雖然鋪仔細細，細閱主餐牌，發覺選擇甚多，尤其啲飲品，頗有特色。主食以意大利麵為主（分海鮮、肉食及素食），但仲包括沙律、小食、三文治、漢堡、甜點……等等。
不過，都喺午餐最划算，15 款選擇，定價只喺$42-$78，包基本餐飲，不過，可以加錢轉配特飲，又可加錢配小食，定價一樣相宜。
如想食得豐富啲都無問題，餐牌後仲有款「午市意粉材料自由加配」選項，10多款材料，分唔同價錢，加多加少都由自己話事，極盡彈性。
香烤蜜糖芝士牛肉三文治 $78
由於填滿厚厚嘅鹹牛肉，所以，睇起嚟好有睇頭。其實，拆解番出嚟就喺西多士拼碎牛治嘅變奏，包身唔喺就咁方包，喺好似西多咁處理，再加上蜜糖，自然更香口；而內餡除咗有鹹牛肉，仲有半溶嘅芝士、蕃茄及生菜，味道豐富。唯食起嚟比較麻煩，因為啲碎牛肉一切就散開，如果搵手拎起嚟食，由於加咗蜜糖，會「黐立立」。
香煎牛柳配野菌紅酒汁 $69
因為唔知件牛柳嘅份量喺點，所以，就加意粉底（+$8），點知原來加底喺非常之多，而且，啲意粉煮得有水準，夠咬口，啲野菌紅酒汁滲埋落好，好食；表哥想食得豪啲，額外加原隻虎蝦（+38），爽就喺爽口，不過，呎吋唔算話好巨型，比一般大蝦大隻少少，所以，事後覺得嗌兩款小食仲性價比高喔！然而，啲牛柳做得幾好，燒得外層帶點焦脆，肉質軟腍，肉味香濃，唯把餐刀就唔喺好得，切起嚟唔喺好夠利。
紫薯奶蓋 +$18
表哥都喜歡試試啲新嘢，紫薯拼奶蓋嘅組合對佢嚟講絕對喺新嚐試，佢就覺得杯嘢好唔錯，頗有紫薯嘅香味。
芒果奶蓋 +$18
小弟本來想揀沙冰，但見有微咳，就改飲芒果奶蓋，奶蓋打得厚身綿蜜，個芒果汁底都幾清甜，拌勻啲奶蓋，有一絲絲幼滑。
卡布奇諾蛋糕 $42
本來想試試個提拉米蘇及朱古力脆脆蛋糕，但竟然此刻午市只得一款卡布奇諾蛋糕，退二求其次都試吓。賣相頗精緻，仲添加咗藍莓、食用玫瑰及唧上朱古力漿。整體味道確喺幾層次，中層啲咖啡慕絲好柔滑，唯啲海綿蛋糕卻喺有點乾，明顯喺隔夜貨色卻處存得唔好所致。
同表哥某程度都性格有啲似，都喺樂天知命，安於自己處境嘅人，既來之，則安之，所以，話題都幾投契。是日一齊輕輕鬆鬆食餐飯，簡簡單單，都可以樂在其中！
個人評分
味道：7/10
環境：7/10
服務：8/10
抵食：7/10
平均每人消費：HK$150
味道：7/10
環境：7/10
服務：8/10
抵食：7/10
平均每人消費：HK$150
餐廳資料：
洛煮意 Kaylaism
旺角亞皆老街65號新之城地下G20號舖
2323 2480
洛煮意 Kaylaism
旺角亞皆老街65號新之城地下G20號舖
2323 2480
沒有留言:
發佈留言