乳酪店家嘅乳酪賣店就喺乳酪材料全由意大利進口，兼且每日新鮮製造。眾所周知，乳酪蘊含豐富益生菌，又低卡又高鈣，可謂有益腸臟同骨骼，所以鍾意食乳酪嘅人大有人在，而乳酪生意都仲有得做。最初團購顯示有共9款味道：原味、士多啤梨、芒果、荔枝、藍莓、綠茶、提子、石榴、朱古力可供選擇，而當日去到則只有原味及藍莓兩款。原味唧一圈，藍莓又唧一圈，諗住有$40揸手當然唧得大圈一啲啦。乳酪味道唔太酸，夠凍頗冰涼，不過藍莓味就唔多明顯。
配料配料超過30款，有新鮮水果，有多種糖果粒，色彩繽紛，自由配搭整出專屬口味。生果粒水份多，較重身，宜精不宜多，否則磅起上嚟幾「襟計」；另外，我又唔想啲味道太雜，所以糖果部份歸一少少，以穀麥味為主。講開啲配料，店員都補充得快，至少都無發現啲配料兜喺「吉」呢！
V形櫃位放超過30款配料
最後小弟DIY嘅配料成份有：墊底有芝士蛋糕粒，中層有椰果，面層就喺可可脆球、杏仁片、曲奇餅碎同小麥胚芽，再加少少朱古力醬，就咁完成我依杯273g大杯乳酪（$41，補多$1）。乳酪軟軟滑滑，而啲可可脆球甜甜脆脆，加上撈勻嘅曲奇餅碎同小麥胚芽，酸味中滲點麥芽，自覺個配搭都真喺唔錯。食到去下層，又有啲芝士蛋糕粒，頂頂肚，唔使淨得啲又凍又酸嘅乳酪落肚，又凍又生冷，古人話易傷胃嘛！
個人評分
味道：7/10
環境：8/10
服務：8/10
抵食：8/10
平均每人消費：HK$41
餐廳資料：
Yogurt Town
葵芳葵富路7號葵涌廣場2樓C85號舖
電話欠奉
沒有留言:
發佈留言