餐牌嘅製作亦都催向簡單，並無加插食物圖片，但就會列明菜式嘅基本食材。稍稍介紹一下餐廳有咩食物供應，包括：沙律、前菜、薄餅、意大利麵、主菜、甜品、各款飲品……等等。
Fettuccine alla Amatriciana $128
晌落單時，店員特別講聲佢哋嘅意大利麵全部都喺手工麵，仲喺意大利做完空運過嚟，有別一包包硬身嘅乾麵條。細味之下，啲寬條麵唔止咬口煮到啱啱好，的而且確喺有陣陣蛋香；麵條內混有好多煙肉，而醬汁嘅蕃茄味突出，又帶有好多蕃茄肉，嗒落有點辣勁，鮮香鮮活，皆因加咗紅椒碎、芝士碎，就算簡單一道煙肉茄醬意粉，用上靚料一樣可以做得好出色。
Diavola $138
見佢餐廳嘅標誌用上薄餅圖案，相信薄餅應喺自信之作，所以，揀咁一款以蕃茄醬、沙樂美腸、莫沙里拉芝士及羅勒所做嘅薄餅。批底喺正宗餅乾底，師傅手勢好，搓出嚟嘅批底厚薄均一，入口鬆脆；而蕃茄醬、沙樂美腸、莫沙里拉芝平均鋪晌批面，每啖都食到所有食材，少少羅勒絲，令香味更有層次，食食吓，友人都話要搵手拎嚟食至過癮。
Fresh Fruit Tea $47
友人揀鮮果茶，睇餐牌喺熱飲嚟，但因為外間天口熱，店主問轉為凍好唔好，凍飲夠爽，仲好啦。以紅茶為茶底，加入百香果（熱情果）及西柚，茶底不俗，果香味突出，冰冰涼涼，飲落真喺幾爽。
Latte $32
小弟就晌食甜點時配杯鮮奶咖啡，諗住意大利餐廳，啲咖啡應該唔差，不過，睇到杯飲品送嚟，就知機沖貨色，唔會好得去邊。杯鮮奶咖啡，真喺好一般，唔喺話唔好飲，拉花就唔好講喇，攪勻入口都香濃嘅，但口感唔平均，只可以當喺一杯濃縮咖啡加咗啲奶泡而已。
Waffle with Gelato $58
餐廳無乜意大利特色嘅甜點，但店員推介佢哋嘅雪糕喺自家製，並有3款口味：朱古力、雜莓、雲呢嗱配開心果仁，所以，就不如配朱古力窩夫試吓。
雪糕揀咗雲呢嗱配開心果仁，雖然，球雪糕睇唔到有用雲呢嗱籽去做，但口感確喺頗柔滑，又富奶香，而且，裡面仲有好多開心果仁；相反，件窩夫就麻麻哋，質感有啲硬，朱古力味又唔濃。
呢度嘅環境比較輕鬆，意大利麵及薄餅均做得出色，只喺無試佢哋嘅海鮮，就唔知質素喺點，而且，店員嘅招呼殷勤有禮，不時問問我哋對食物嘅意見。唯仍有啲地方可以提升吓，如加多點前菜、甜品嘅選項，到時就拭目以待。
個人評分
味道：8/10
環境：7/10
服務：8/10
抵食：7/10
平均每人消費：HK$230
味道：8/10
環境：7/10
服務：8/10
抵食：7/10
平均每人消費：HK$230
餐廳資料：
Wooden House
北角電氣道183號友邦廣場地下18號舖
2536 9628
Wooden House
北角電氣道183號友邦廣場地下18號舖
2536 9628
沒有留言:
發佈留言