

捉埋老婆一齊嚟荔枝角依間必勝客食晚餐，乘機等佢煮少餐，食完仲可以順路過隔離吉之島逛吓（依家都應該改口叫Aeon咯）。兩口子，已有一個細批墊底，所以我哋只喺點多一個酥皮湯及一客沙律就算，免得食唔晒。環境唔多講，舊年晌度寫過一篇食晏嘅，有相睇知佢個場喺點，反而服務就好過上次，無咁多「騎尼」事。

Yogurt Town：好玩亦都好食

曾幾何時，乳酪店突然開到成行成市，不過近依年又靜番晒好多，唔知算唔算去到汰弱留強嘅階段。甜品一向都鍾意食，雪糕我都好啱，反而乳酪就好少食，唔喺唔鍾意，只喺心理上總覺得佢唔多抵，唧幾唧，加幾樣配料就成三、四十。但對比番一啲品牌雪糕，個價格其實又相差無幾！假若加埋團購依個誘因，成件事就唔同晒，$19換購$40現金券，「唔抵」就唔可以成為一個藉口喇，所以，過嚟Yogurt Town獨食番一大杯乳酪，滿足吓為食心癮先。

Dressed：健康輕食，但今晚食得唔輕！

Dressed晌中環開咗好幾年，都未幫襯過，反而今次幫襯咗灣仔店，事緣工作嘅關係，走咗過嚟灣仔；無飯開嘅關係，今晚餐飯打算買外賣；網上遊戲嘅關係，中咗$100美食現金券。結果，造就咗小弟第一次幫襯Dressed嘅機會。原來Dressed喺來自美國阿特蘭大，主打健康輕食，如沙律、意大利烘包、三文治、熱湯……等等。

入門口就喺食物區及收銀處

南翔饅頭店：咁近城隍廟，唔喺要求簽

記得初開業時，因為挾著直上海豫園城隍廟直營店過江龍之名，都想試一試，不過每次嚟都人山人海（星期日午市時段），漸漸打消咗個幫襯嘅念頭，興致亦隨時間減退。

今回唔喺刻意嚟搵食，只喺撞啱老婆教會有嘢搞，完咗之後同另一對夫婦食餐飯，綠楊坊港鐵上蓋，勝在方便，過嚟南翔望望，無人排隊仲即刻有位，所以二話不說就入去。綠楊坊內嘅食肆，以南翔裝修最雅致，仿明清古建築，燈光柔和，卡位寬敞，通道闊落，感覺唔侷促又幾好坐。而價位屬於中檔次，三幾個老友聚一聚，傾吓長偈，喺個幾唔錯嘅選擇。不過，同樣都喺星期日，跟以前人多時嘅情境好不一樣，難道味道走下坡？

潮庭 Chiuchow Garden Restaurant：賞心悅目焗鱸魚．精緻巧手石榴雞

老婆近期做得辛苦，論功行賞，都要食番餐好嘢嚟撐吓嘅。有朋友介紹，美心嘅中菜裡面，潮庭做嘅菜唔差，手功細緻，店家以「正宗潮菜、現代演繹」為宗旨，提供正宗潮州美食。老婆公司附近就有一家潮庭，就揀個星期五晚嚟，佢收得晏，食夜咗，第二朝唔使返工都唔喺問題。

伯伯加奴 Pappagallo：路過貪口爽

一向好少晌街買杯裝雪糕食，買親多數晌超市買啲大盒裝，返屋企慢慢嘆。食完晏行去搭西鐵返屋企，路經PPG，同老婆貪口爽話買杯返去食。

客家好棧 Hak Ka Hut：平過隔離大快活

想搵平嘢食，以前嚟講，去快餐店似乎喺個錯唔得去邊嘅定律，不過今時今日，乜都加到飛起，去快餐店搵食真喺未必平得去邊。好似食晏時段，一個飯唔包嘢飲，動輒基本收費都$30，當然有啲燒味飯、特價飯都仲喺晌$30樓下。如果我話飲餐茶，嘆一盅兩件，仲平過去隔離大快活，你又信唔信先？

