鴻發餐廳：「蔥」動之選

住美孚有樣好，就喺交通方便，此外，行山亦好方便，可以直接由美孚行上去馬騮山，今次，上到石梨貝水塘，經小徑上華景山莊，再落番美孚，然而，回程專登兜過去麗瑤邨，因為想試吓晌麗瑤商場嘅茶記。之前晌疫情嚴重時行短山不時經過，當時見鋪內冷清，所以，打算復常少少就支持吓屋邨小店。晌呢度，其實有兩間茶記孖住：「鴻發餐廳」及「麗瑤餐廳」，揀前者純粹睇落環境好似好啲，無咁「立立亂」。

果酪道中 Gwo Lok Rd.C：「酪」在其中

早前睇過食友一篇食文，介紹呢一間主打果酪（鮮打生果+希臘乳酪）嘅小店，我都有少少興趣，不過，為一杯嘢飲，小弟又唔太想專登走過嚟。機會卒之嚟喇，今日就趁收工要過嚟上環攞番件快遞包果，就試一試友人推介嘅「完熟芒果奶奶」。

絆 Kizuna：搵食好伙「絆」

上次去到「嘉芙中心」嘅「二鍋頭」食任食火鍋，睇水牌見到樓上四樓有間日式餐廳，事後上網睇睇相關食評，感覺又幾唔錯喎。朋友有好多種，有啲只喺點頭之交，有啲就喺老死深交，今晚就同個老死一齊嚟試試，佢話好耐無食過日本嘢喇。

花墟茶餐廳 Garden Mark：「墟」有其表

完咗聚會，照舊同朋友落返太子食晏，本來打算翻兜「Victoria Restaurant」，但多人排，過去隔離嘅「花墟茶餐廳」，純粹貪方便。一心諗住茶記，都唔會差得去邊，加上睇落佢門面又幾光鮮，食個晏啫，無再太多考量就入咗去。

Apinara：午餐常「泰」

約咗位老死食晏，要佢專登過嚟港島區，所以，食好少少揀咗晌金鐘太古廣場嘅「Apinara」，主打正宗泰國菜，更喺連續多年獲選為泰國曼谷最佳食府，心諗夠穩陣，加上地點佢同我都就腳。

The FarmHouse 咖啡廳：「農」情厚意

除咗「宅渡假」之外，近幾年都好少食自助餐，都無話咩特別原因嘅，只喺咁啱少食咗而已。同老友興之所致，今晚一同嚟到北角嘅「The Farmhouse 」盡情食番晚。查實4年前都嚟過一次，對其印象唔錯，環境偌大，又有氣氛，食物選擇多，交通亦方便，離地鐵出口幾分鐘步程。

深仔記茶餐廳 Shan Chai Kee Restaurant：「深」水推介

今晚屋企無飯開，捉咗個老友陪小弟食番餐，兩個麻甩佬，都喺去茶記「浪漫」吓，之不過，老友對食都頗有要求，唔喺「求求其其」一間茶記佢都OK，想喺有啲特色，或有啲賣點，我話尖沙咀嘅「深仔記」啦，前「澳牛」大廚坐鎮，出名喺啲炒滑蛋，又有煲仔飯、懷舊鐵板餐。

二鍋頭：「無限」可能

上個月初食完旺角嘅「山見」，死佬話夠盡興，不過，又想話再下一城，所以，推介嚟尖沙咀嘅「二鍋頭」，同樣喺任飲任食，一般呢類放題式餐廳都喺限食個半鐘或兩個鐘，但喺呢度嘅亮點喺逢星期日至四，享用「特級極上和牛」套餐喺無時限，就算食飽飽都可以繼續坐吓、飲吓嘢、食吓雪糕，啱晒我哋呢啲磨爛蓆嘅死佬。

Salamat Café：休閒小區咖啡店

今日唔行山，改為出車，同老友由大埔起步，一直踩過去元朗，呢條線都踩過好幾次，基本上難唔到我哋，大概2.5小時就完成（單程）。校正時間嚟到元朗喺食午飯時間，因為踩住單車，搵食就要揀擇啲，專登過嚟朗屏，離地鐵站遠少少嘅「Salamat Café」，就喺方便我哋「泊車」兼睇實架車。

The Vigor：意外小驚喜

又喺星期三晚懶人買外賣系列，其實都無話系唔系列，只喺逢星期三老婆大半日有行程，費事大家辛苦，有時簡單煮粉麵，有時就索性唔煮啫！而今晚出開嚟太子，就晌太子搵檔嘢買外賣，睇見呢檔「The Vigor」鋪面貼滿晒食物相，幾吸引吓，又有啲特色，一於試一試，「Vigor」意思喺精力、活力，希望食完有氣有力，精神奕奕，哈哈！

喜聚燒 Happy Circle Q：今「燒」再重聚

疫情下，真喺影響咗好多老友間嘅聚會，自問防疫唔喺百分百嚴謹，但又絕對唔喺趟平，總之，謹慎行事，所以，暫時都只喺會同個別好熟嘅死黨食吓飯。今餐，就同啲好熟，又好耐好耐無聚過嘅死黨食番餐，今宵再重聚，選址尖沙咀喺就大家方便，揀「喜聚燒」食串燒，貪其可以慢慢食，慢慢傾。

金鶴拉麵 Kane Tsuru Ramen：「鶴」有所長

約咗個老友聚一聚食餐飯，地點由我揀，其實老友好易話為，食咩都無所謂，所以，就番回家方便嘅路線，揀咗「閩街」嘅「金鶴拉麵」，一來曾經食過，知道質素去到邊，唔怕害到老友食劣食，二來行5分鐘唔使就到柯士甸站，返到屋企口使15分鐘，超方便。

真味鮮廚 Tastefull Kitchen：「鮮」入為主

自從無再搞「死佬飯局」，就好耐無食過啲海鮮餐，最近，就有死佬移居楓葉國，所以，人少少點都要搞番一次海鮮餐，聚聚又好，餞行又好，總之幾個死佬搞個小局擦番餐。其中一位老死早前試過「真味」嘅蒸鍋餐，大讚交足貨，其他人都費事諗，就呢間啦。