Flamingo Bloom：無添加．小確杏

近年嘅中式茶飲店如雨後春運筍般，遍地開花，開到好似梗有一間喺左近。小弟就唔算太好茶飲，不過，偶爾都會飲番杯，尤其呢啲大熱天時嘅日子。近排天氣真喺濕濕熱熱，揸住杯冰凍茶飲，邊行邊飲，確喺不知幾爽，可以講喺晌黑板工作中，忙裡偷閒嘅一份小確幸。

呢日晏晝就見IFC新開咗間「Flamingo Bloom」，午飯時間真喺排滿人，曾晌其他分店試過佢哋嘅多果胎菊普洱、多果茉莉綠茶，印象中確喺唔錯。雖然呢一家只喺外賣店，無堂坐嘅位置，但側旁依然畫有大大幅熱帶雨林加火烈鳥俾人打卡。而茶飲嘅款式晌櫃枱上嘅顯示屏打出晒，一目了然，種類繁多。

金芒果 $43

見有一系列嘅Naked Zero Edition好似幾特別，喺以新鮮嘅生果聯乘杏仁奶，非常好奇會喺點，就揀咗以香芒、葡萄、杏奶打造嘅「金芒果」（Gold）。雖然賣到$43，但非常之大杯，色澤橙黃，入口好有芒果清甜香味，又滲出微微杏仁香，唔似得飲杏霜嗰種太搶嘅杏味，而且，質感較厚身，比較濃厚，好奶昔嘅感覺，講笑咁講，飲完可以好飽肚。

其實，Naked Zero Edition系列嘅飲品，唔喺淨解渴嘅嘢飲，仲可以講喺健康飲品，因為晌杯身嘅招紙就會發現佢既喺無糖、無咖啡因、無防腐，更喺100巴仙天然，再者，杏奶熱量低，含有豐富維他命及礦物質，可以講喺超級食物嘅一種。依家啲人吓吓都講健康，相信呢一款鮮果杏奶飲品應大有市場！

個人評分
味道：8/10
環境：7/10
服務：7/10
抵食：7/10
平均每人消費：HK$43

餐廳資料：
Flamingo Bloom
中環港景街1號國際金融中心1樓1032號舖
8300 8034