 |
| 枱上嘅醬油架 |
 |
| 以剔紙仔落單，減少口述嘅錯誤，仲有對菜單，有效率嘅管理！ |
四喜烤夫 $38好多朋友覺得烤夫麻麻哋，話好似食緊浸水麵包，咁講小弟覺得有啲誇，完全唔覺喺咁，仲覺得幾好食。烤夫好有豆乾香味，味道又有啲似加黑糖，帶少許沉實醇香嘅甜。
香干馬蘭頭 $52既然叫香干，豆腐乾自然少不了，豆乾切得極為細緻，仲份量好多。馬蘭頭就更加唔使講，刴得更幼細，菜葉味清新，甚有自然氣息。
涼拌黑木耳 $38黑木耳堆得幾多，加啲鮮百合同杞子做裝飾，個冷盤變得幾有睇頭。黑木耳酸酸甜，口感爽脆，簡單，食咗令人覺得陣陣涼快。
特色小籠包 $50師傅包小籠包手勢熟練，所以水準依然，湯汁豐盈，外皮輕薄，餡肉份量同味道都調校得恰到好處。
菜肉紅油抄手 $42 咪睇啲紅油紅噹噹，其實唔喺好辣，嗜辣嘅人可能頗失望，不過就啱我囉。菜肉抄手包得大大隻，而且菜肉刴得幼細，比例又啱，總之就好食。
清炒菜心 $42四十幾蚊碟菜心必然喺貴，感覺喺一碟搶錢菜心，但當你想食，你又唔會吓吓咁計！
炸醬拌麵 $36雖然收$36，其實好細碗。炸醬料有肉燥、豆乾粒、蠶豆、蕃茄粒，蕃茄粒啲質感好得意，口感韌實啲，又無乜蕃茄味，我哋仲估咗好耐喺乜！問過侍應，佢只喺話啲蕃茄泡過水。而麵條頗煙韌，撈勻晒嚟食又幾好味，只可惜份量太少，一人分得一小撮。
油炸排骨湯麵 $52 塊豬扒好似啲台式雞扒咁大塊，但幾薄身，炸得非常鬆化，有點點黑椒味；湯麵喺無咩花巧嘅清湯麵，勝在柔韌有咬口。
菜肉餛飩湯麵 $48試過佢啲抄手，不俗，依個菜肉餛飩其實如出一轍，走紅油換上清湯麵啫，不過賣到$48碗，大可不必晌依度食。
迷你荔芋包 $30、迷你芝麻包 $30唔好見佢叫包以為包類，其實放晌甜點一欄。真正包類得菜肉、鮮肉、香菇素包啫。一籠有3個迷你甜包，兩款包都喺即叫即蒸，想食就預番少少時間，上枱時熱辣辣，做得包身鬆軟唔黏牙，荔芋嘅芋味唔喺好強，配包口感一般；反觀芝麻較香濃較濕潤，無荔芋餡咁乾身，都喺芝麻同包夾啲。
個人評分
味道：8/10
環境：8/10
服務：8/10
抵食：9/10
平均每人消費：HK$110
餐廳資料：
鼎泰豐 Din Tai Fung
尖沙咀廣東道30號新港中心3樓130號
2730 6928
沒有留言:
發佈留言