甜品森林 Dessert Forest：黃金撈KO芝麻糊

睇完戲返到美孚，老婆突然話請我食糖水，其實美孚無咩好嘅糖水鋪，除金裝燉奶佬外，晌內街仲有一間「甜品森林」，打正旗號專賣甜品、糖水。

又一棧 Festive China：又一棧．又一餐．又一晚

阿Kit小姐嘅生日，本來大家同屬一個細胞小組嘅，但佢就話忙到爆，結果要等佢嘅生日飯局先有機會碰個面聚一聚，搵埋幾個老友一齊，食番餐賀賀佢。除尖沙咀，又一城近排都多咗嚟搵食，始終因為地理位置嘅考慮。不過，代價會喺偏高少少嘅付出，都無所謂啦，至緊要嘢食好，大家食得開心啫。

太平館餐廳 Tai Ping Koon Restaurant：舊同學嘅相聚一刻

如果約番玩開嗰班舊同學出嚟食飯，都喺小菜一碟，好易搞；不過，約啲耐無見就要花啲時間同精力，有幾個依類嘅舊同學，都熟絡，不過就少約埋一齊，好彩輾轉間大家都晌中環返工，一年總有一、兩次相聚一刻食餐晏。

薩莉亞意式餐廳 Saizeriya Italian Restaurant：薩得盛起

康樂及文化事務署轄下都有幾多特色嘅公園，小弟所住嘅美孚，附近嘅荔枝角公園內就有個「嶺南之風」，古雅盎然；早前同細胞小組去過上環嘅中山紀念公園，大大幅草地，悠然開朗；今回則嚟咗黃大仙山上嘅蒲崗村道公園，特點喺有個頗大嘅單車公園，細路仔可以晌單車場兜吓圈，大人就可以晌架空單車徑度踩，各得其所，唔使入到新界咁遠，都喺多得住晌同區老友Chris引路，先知九龍有此「景點」。一大班人玩完就梗喺要搵食，由公園行無耐，10-15分鐘左右，就去到慈雲山中心，嗰度大把選擇。

味千拉麵 Ajisen Ramen：「未嚐不可」溫泉蛋

同太太偶然會食吓拉麵，不過就唔會太刻意去「搵食」，隨而遇安啦，就好似依次咁，碰上信用卡推廣，簽滿某個金額，就送你現金券，晌無乜選擇下小弟就揀咗味千拉麵嘅現金券，原因都想食吓拉麵，其次荃灣有味千，返完佢教會可以一齊去食晏。

馥軒 Empery Bakery：我的美孚下午茶餐 ~ 變種排包拼平到震泡夫

之前嘅樂怡，結業後隨即由馥軒接捧，都喺開咗檔個幾月無耐。唔好以為馥軒喺間街坊麵包鋪，其實佢都有幾多分店，都幾似凱施個模式，由街坊小店不斷茁壯，希望佢哋都繼續為各區街坊效力，提供多啲平價選擇，唔使吓吓都喺嗰幾間連鎖餅店咁悶。

博藝會 Spotlight Recreational Club：適逢其會．陽澄蟹宴

踏入秋季，都喺食大閘蟹同食蛇嘅好季節，適逢其會，有幸出席由U Food 同博藝會合辦嘅星級試食會「陽澄金黃蟹宴」，實在多謝晒大會嘅款待，令小弟大飽口福之餘，亦再次跟其他食家談談食，說說笑！

Neway Karaoke Box：唔唱K．齋食Buffet

球場就去得多，K場就人生暫時去過兩次，無辦法，對於五音不全嘅小弟嚟講，低音上唔到高音，高音唱到走晒音，唱歌依家嘢真喺小弟死穴，俗語所講：獻醜不如藏拙。第一次入K唱，唔喺唱K，嗰時仲晌觀塘做嘢時，跟同事一齊入去食晏，唔貴又有個私人房，點講老細壞話都無有怕。至於第二次，亦即喺今次，同樣無打算唱K，只喺嚟食buffet，事緣表姪女生日，大個女唔晌麥記搞啦，表哥表嫂拉埋幾個同區親友，一齊嚟依間新間無耐嘅Neway，同佢開過生日唱K派對，小弟一向「咁錫」表姪女，成日惡形惡相問佢做晒功課未？溫好書未？當然有幸成被邀之列，今次都可以話喺另類邀請試食。

