馥軒 Empery Bakery：我的美孚下午茶餐 ~ 變種排包拼平到震泡夫

之前嘅樂怡，結業後隨即由馥軒接捧，都喺開咗檔個幾月無耐。唔好以為馥軒喺間街坊麵包鋪，其實佢都有幾多分店，都幾似凱施個模式，由街坊小店不斷茁壯，希望佢哋都繼續為各區街坊效力，提供多啲平價選擇，唔使吓吓都喺嗰幾間連鎖餅店咁悶。

買完餸專誠兜個圈過嚟買啲包當下午茶，至尊手撕包擺正晌門口當眼位，仲喺推介，當然吸引到我買嚟一試；另外見個凍櫃堆咗一盤大泡夫，望落幾好樣喎，嘩，賣$4咋，平成咁點都要幫襯吓架喇！

泡夫 $4
唔似出門啲泡夫專門店十幾廿款味道，獨沽一味，只有一款，就喺罐頭蜜桃加忌廉。雖則喺咁，泡夫做得一啲唔馬虎喎，泡夫大個焗得挺身，咬落鬆軟，外層帶點脆。忌廉有少少偏甜，但打得夠滑，配兩片水蜜桃，只賣$4蚊雞，你仲想點！

至尊手撕包 $14.8
叫得「至尊」應該有其賣點，未食之前個腦盤轉緊會喺點。單睇外形，就知佢喺將麵包粉糰搓薄捲曲再焗製，所以出嚟個效果真喺好鬆軟，輕輕一撕就喺一片片，質感跟排包非常相似；而味道亦都好似樣，仲以為好有牛油香，原來又唔喺，兜底望望成份，以酥油嚟做，無用牛油咁香，我覺得喺排包嘅一個變種。

下次再試試佢啲凍餅喺點，我見十零蚊件，好街坊價。

個人評分
味道：6/10
環境：7/10
服務：7/10
抵食：8/10
平均每人消費：HK$9

餐廳資料：
馥軒 Empery Bakery
美孚景荔徑8號盈暉家居城地下03號鋪
2785 6388