小火焰韓式咖啡餐廳 Aidan Café：絕佳體「焰」

今周六就唔行山，改咗同老友踩車，因為天氣開始熱番，所以，唔好太搏，輕鬆啲，由太和一直踩去大圍，咁樣無咁辛苦。嚟到大圍，午飯時段過咗，搵食都無咁多人，老友話搵間餐廳好坐啲，打打躉，抖一抖。即時晌網上搜查吓，搵到呢間「小火焰」，來好耐無食過韓國嘢，二來見佢嘅風評不俗，幾多好評，應該值搏率高。

The Bottle & Chicken：「雞」不可失

疫情總算緩和多咗，所以，都放心出嚟人多車多嘅旺角，打算利用啲消費券買番對「免費」波鞋，當然先行一行「波鞋街」睇睇款先啦。咁耐無出嚟，受疫情影響，真哋見到好多吉鋪，就晌洗衣街一段，見到吉鋪堆中有呢一家小店「The Bottle and Chicken」，所以，就支持吓小店撐吓場。

而打淥滷汁拌粉 E-bittern：台式美味軟着「淥」

又喺疫情下嘅外賣系列，今次就過到嚟青衣城呢頭，自從青衣城嘅UA結業，已好一段時間無過嚟青衣城，今晚過開嚟，就順道買外賣返屋企食。穿過二期商場，見到呢家「而打淥」，除咗個名夠抵死之外，令我想番起多年前晌墾丁大街時所食嘅台式滷水嘢。

果子 Life Cafe：不「膩」之材

第五波前都有同大埔老友踩吓單車，之後，就當然要暫緩吓啦，直到最近，疫情落咗好多，單車就仲未踩住，不過，就行轉短山。既然就大埔老友，就行番嗰邊，並專登晏少少起步，行完食午餐都可以避咗個高峰時段。老友帶路，推介呢一家主打星馬菜小店「果子」，見人話風評不俗。 

香港人冰室 HongKongers' Cafe：鮮油多夠「港」究

做完運動之後嘅最佳後續，就喺嘆個下午茶先散水，雖然小弟對長沙灣呢區都唔太陌生，不過，今次嘆下午茶嘅地點「香港人冰室」就喺由老友引路，位處後街嘅順寧道，比較閒靜。

Baker Talent 新加坡麵包達人：有緣再見「麵」

講開「麗閣商場」，以屋邨商場嚟講，佢真喺幾幾有型，以組裝貨櫃嘅概念打做，為「麗閣」呢個老屋邨添咗唔少活力。事緣到長沙灣政府合署搞完文件，揀咗過嚟長沙灣站搭地鐵，見到呢個商場就打打卡。

動茶 Auto-Tea：動口不動手

無人駕駛、無人機、無人商店……依家好興無人乜乜乜,，早前經過「麗新商業中心」偶然見到呢一部無人台式飲品機，唔喺賣罐裝汽水嗰啲，而真喺落單後，即點即製，由機械代勞，做出台式手搖飲品，見幾過癮，又唔喺貴，買兩杯試試。

OK便利店：OK = OK

有次同老婆晌屋企附近行完轉短山上石梨貝水塘，之後入咗Circle K打個轉，初頭諗住買啲嘢飲吓就算，再返屋企煮嘢食，但發現有啲即買即食嘅薄餅，咁就改改策略速食薄餅。

小胖台灣便當：「胖」軍突起

哈哈，星期三晚嘅外賣系列又嚟喇，今次跳得遠少少，入到沙田區搵食，近排聽相熟嘅沙田友提及呢一家「小胖」，性價比高，所以，趁住過到嚟就會一會佢。

壹滋味：「壹」般滋味

紅磡，算喺少嚟嘅區域，但嚟親大多數都喺出席喪禮，今次亦唔例外，送友人爸爸一程。藉今次機會，事前約番個友好聚一聚，揀晌附近嘅茶記食個下午茶，兼傾吓近況，因為疫情下，大家都少咗出嚟。由於志不在食，所以，都喺隨意搵間茶記，揀「壹滋味」純粹望入去人唔多。

大家樂 Café de Coral：「翼」來順受

晌屋企附近呢一家「大家樂」最常嚟嘅時間喺星期六嚟食早餐，下午茶就相對少。同朋友行完山，本身就食過下午茶，老婆就即興話都想食番個下午茶，所以，返到嚟美孚時幫佢上「大家樂」睇睇。

天魔 Fusion Food Lab：「魔」登美味

老友成日問我幾時帶佢行吓新界西呢邊啲山，都講咗好多次，所以，今日就一早出發，由元朗嘅黃泥墩，行到去屯門嘅掃管笏，貪一早少啲人，始終每日新增都仲喺數以千計，全程大概兩個鐘左右，唔難行，好輕鬆吓。最後，返點屯門市中心，都要食晏嘅，又喺趁早啲，無咁多人流，揀咗V City一田超市內嘅「天魔」，位置少少僻，啱我哋夠靜侷。

INN - I’m Not Nothing：寧靜午餐

由於工作關係，今日到訪荔枝角一家長者服務中心，事後都要搵餐晏仔，所以，過嚟工廠區一帶，先兜個圈，等過咗放飯嘅高峰時段。最後，嚟到「億利」嘅「INN - I’m Not Nothing」，一來廠廈啲樓上鋪無咁多人，二來年多前錯到訪過，知道其有番咁上下水準。