鼎泰豐：速戰速決

之前一晚跟廣州親友晌美孚食越南嘢，今日就乘著佢哋市區遊，晚飯就搵嚟人氣長龍店「鼎泰豐」，始終佢都喺一間有水準嘅食店。

小越南：洗塵晚飯聚越南

老婆嘅廣州親戚外遊，取道經香港返國內，其中舅父舅母再留幾日，目的都只喺想見吓班細姪，難得順路晌度玩多幾日，都會陪佢哋食餐好嘅。雖然廣州依家乜都有，食嘅未必比香港差，但點都好，都要盡地主之誼好好招呼吓嘅。

佢哋今日下午落機，比較奔波努累，費事為餐飯再走嚟走去，所以安頓好之後就晌番同區嘅小越南度食。因為早前跟老婆撐枱腳食過一餐，感覺幾好，食物有質素，所以都想帶埋屋企人嚟試。既然有親友駕到，就一於拉埋姨仔舅仔同佢女友一行7人食番餐洗塵飯！

珍寶越式拼盤 $95
越式拼盤分迷你（$45）同珍寶（$95），前者只有炸蝦餅、酸辣無骨鳳爪、越式扎肉，而後者就再多越式分蹄同炸春卷，份量亦會多啲。我哋有成7個人，當然需要要個珍寶啦。炸蝦餅就最好食，雖則蝦味未算超農，但彈牙又唔油；然則個分蹄又幾特別，有別於我哋食燒味常見嗰種，質感較為細碎；鳳爪酸爽微辣，口感清涼。

青葉日本料理 Aoba Japanese Restaurant：平有平食．糧尾幫手

食一餐好嘅日本嘢，三幾百喺等閒事，不過，如果你唔喺餐餐都要有要求，想慳慳哋，三幾十一餐日本嘢都唔喺難搵，就連尖沙咀咁貴租嘅地方，都仲有啲咁平嘅午餐。有人招呼，但又唔收加一，價錢同去快餐店相差無幾，位處厚福街尾地庫嘅青葉日本料理，都可以話喺糧尾慳錢之選。

Le Chef：恬啖蠔情燭光夜

唔經唔覺，原來前身喺專做自助餐嘅Café de Metropark（紫荊閣）俏俏咁變咗身，仲改埋名，叫Le Chef，日頭仍然有做自助午餐，但晚上就化身為一間情調浪漫、寧靜優雅嘅西餐廳，主打別具特色東西共融嘅混合菜。睇番自己嘅食評，對上一次幫襯紫荊閣已經喺2009年嘅事（http://www.openrice.com/restaurant/commentdetail.htm?commentid=2018270），當時對此餐廳都印象唔錯。

美心皇宮 Maxim's Palace Chinese Restaurant：點心大滿足

有時候食嘢真喺唔需要特別諗，一大班朋友聚一聚，圍埋食餐茶掃掃點心已經好高興，再加啲戶外有益心身嘅健康節目，夠玩一整日喇。

又喺一個月一次嘅細胞小組聚會，由組員Elvina同佢老公阿銘負責，形式喺戶外，所以就揀咗去西營盤嘅孫中山紀念公園「郊遊」。話就話晌西營盤，好似好遠，其實晌上環地鐵站行過去都喺15min左加，沿路仲喺行海濱，望吓尖沙咀同西九，是日天朗氣清，感覺幾舒服呀。題外話講少少，小弟真喺大鄉里，都唔知有個咁正嘅公園，園內有牌樓、鐘樓、四大寇庭院、水景廣場、兒童遊樂場，最正喺有個紀念草坪，草坪正中央有個孫中山像，而周圍就喺一大片草坪，猶如城市綠洲。我哋個小組有好多大細路同小朋友，同佢哋踢波仔，玩飛碟（最好喺用布做嗰啲），晌草地滾吓，飛撲吓，感覺都後生番啲。

