大頭芋烘焙 Mrtaro Cooking Class：家傳「芋」曉

小弟本身唔喺芋頭控，但老婆就真哋好鍾意食，早前朋友公司有人離職，散水餅喺芋頭酥，佢話超好食，推薦俾我試試，喺開晌廠廈嘅「大頭芋烘焙」，睇番啲人嘅食評，原來已經開咗好幾年，真喺唔知有呢間隱世小店喎。

入到鋪內，原來喺一個教整餅中心，不過，就無入去「參觀」，只喺企晌近門口位睇睇。

晌牆上，就貼咗好多雜誌嘅介紹，如「90後女生創業」、「赴台拜師學製芋頭酥」、「港女小店創業」……等等，小弟都有學整包點、甜品，明白易學難精，但有志者事竟成，希望店主繼續努力，精益求精。

睇店名就知喺以芋頭作為種重點，除主打嘅芋頭酥，仲有啲芋頭波波球、蛋糕磚同蛋捲，此外，芋頭以外，亦有啲茶味嘅蛋捲及其他口味嘅毛巾捲。

雖然只喺小小兩個芋頭酥，包裝都好裝美，我晌網上都見佢哋有四個裝嘅盒裝。此外，店家都順便推廣吓一啲小型個體盒裝，話當散水餅又得，依家疫情持續，當喺小禮物俾朋友亦得。

原味芋頭酥 $17

芋頭酥都喺新鮮製作，不含防腐，所以，講到明存放於室溫需兩日內食用（放入雪櫃就可保存7日）。切開一睇，裡面都喺填滿芋泥，而芋泥味道粉香，唔會過甜，店家更教路以150°C烘10分鐘，所以，口感更軟綿幼滑，外層嘅酥皮就好鬆化。

話梅味芋頭酥 $20

紅色嘅喺加入話梅味道，入口芋泥同樣軟綿粉香，但就多咗一點點甜甜酸酸嘅話梅味，感覺喺幾得意嘅，都值得一試。

芋頭蛋糕磚 $80

可以講都唔平，但睇得到用料好十足，層芋泥非常厚身，攞上手亦好墜手。先講層蛋糕，口感綿密而鬆軟，帶微微濕潤，並好有回彈力，而且，蛋味超香濃；至於啲芋泥，如上面都講到，粉香綿滑，兩者夾埋一齊，真喺好食，仲幾飽肚添。

睇番佢啲媒體介紹，原來芋頭喺用上台灣大甲出產嘅水芋，貪其口感更綿滑，的確試過之後，佢啲芋泥確喺做得出色。

個人評分
味道：8/10
環境：7/10
服務：8/10
抵食：8/10
平均每人消費：HK$40

餐廳資料：
大頭芋烘焙 Mrtaro Cooking Class
荔枝角永康街29-33號兆威大廈6樓12室
5479 5191