商場走廊開多兩張枱，已經喺荃昌中心嘅不成文規距。
素食新一代晌荃昌屬長爆店，計埋鋪面商場走廊位兩張摺枱，全店都只有大概24個位，鋪內啲位仲要非常之窄，基本上肥啲或大隻啲，都會覺得有點周身唔聚財。而且，一睇就知裝修源用多年，頗為殘舊，有點點地踎，不過，晌度食嘢唔會慢慢hea，志在填肚，啲食客又好識做，唔會掗住個位，食完即走，快上快落。
坐滿人之後，室內環境非常逼夾。
部份嘢食晌四周牆上都搵得到，但餐牌就印備咗多款選擇，小炒、煲仔菜四、五十蚊有交易；碟頭飯就三十零蚊，連意粉都有，粉麵則賣廿零蚊左近；想食得「豪」啲，亦有套餐，二人（$98）或三人（$138），包白飯或素翅，送糖水，分別在於只喺前者有兩個餸，後者則有三個餸。
雖然喺素食小店，都有幾多選擇。
最受街坊歡迎就梗喺一人份嘅「是日套餐」，非常抵食，午市賣$28，晚市都只喺略略上調多一蚊雞，賣$29，已經包例湯、一客兩餸飯，而菜式共有5款可供選擇：薑汁炒時菜、漢堡扒、豉汁鰻魚、節瓜鮮魷、芙蓉煎蛋。睇見個掛牌同啲字，就知老一輩家庭式手作嘢，唔知啲後生識唔識睇呢？
例湯冬瓜湯喺是日例湯，話晒素菜館，個湯無肉無太多配料，味道會喺清淡一啲，大大碗，當飲冬瓜水，點都健康過汽水咖啡奶茶啦。
漢堡扒．節瓜鮮魷難得其中一個餸菜喺漢堡扒，真喺好想知佢樣貌喺點。估唔到啲套餐餸咁鬼多喎，淨喺個漢堡扒就一碟有4件（即喺兩塊漢堡扒，每塊一開二），淋上少少醬油茨汁，眾所周知啲扒都喺豆類製品，肉味故然無可能有，但入口挺實幾有趣，又有少少黑椒香，都OK喎。另一味喺節瓜鮮魷，扮嘢嘅鮮魷唔多，得三幾小塊，無論外觀同質感都唔多似架啦，當食豆腐乾囉，節瓜則幾清甜，載滿一大碟。
豉汁鰻魚．芙蓉煎蛋啲「鰻魚」好鬼死大件，幾隻手指粗，仲要一客6大件，真正抵食夾「大件」。「鰻魚」真身喺紫菜包住齋腐皮卷，依件千層腐皮卷好煙韌，豉汁調得蠻不錯。芙蓉煎蛋則喺無叉燒、無蝦又無火腿嘅清裝版，蛋煎得唔老身，內裡主要都喺銀芽同韮黃，又喺滿滿一大碟，實在好夠份量呀！
個人評分
味道：7/10
環境：4/10
服務：5/10
抵食：9/10
平均每人消費：HK$29
餐廳資料：
素食新一代 Vegetarian New Generation
荃灣西樓角路荃昌中心昌安商場1樓52&55號
2411 2407
沒有留言:
發佈留言