奇華餅家 Kee Wah Bakery：熊運當頭

作為晚輩，就梗喺我哋去親友屋企拜年多過人哋嚟我處拜年，所以，屋企都甚少會擺放全盒，試過好幾年都有買定啲糖果放入全盒，最終發覺都喺兩公婆密密食咁食晒，故近年都無乜點再搞。近日，收到朋友送嚟嘅小禮物，原來喺奇華餅家嘅「熊貓賀年禮盒」，內有5款應節小食，啱晒當為全盒。

打開盒內賀年零食包括：朱古力味熊貓曲奇（5件）、草莓味熊貓曲奇（5件）、炸油角（2包）、笑口棗（2包）及手製南棗合桃糕（6件），各有特色，全部獨立包裝，乾淨衛生。

朱古力味熊貓曲奇

超萌嘅熊貓造型喺其賣點，未食都斷開兩截，就知有幾脆口，咬落鬆化，既有牛油香，又有朱古力味。

草莓味熊貓曲奇

粉紅花紋令佢更萌，同樣質感鬆化，但草莓味道較薄，不及朱古力味嚟得突出。

炸油角

油角算喺迷你版，細細隻的骰可愛，就算一口一件都無問題。啲油角口感香脆，外皮酥香，內裡填滿脆口嘅花生粒及甘香嘅白芝麻，又唔太甜，又唔油膩，實在不俗。

笑口棗

粒粒炸到爆口，真正笑口常開，但願人人生活都喺咁。炸得金黃嘅笑口棗非常鬆脆，充滿芝麻香，一粒接一粒，轉眼就食晒一小包。

手製南棗合桃糕

喺老婆至愛，因為佢啲南棗糕唔單止棗味濃，食落又唔黏牙，內含唔少合桃粒，好有咬口。

唔知你買咗糖果、瓜子等放全盒未，抑或好似小弟咁一切從簡？依個熊貓賀年禮盒就算唔喺自用當全盒，送禮一樣得體，5款小食，正所謂五福臨門，順祝各位身壯力健（食多啲），鴻運當頭（賺多啲）！

個人評分
味道：8 /10
環境：- /10
服務：- /10
抵食：- /10
平均每人消費：HK$0（朋友送贈）

餐廳資料：
奇華餅家 Kee Wah Bakery
深水埗欽州街37號西九龍中心1樓143號舖
2708 2939