點點心 Dim Dim Sum：點點心思

約咗啲舊同事出嚟聚一聚，因為人少少得幾個咁就簡簡單單食吓點心傾吓偈，揀咗嚟旺角嘅「點點心」，主因都喺貪方便地點就腳，佢哋對食無太多要求。

羊滋味：悠「羊」滋味

喜歡食羊嘅朋友唔太多，不過有啲老死就確係幾鍾意食羊，記得好似上年冬天就一齊晌大角咀嘆羊腩煲。今次嚟到太子所試嘅「羊滋味」，一睇就知主打喺羊啦，又一齊擦番餐先。

再臨閣 The Haven：仲夏滋味大「法」現

近來北上搵食成風，加上又到暑假，見到好多酒店嘅自助餐都推出好多優惠吸客。今晚嚟到尖沙咀「港青」嘅「再臨閣」餐廳食自助晚餐，又可以大擦一場。

井茶 HASH：井「抵」之蛙

平時星期六都會喺番美孚食早餐，不過，今日就跳出美孚，嚟到長沙灣，因為陪老婆拎啲電器去深水埗嘅「綠在區區」收集站，所以，就喺富昌邨街坊商場「南昌薈」搵食，十幾年無落到咁深嘅位置，已經又唔同晒。晌個商場上下兩層兜咗一個圈之後，原來呢度都有幾多食肆，不過，都喺茶記「井茶」最啱我哋心水。

龜記茗茶 GuiJi：「龜」根究底用料好

過到嚟「新都會廣場」攞嘢，偶然經過呢一間「龜記茗茶」，印象中好似舊年年尾晌台灣踩單車時見過，因為個名比較特別，見唔少人幫襯，就試番兩杯。晌等待期間，上網睇睇，原來佢晌台灣有超過百幾間分店，主打健康天然古早味嘅茶飲，唔會太多花巧嘢，並以較高級嘅茶葉做茶底，務求以質取勝。

入素 Green Entrance：心裏有「素」

因為老婆嘅回鄉卡就快過期，所以，襯得閒就過嚟葵興呢邊搞換證，人流唔多，流程簡單，好快就搞掂啲手續，搞完之後正正喺放飯時間，就過對面嘅KCC睇下有咩啱食，發現8樓有間食素嘅「入素」 ，啱晒老婆，二話不說就揀呢間！

2 Soon Cafe：See You Soon Again!

晌太子「西洋菜街北」嘅一段，可以講喺條酒吧街，酒吧多不勝數，不過，近界限街位置有一家西餐廳，門面喺泥紅色磚牆加上巨型圓拱門，就變得份外突出。今們同表哥嚟到，因為佢都好少食西班牙菜，就帶佢嚟見識一下。

傅記燒鵝飯店 Fu Kee Chinese Restaurant：不「傅」眾望

平常入到「深井」食嘢，都喺因為行山以「深井」為終點，今次就有啲唔同，到訪朋友家，再一班人落嚟「傅記」食午飯，友人話以燒鵝嚟講，「裕記」覺得喺最好，但就貴，其次心水喺「傅記」，加上相對實惠啲。

柴夫人魚館：出品無「夫」衍

老婆一向喜歡蕃茄湯系列嘅嘢，又鍾意食魚，無意中發現呢間主打食魚嘅「柴夫人魚館」，明明喺川菜嘢，但其中一款湯底喺蕃茄湯，啱晒佢，加上甚麼豆花魚，我都好奇想試一試喺乜。

天下糧倉牛肉火鍋專門店 Granary Beef Hotpot：勿失「糧」機

早前同啲老死食飯，講開打鞭爐，話想食得有質素嘅，通常喺嗰啲散點嘅會好啲，放題嘅有機會無咁高質，尤其主力食肉嘅朋友，散點起計真喺落樓唔少錢。不過，我話要搵有質素嘅放題店，其實都有好多選擇，不過，主打食牛又想性價比高嘅，就諗起早前有食友推介呢一間「天下糧倉牛肉火鍋專門店」，老死好有興趣，就約埋一齊上嚟拆餐飽。

尚苑京滬川菜 Top One Palace Club and Chinese Cuisine：舒服至「尚」

又到「開心星期五」，等老婆輕鬆吓，唔煮，出街食，就番佢返工所以揀咗嚟尖東食晚飯。加上想舒舒服服、安安靜靜食餐晚飯，結果就揀咗嚟「尚苑」，貪佢位處尖東一角嘅南洋中心，可以講喺一個比較僻靜嘅場。

楓林小館 Fung Lum：食得「楓」騷

幾個月前嚟過一次食飯，覺得價錢唔貴，碟頭夠大，抵食！不過，因為嗰次一大棚人嚟，唔方便影相，所以，就無出過食評。今次趁同舊同事聚舊，又想起「楓林」，就決定再嚟試試。

永年士多 Wing Nin Noodle：「年」鎖滋味

老婆話好耐無食過車仔麵，所以，又趁星期五晚，出嚟食吓飯，雖然，晌香港有唔少車仔麵名店，相信由元朗起家嘅「永年士多」亦喺其一。就返方便，嚟到佐敦新店試試。