SENSU：歡樂時光又快過

難得麵包班同學仔Ivan兄話有間嘢想試，當然，要陪吓佢嘅，日期、時間定好，我就純粹配合吓啫。而佢想試嘅餐廳，就喺「五感六覺」（Gosango）其中一家酒吧餐廳「Sensu」。

TOWER535喺銅鑼灣新嘅飲食集中地，之前去過地庫嘅「素一」食素，相對今次到訪嘅「Sensu」，感覺好唔同，因為明顯喺走高檔嘅路線，先入眼簾嘅喺酒吧區，黑與金嘅配襯，非常型格。

另一邊，見到一排面向街景嘅高腳枱櫈，適合靜靜哋兩個人坐吓、飲吓嘢、傾吓偈。

再走入啲，就喺用餐區，設計非常時尚。以4人枱為主，無論喺唔喺梳化位，就算其他座椅，都好挨好坐。再者，柔和嘅燈光，高樓底，都營造出好舒適嘅空間。

據侍應介紹，佢哋喺一家提供歐日輕食嘅酒吧，所以，就連餐枱嘅擺設都一絲不苟，別緻嘅蠟燭燈，精緻嘅餐具，都予人賞心悅目之感。

既然喺酒吧，就先介紹飲品方面，酒類嘅選擇十分多，更不乏極具特色嘅雞尾酒，尤其一系列以歷史悠久、百年酒商「松本酒造」釀制嘅清酒嚟做雞尾酒，可謂劉伶之福，亦就正正喺老友嘅目標。

至於朋友想嚟試，都喺有少少目的嘅，一來佢都喜歡飲酒，二來依家晌7:30pm前落單飲杯嘢，就奉送一客「日山A5和牛迷你漢堡」。另外，若打算要飽肚嘅客人，亦有選擇，就喺佢哋推出咗一款「小食拼盤」，一客有9款小食，連一杯飲品。

松 $98

杯雞尾酒嘅成份從餐牌所知就喺咁喇：Matsumoto、Blue Flower、Vodka、Kyoho、Mint，由於杯下加咗啲乾冰，色澤紫紫藍藍，賣相就夠晒迷幻有個性。老實講，小弟無試，真喺講唔到喺點，然而，老友就大讚確喺幾特別，酒精度唔太高，但好醇厚，又帶點點巨峰提子清香，頗為順喉。

Late Autumn $88

小弟呢杯屬非酒精雞尾酒，以Strawberry、Grapefruit、Osmanthus syrup、Plum powder，更放上一片蘋果乾作裝飾，賣相同樣吸晴。整體味道算喺偏甜，但有陣陣桂花香，酸酸甜甜咁，帶有絲絲爽口感。

日山A5和牛迷你漢堡

雖然喺細細個嘅迷你版咋，都好足料，用心製作。漢堡送上時，侍應都特別介紹一下，唔單以國寶級日山A5和牛做，更用上法國芝士、秘製醬汁。包身烘得脆脆，牛肉入口堅爆晒汁，又充滿油香，喺食得出用料高質。

因為大家都會各自返歸食飯，所以，今次短聚就單純飲吓嘢，而個迷你漢堡正好墊墊肚。飲和食都嚐到其質素，而服務亦有星級酒店嘅級數，讓人稱心滿意。

個人評分
味道：8/10
環境：9/10
服務：9/10
抵食：7/10
平均每人消費：HK$105

餐廳資料：
SENSU
銅鑼灣謝斐道535號Tower 535 1樓
2885 0533