張記士多：順理成「張」

第一次跟姨仔，加埋佢朋友一齊行山，佢就揀咗段由粉嶺行到去大埔，從人氣熱點流水響水塘，再經鶴藪水塘、沙螺洞、鳳園，落番去太和。午餐就帶咗啲乾糧中途食，而去到尾聲沙螺洞陋屋村之時，見到有個「張記士多」嘅標示，又話有山水豆腐花食，就走入村裡望望，確喺有檔「士多」，順理成章就一齊晌度攤抖吓兼食碗山水豆腐花先再起行。

「士多」主要由一間村屋，再搭啲鐵皮簷篷組成，周圍望落去都喺一片田野，一貫嘅鄉郊風情，加上陽光普照，予人感覺非常之好。裡面已好多圓枱，原來，已經有唔少行山客晌度。

除一般村屋樣，再細看，可以講喺小型歷史展廳，因為，鋪內擺放唔少舊物件，如火水燈、疑似黑白電視（問過店主，部電視仲用得，喺無天線而已）、舊款飯煲……，真喺有種將時間停頓住嘅感覺。

如好多鄉郊士多，主要供應嘅都喺啲飲品、小食、公仔麵之類，雖然牆上嘅餐牌仲寫咗好多嘢，但未必一定有。

不過，最估唔到，店家仲會供應盆菜，甚至客家風味菜，不過，有心嚟食嘅話，最好就喺預訂咗先。

我哋就好簡單，睇見有山水豆腐花先走入嚟，所以，二話不說就喺點山水豆腐花，每碗賣$12，好合理嘅價錢。已經淋咗薑水，落幾多黃糖就自己嚟，啲豆腐花真哋好滑溜，又有豆味，好食。

食完再坐多陣自先再起行，向終點進發，但經過沙螺洞時，見到絕大部分村屋都荒廢，好多都變成頹塘敗瓦，啲田地都喺，有點唏噓感。

個人評分
味道：8/10
環境：6/10
服務：6/10
抵食：8/10
平均每人消費：HK$12

餐廳資料：
張記士多
大埔沙螺洞張屋村
9854 5156