此外，因為我哋坐晌卡位，牆側有少少豬嘅擺設，都幾得意。醬油碟、調味料放咗晌牆側，而餐具、紙巾、芥末則放晌枱側抽櫃，自由取用。
食物方面，有全日定食、午市定食、期間限定、晚市定食、精選特飲、甜品……等等，而定食大致包括刺身定食、丼飯定食、拉麵定食，可謂選擇多多，而且，有好多加配優惠。
餐廳採用掃二維碼下單，旁邊有教點落單，簡單易明，如果搞唔掂搵店員下單都得。最後，我哋點咗一份便當、一份期間限定套餐，再選啲加配菜式。
三文魚蜆肉味噌湯、三文魚味噌湯 +$6前者喺期間限定套餐包咗，後者喺我嘅便當加配，只加$6，絕對試得過。不過，都幾得意，唔喺用慣見日式嘅湯碗盛上，而喺有似啲西式嘅小煮鍋。個味噌湯做得唔錯呀，鹹香適中，濃而不濁，裡面有唔少油潤嘅三文魚同肥厚嘅蜆肉，仲有昆布，好足料。
沖繩便當 $100佢哋有太多便當款式，好幾款都算喺心水選擇，最後見呢款「沖繩便當」喺人氣之一，就試試看。奉到上枱，真喺好大份、好豐富，包咗吉列千層芝心豬扒、汁燒金菇牛肉卷、刺身（三文魚、帶子、甜蝦）、味附螺肉；掃二維碼時候，就見到除咖喱飯之外，仲可以改配拉麵或烏冬，好有彈性。
味附螺肉就過吓口癒，而3款刺身唔算話好特別嘅款式，但勝在夠鮮甜，質素不賴喎；再試吓啲金菇牛肉卷，捲得緊致，但咬落牛肉嫩滑，金菇爽口，至於件吉列千層芝心豬扒喺將豬肉片捲住芝士做成吉列，外層超香脆，裡面就一層一層豬肉同半溶嘅芝士，非常好食，加上日式咖喱帶點甜味，配飯就喺啱晒我口味。
濃厚豚骨魚介拉麵套餐 $118另一個拉麵套餐喺期間限定款式，包咗個味噌湯同福岡綿綿芝士蛋糕，主食就喺濃厚豚骨魚介拉麵配蒜香牛油燒帶子及蒜香牛油燒珍寶皇帝蟹棒，無論碗拉麵，抑或啲帶子，真喺交足貨，性價比高。
先講條蟹棒，煎得香口，陣又有啲彈牙感，食得出唔喺啲溝粉平價貨，而帶子甚富牛油香，肉質爽口，仲有成4大粒，正呀喂；拉麵個湯底好香濃，又有陣陣魚鮮味，加上唔會太漿，好合我哋口味，拉麵咬落有韌性，又掛湯，仲伴有唔少配料，隻溏心蛋更做到恰到好處，蛋黃香凝，講真，淨食碗拉麵都覺得正。
荔枝蜂蜜鴨屎香茶 +$12老婆就向來唔好飲嘢，所以，只有小弟加配一杯果茶。睇落平平無奇，實際飲落好有荔枝嘅清甜香味，加了蜂蜜令甜味自然，個茶底亦頗為醇香。
琦玉縣忌廉卷蛋 +$16、布朗尼朱古力一口蛋糕 +$18、福岡綿綿芝士蛋糕拉麵套餐包咗一客芝士蛋糕，而見啲甜品加配價又唔算貴，一時甜品癮爆發，就加配多兩款甜品，自製甜品拼盤，哈哈！
3款甜品中，琦玉縣忌廉卷蛋比較無咁搶眼，其實個海綿蛋糕都做得鬆軟有彈力，啲忌廉打得細滑不膩，喺相對嚟講無咁亮點。
老婆一向好鍾意食黑朱古力，呢款布朗尼朱古力一口蛋糕就合晒佢心意，結實嘅口感，加埋超濃郁嘅朱古力，質素絕對高。
日式芝士蛋糕向來甚有客路，眼前嘅福岡綿綿芝士蛋糕亦做得相當有水準，口感挺身，綿密細膩，芝士味夠晒濃郁，掂喎！
真喺食嘢好講個人口味，老友話唔好食，但試過兩款唔同類別嘅主食、幾款甜品，真心一啲都唔差喎，製作認真，份量又足。卡位坐得舒服，定食選擇多又唔貴，真喺唔怕你諸多要求，加上招呼好，老婆就話有時間又落嚟試吓啲午市定食先！
個人評分
味道：9/10
環境：8/10
服務：9/10
抵食：9/10
平均每人消費：HK$135
味道：9/10
環境：8/10
服務：9/10
抵食：9/10
平均每人消費：HK$135
餐廳資料：
豬屋日本料理 Pig House Japanese Restaurant
地址：美孚蘭秀道3A號美孚新邨第五期地下N9號舖
電話：2833 5500
豬屋日本料理 Pig House Japanese Restaurant
地址：美孚蘭秀道3A號美孚新邨第五期地下N9號舖
電話：2833 5500
沒有留言:
發佈留言