奇華餅家 Kee Wah Bakery：「乳」眾不同

晌眾多餅家、餅店中，「奇華」算得上喺一家非常進取嘅公司，因為每逢節日，均有新產品推出市場，令貪新鮮嘅香港人不時試到啲新口味。早前就喺睇到報紙一大版月餅廣告，覺得真喺配搭幾創新，乳酪搭奶皇，實在頗有趣。

草莓乳酪奶皇月 $178

包裝盒設計十分精簡，一粒粒鮮紅或淡紅嘅草莓圖案，就清爽表達出口味嘅款式。一盒內藏6個乳酪奶皇月，全獨立包裝，又可以作為下午茶嚟慢慢嘆。

月餅更以清晰嘅草莓作餅面圖案，烘得帶微微金黃，逢喺奶皇月，個人就喜歡稍微烘一下，每奶皇餡更綿滑細緻；外皮既薄且鬆化，入口唔單止有陣陣草莓香，餡內更混有草莓粒粒，食味不俗。

香橙乳酪奶皇月 $178

另一款喺香橙口味，同樣，包裝盒外觀設計簡約，簡簡單單嘅香橙圖案，加點水墨風嘅橙片，予人感覺清雅不俗氣。

單喺睇盒面，以為跟草莓 乳酪奶皇月口味一樣，只喺換咗味道而已，其他，呢一款嘅外皮更喺加入咗朱古力味道，配搭上香橙味嘅奶皇餡，一甜一酸相對立嘅味道，令香橙味顯得更突出，整體變得更具個性。

咁好味嘅迷你奶皇月當然要同屋企人分享啦，尤其款香橙乳酪奶皇月，有種與眾不同嘅感覺！喜歡試新嘢嘅朋友，有興趣都不妨一試吓。

個人評分
味道：9 /10
環境：- /10
服務：- /10
抵食：- /10
平均每人消費：HK$0（好友送贈）

餐廳資料：
奇華餅家 Kee Wah Bakery
灣仔皇后大道東188號地舖
2898 3662