金鳳大餐廳 Golden Phoenix Restaurant：「金」宵多滋味

近年有不少老字號都話結業，雖然各有原因，但都喺可惜，不過，亦有啲老字號越做越有，又喺趁老婆放「暑假」，一於嚟「金鳳」鋸吓扒。唔喺講微，「金鳳」越開越有，而且，都幾旺，好似今日周三晚，7:00pm嚟到竟然要等位，好彩等嘅張數唔多，好快有得入。

雖然喺老字號，但環境無話大玩懷舊，卻仍帶有一份復古風，並配以摩登啲嘅枱櫈。

大大本餐牌就無影出嚟，只影咗幾頁，當中頭一版幾特別，介紹店家所選用嘅部位同必食榜，個人最欣賞喺凍飲唔加錢，原來由創辦人嗰代到依家，都堅守呢份初心，真怪唔得獲咁多客人支持。

牛油餐包、餐湯
最叫人懷念就喺呢一款餐包，喺港式西餐廳嘅經典，包身非常之軟熟，搽上少少牛油都好好食。餐湯可以揀羅宋湯或忌廉湯，但羅宋湯喺店定嘅馳明菜，當然要試，味道酸香微辣，飲落好醒神，而且，有大量蔬菜，夠健康，好足料。

隨後就送上帶子牛柳餐同野菌西冷牛扒餐，淋上醬汁，滋滋咋咋聲喺咁響，最有儀式感就喺呢一刻，亦喺食鐵板扒餐嘅亮點。

帶子牛柳餐 $188

老婆向來嘅飲食都喺少肉多菜，今回就將鐵律放埋一邊先，揀咗招牌牛柳配帶子，一大堆頭，好吸晴，牛柳非常厚身，選上7乘，都確喺煎到差不多，而牛柳輕易就切得開，咬落軟腍，又幾有肉香，配黑椒汁，非常惹味；帶子亦都好大隻，口感彈牙，亦有鮮甜味，實在不賴。

野菌西冷牛扒餐 $175

小弟就想試試西冷牛扒，揀5乘，同樣喺大大份，相對上述嘅牛柳，西冷就薄身少少，油脂重啲，肉味唔錯，配蒜蓉汁當然一樣好食，配上大量野菌，野菌唔錯，頗有菌香；下面仲墊有大量曲紋薯條、粟米粒同翠玉瓜，不過，我就較喜歡薯條另碟上，唔使怕被啲汁整腍咗。

兩份扒餐真喺好足秤，食完非常之飽，再嘆嘆熱檸水、熱咖啡，外面雖然人多等位，但侍應招呼好之餘，亦唔會刻意有趕客嘅舉動，讓人有好嘅用餐體驗。

個人評分
味道：9/10
環境：8/10
服務：8/10
抵食：9/10
平均每人消費：HK$200

餐廳資料：
金鳳大餐廳 Golden Phoenix Restaurant
地址：荔枝角長順街15號D2 Place TWO 3樓312號舖
電話：3188 1970