Sweetscoop：古早三色刨冰

完咗大澳行程出返東涌，難得入到嚟，咪晌東薈城打個轉囉，嘩，實在太多人，草草行完就算。臨尾上咗大食代望一望，老婆建議食碗糖水先走，所以，就晌Sweetscoop睇睇有無心水，見佢話全新推介個夏日特大刨冰，共有6款：芒果刨冰、蕃薯刨冰、奇異果刨冰、鮮果雙拼刨冰、紅豆刨冰同古早三色刨冰，即管叫一份試試。

正記：景正．豆花平平

國慶日，太太教會搞咗個大澳大旅行，人強馬壯百幾人，包晒車往返（回程東涌解散），晏晝安排晌大澳福滿林酒家食個特惠旅遊團體餐（因當時有啲唔方便，無影相，食評就無謂寫喇，不過總結幾句，碟頭大，份量足，價錢平，質素中等，算抵食），7餸1湯白飯任裝食到飽。期間節目跟大隊行山又得，閒遊大澳市集又得，走去警署舊址大澳文物酒店都得，總之悉隨尊便自由行，想點就點。

早上跟大隊行山，回程逛遊市集，果然有好多地道小食，例如碳燒扇貝生蠔、蝦豬餅、茶果……等等，如非一個鐘後就食晏，「掃街」都可以食個飽。不過，今日天口仍然頗熱，行完山又有點累，最好搵個地方歇歇腳，可以坐下，又可以食少少唔飽肚嘅小食，撞啱「正記」，又有棚屋尾後嘅半露天位，一於入去打打躉唞一唞。

假日嚟喎，何解咁靜？

又一間餐室 Mo-Ikken Cafe：食餐晏．馬來咖喱滑雞飯

平時，返完自己嗰邊教會，都會同啲會友仔落去太子食飯，但因為早前好友阿志買咗車，我哋一班「美孚友」就完咗崇拜驅車返回美孚先食，等我哋慳番程車錢之餘，提升佢架車嘅載客量，哈哈。

第一次晌食晏時段嚟幫襯，之前兩次都喺食夜晚，一樣唔少客喎。因為我哋大人連細路都成6個人，所以要拍枱都等咗10多分鐘。入到去個感覺有啲唔同，裝修無變，但好似大咗，再望真啲原來最入面幅牆無咗大半截，跟鄰鋪賣和食嘅「惠比壽居食屋」打通晒，而且兩邊食物可以互叫，即喺晌又一間可以叫隔離鋪嘅壽司、拉麵……，晌惠比壽又可以叫杯咖啡、三文治……，問問侍應原來兩間鋪都喺同一個老細，如果喺咁就應該一早打通佢增加協同效應啦！

Deli and Wine：鮮蝦先賣

老婆加班，當然懶煮出街食，醒起手上仲有啲用信用卡積分換嘅美心集團現金券，當然盡快用，唔使記掛晌心，萬一過咗期就唔抵啦！因為啲現金券又唔喺好多錢，近期去多咗美快MX食早餐同下午茶，唔多想連晚飯都幫襯佢，想起集團旗下晌文化中心嘅Deli and Wine，一直都有想去試嘅意思，因為好評持續高企，但總喺遺忘咗，今晚就下定決心一試多人稱讚嘅「常餐」。

磯陣：想食就食

老婆一向鍾意晌屋企煮，突然話想請我食番餐，指明食日本嘢，無話咩特別原因，小弟就梗喺點頭話好啦。其實想食日本嘢，依區唔少選擇，仲有羽壽司、御．上澄，不過已經試過，質素麻麻，翻兜機會好微；另外八佰屋、友樂亭依兩間「老店」，閒時經過幾人氣，應該有質素，不過價位屬中高，但有打算今年內試埋佢；既然喺老婆付鈔，就唔想食太貴，所以，搵晚姨仔舅仔都唔返嚟食，得我倆公婆，收工返到美孚，揀嚟磯陣食日本嘢，因為之前食過覺得質素唔錯，況且價位比較相宜。