日本牛奶公司：非全日嘅全日常餐

今日專登過嚟荃灣「千色店」買嘢，因為幾件家品都先後打柴，喺時候要換。完成任務，但行吓行吓都過埋食晏時間，所以，過咗嚟千色匯搵食，無嚟一排，都轉咗唔少餐廳。最後，見到間「日本牛奶公司」，日本九州雞蛋喺其亮點，老婆又喜歡食啲健康有質素嘢，就決定揀呢間。

Espresso Alchemy：意外「折」慶

老實講，小弟肚內半點墨水都無，所以，平常都好少逛書店，不過，一講到搞旅行，就自不然會走去書店睇睇有無合用又新嘅旅遊書。比較上，會較多去美麗華商場嘅「商務印」，貪其夠大，而且書種多，逛完書店，又自然要搵個地方食晚飯，就近近晌鄰鋪嘅「 Espresso Alchemy」處理是日晚飯。

牛繁 Gyushige：繁惱盡「燒」

近排相信大家都特別多嘢煩，以往可能煩嚟煩去都喺工作問題、屋企問題，但依家有可能煩着咩色衫出街、煩去咩區食飯安全啲……等等。小弟份人好簡單，既來之，則安之，無論晌咩境況，不怨天，不尤人，因為怨天怨地都解決唔到問題，自覺應把每件事都做足應有本份先。有人話食餐好嘅可以減吓壓，唔知有無科學根據，但食到啲好嘢，喺會開心啲，所以，今晚就拋低一切煩惱食餐好嘅。

美心 MX：偶有佳作

雖然小弟返中環工，但喺好少寫中環嘅午餐，亦好少寫「美心MX」。我同老婆間唔時都會幫襯「美心MX」，但就限於星期六去食早餐，所以，好少寫。今日，買外賣晌公司食，其實，可以講唔喺咩特別事，不過，「美心MX」出咗隻新嘢，又幾好食喎，比預期中好，故此，hea hea哋就寫番篇快餐晏仔。

Paper Stone Bakery：豈「紙」麵包咁簡單

「Paper Stone」，從未幫襯過嘅麵包店，喺友人介紹其新推出嘅「紅菜頭系列」麵包，所以，專登走過嚟睇睇。以麵包店而言，店內嘅地方算闊落，一邊喺餅櫃，一邊喺開放式工場，入到最深位置就喺擺放各式各樣麵包嘅地方。

My Day：陽光．海灘．「夏」午茶

夏日，總喺晌寧靜嘅環境下，懶洋洋咁嘅嘆一餐高級下午餐，感覺喺特別悠閒寫意。趁着暑假嘅尾聲，雖然，暑假對我哋嚟講意義唔大，但同老婆拍拖更享受吓，讓呢個暑假有多一點回憶。晌友人推介下，是日就嚟到美麗華廣場一期食四方嘅「May Day」試試其期間限定下午茶。

Chapter Two Bakery：軟歐新一章

「Chapter Two」喺老友推介嘅麵包店，點解？老友話店家所做嘅麵包喺無添加、無防腐，更用上靚料，如紐西蘭牛油、日本麵粉，每人新鮮製作嘅法式麵包。

1仔冰室 One's Cafe：孖「煲」兄弟

以往嚟呢頭食飯，都喺因為有事要到「大酒店」，之後，亦大多數都喺晌必嘉街搵食，漸漸發覺呢條小街已發展成為一街食街，食群3林立，啲食店多到近乎一家接一家。是晚，同友人嚟到「1仔冰室」，貪佢門面新淨，睇落好醒神，而且，望入去夠人氣，算喺值搏嘅指標嘛！

綠林三記甜品 Luk Lam Sam Kee Dessert：「林」時加映

同兩位老友晌耀東街嘅「金牌源記」食完晚飯後，大家都傾得意猶未盡，但又唔想太阻人做生意，故此，近近哋，臨時加映，就過咗去「綠林三記」食碗糖水。呢段飯市時間，幫襯「綠林三記」嘅客唔多，我哋又可以吹多陣。

