雖然所住嗰區都有美心、聖安娜，但唔知點解特別多幫襯東海堂喎，自從佢改變咗形象，搵咗日本餅師做顧問，又加大咗宣傳，啲餅又特色咗，所以就比以往較常幫襯。
晌聖誕節，相約好另一個家庭有個小小飯聚，地點晌小弟家中，由小弟夾埋我老婆下廚落手煮幾味。至於甜品一環，都喺假手於人好啲，就買咗個東海堂出品嘅cake little，聖誕節限定版「雜莓芝士慕絲」，外型小巧精緻。因為有晒聖誕樹、聖誕老人做裝飾，小朋友勁鍾意，爭住要啲裝飾物，仲唔怕甜照咬照食，只喺家長「指引」下唔准，先無食晒咋。
其實cake little喺早前東海堂嘅新出品，直徑約五吋嘅迷你小蛋糕，啱人少嚟分享。cake little系列原本有5款味：沖繩海鹽焦糖、雜莓芝士慕絲、清酒栗子、北海道芝士、五重の朱古力，聖誕節期間就將佢哋加少少聖誕裝飾，成為「節日限定」。當日所見，有沖繩海鹽焦糖、雜莓芝士慕絲、五重の朱古力化身為聖誕蛋糕，又以雜莓芝士慕絲粉紅色最搶鏡，加上「賓客」當中有位小妹妹，故此就選上cake little雜莓芝士慕絲（平時賣$98，聖誕版賣$108）。
既叫得雜莓芝士慕絲，自然以雜莓為主。牛油餅乾底有點硬，切起上嚟有啲啲困難。除牛油餅乾底外，中心喺朱古力海綿蛋糕，很軟綿又有回彈力，上下兩層海綿蛋糕之間夾有一薄層士多啤梨果肉，增添口感；外圍上層喺雜莓慕絲，據店員講，慕絲加入北海道3.6牛乳嚟做，你話喺唔喺一加入北海道3.6牛乳就奶香超然，小弟就唔喺太覺得，但反而唔似用一般牛奶同忌廉所做嘅慕絲咁膩，此外，除咗滿有雜莓清香外，質感很軟滑，甜度又啱口味；至於外圍下層喺芝士慕絲，芝士味道較輕怡，相信想平衡番上層個雜莓慕絲，唔想芝士味太搶太突出！整體而言，依個雜莓芝士慕絲蛋糕真喺幾好食。
個人評分
味道：8/10
環境：6/10
服務：6/10
抵食：8/10
平均每人消費：HK$18
餐廳資料：
東海堂 Arome Bakery
美孚港鐵美孚站8號店 晌聖誕節，相約好另一個家庭有個小小飯聚，地點晌小弟家中，由小弟夾埋我老婆下廚落手煮幾味。至於甜品一環，都喺假手於人好啲，就買咗個東海堂出品嘅cake little，聖誕節限定版「雜莓芝士慕絲」，外型小巧精緻。因為有晒聖誕樹、聖誕老人做裝飾，小朋友勁鍾意，爭住要啲裝飾物，仲唔怕甜照咬照食，只喺家長「指引」下唔准，先無食晒咋。
 |
| 門面前餅櫃，聖誕蛋糕有多款選擇！ |
 |
當日只有3款cake little化身為聖誕蛋糕。
|
個人評分
味道：8/10
環境：6/10
服務：6/10
抵食：8/10
平均每人消費：HK$18
餐廳資料：
東海堂 Arome Bakery
2742 6811
沒有留言:
發佈留言