綠林三記甜品 Luk Lam Sam Kee Dessert：「林」時加映

同兩位老友晌耀東街嘅「金牌源記」食完晚飯後，大家都傾得意猶未盡，但又唔想太阻人做生意，故此，近近哋，臨時加映，就過咗去「綠林三記」食碗糖水。呢段飯市時間，幫襯「綠林三記」嘅客唔多，我哋又可以吹多陣。

環境唔多講，就喺一眼睇晒，一室紅紅黃黃，較港式糖水鋪嘅格局。

餐牌就一大張墊晌枱上嘅玻璃之下，選擇非常之多，但就唔喺有啲咩喺好有亮點嘢，就好似我哋所揀嘅，亦唔喺啲花巧款式，睇賣相亦喺平實普通。

椰汁紫糯米 $17

老友喜歡傳統啲嘅中式糖水，所以，揀咗個紫糯米，煲得夠晒火喉，所以，啲紫糯米咬落煙韌有咬口，而且，真材實材無欺場；再淋上大量椰汁作調和，令味道變得清甜香滑。

鮮蜜瓜豆腐花 $26

另一位老友就一心想着豆腐花，就晌豆花系列中揀咗呢一款配鮮蜜瓜嘅組合，不過，跟預期有好大落差，因為落咗超多椰奶喇，初時仲以為嚟錯咗添，而令個豆腐花偏甜，有啲畫蛇添足之感。但單講豆腐花，嫩滑有豆香，蜜瓜亦夠清甜，只喺衰過多嘅椰奶而已。

鮮芒果小丸子 $29

唔使多講，一句總結，勁多芒果粒呀，仲喺熟透超甜！比起西米撈，大大粒嘅小丸子更具咬口，軟精煙韌，配上大量嘅芒果汁底及芒果粒，簡單而好味，可以話得喺百食不厭。相對老友嘅豆腐花，我嘅小丸子絕對喺性價比高。

雖然，友人就唔太滿意個鮮蜜瓜豆腐花，之不過，大家都認為一餐飯，有個甜品作結，感覺都喺完整啲嘅。

個人評分
味道：7/10
環境：7/10
服務：7/10
抵食：8/10
平均每人消費：HK$29

餐廳資料：
綠林三記甜品 Luk Lam Sam Kee Dessert
深水埗元州街9號景業大廈地下
2776 8320