金牌源記大排檔：歡樂「金」宵，啤啤佢！

冬菇亭、大牌檔呢一類民間食肆，絕對喺好多經歷過70、80年代嘅人集體回憶，更喺本土飲食傳奇，雖然，依家都仲有，但可謂賣少見少，加上一啲冬菇亭已經「現代化」，有裝修，有冷氣，都已經唔喺嗰啲要去捱吓熱嘅地方，而大牌檔亦有不少喺入鋪，比以往舒適好多。小弟晌石硤尾大，耀東街更喺求學時期嘅早餐飯堂，今晚搵嚟兩個街坊老友，聚聚舊，兼懷緬吓大牌檔風味。

咖啡空間 Coffee + Space：一個人嘅咖啡空間

認識「咖啡空間」都喺偶然嘅事，老實講，城市花園商場呢啲真喺屬於隱世商場，亦可以講喺街坊商場，唔喺附近嘅街坊應該都甚少走入去，因為除有少量食肆，其他都喺街坊店，如賣家品、補習社。

奇華餅家 Kee Wah Bakery：「乳」眾不同

晌眾多餅家、餅店中，「奇華」算得上喺一家非常進取嘅公司，因為每逢節日，均有新產品推出市場，令貪新鮮嘅香港人不時試到啲新口味。早前就喺睇到報紙一大版月餅廣告，覺得真喺配搭幾創新，乳酪搭奶皇，實在頗有趣。

8鍋臭臭鍋 8Pots HK：一鍋「豐」

近年，台式嘅一人火鍋好似雨後春筍咁，越開越多。多年前晌天后光顧過一家具質素嘅台式一人火鍋店「一鍋」（可惜已結業），回想嗰次應該喺第一次接觸呢類台式火鍋店。今晚到訪嘅「8鍋」，喺台灣過江龍，自然有一定嘅實力，嚟到門口，見咁多人排隊等安排，就知實力不凡啦。

SENSU：歡樂時光又快過

難得麵包班同學仔Ivan兄話有間嘢想試，當然，要陪吓佢嘅，日期、時間定好，我就純粹配合吓啫。而佢想試嘅餐廳，就喺「五感六覺」（Gosango）其中一家酒吧餐廳「Sensu」。

冚棒唥 ham6baang6laang6：藝．文青之選

有睇過小弟嘅食文都知，我一向好撐廣東話，雖然用書面語難我唔到，但廣東話真喺好傳神。初次從網上見到呢間小店嘅店名「冚棒唥」，尤其個英文名「ham6baang6laang6」，廣東話拼音，加埋聲韻，雖然外國人未必睇得明，但夠本土，我撐！未食已經覺得好正、好有貼地感，加上佢喺一家咖啡店，咁就啱晒我啦！

皇玥餅藝 Imperial Patisserie：流出經典

可能大家近期晌地鐵嘅燈箱成日都見到佢哋嘅廣告，最吸引到人喺兩位師傅嘅介紹，一位葉師傅，一位黎師傅。其實，早幾個月前都試過佢哋嘅蛋卷，而仲有大概一個月時間，就喺中秋，專誠走訪吓佢哋尖沙咀店鋪，睇睇有無啲應節新產品。

蜜庵本膳 Mitsuan Honzen：「蜜」超所值

初時單睇見餐廳嘅名字，有啲好玄、好禪嘅感覺，但姑勿論個名有無咩玄機，一睇都知喺日系餐廳。趁着每月第一個周日都會出開嚟尖沙咀，就同老婆入嚟食餐晏，撐撐枱腳，以美味嚟治癒心靈。

Uluru：「One」室黑白．下午茶

前後兩次到訪澳洲，兩次都喺自由行嘅，而對澳洲嘅印象都幾好。其實，澳洲仲有好多地方想去如黃金海岸、大堡礁、粉紅湖、烏魯魯，當中以烏魯魯感覺喺以自由行而言相對麻煩嘅，主因喺佢位處中部嘅沙漠區，交通比較無咁方便。雖然烏魯魯就唔知幾時喺真正成行，但嚟住灣仔嘅「烏魯魯」（Uluru）嘆個下午茶就唔喺難事。