黃金小館：分「金」同味

近排市況好番好多，大家都多咗出嚟活動、行街，雖然，每日新增確診數字都喺高位橫行，但無阻大家消費，小弟都多咗出嚟買吓嘢，無他嘅，要清一清呢消費券嘛！今晚同老友短聚，佢話好耐無食過點心，就平平嚟，嚟到深水埗嘅「黃金小館」試試，睇佢風評不俗，價位又唔高，位處平民區，我哋兩個麻甩佬又食得夠自在。 

東海堂 Arome Bakery：生日禮「蜜」

美孚地鐵內嘅「東海堂」不時都仲有幫襯，不過，就好耐無寫過食評，最近，就因為屋企人搞咗個人少少嘅飯局，三幾個屋企人約埋自家煮，而飯後甜品由小弟老婆負責，順道慶祝埋阿姨仔生日，最終，就喺揀咗「東海堂」嘅出品，心諗夠穩陣。

翠河餐廳 Green River Restaurant：行山後嘅樂「翠」

正所謂放假先嚟打風，行山先嚟落雨，今日約咗啲朋友由城門水塘起步，經下城門水塘落到大圍。朝早啲天氣都OK，但起步無耐，就起變化，好彩都喺灑幾陣大雨，好快又收番，只喺少少影響行程。到達大圍後，由「沙田友」帶我哋嚟到美林嘅「翠河」食個下午茶補補體力。 

炯記餐室 Gwing Kee Restaurant：「油」然自得

都好耐無約表哥聚一聚，所以，趁今日假期就約咗佢食餐晏晝，地點就番佢晌長沙灣一帶。早前睇過食友對「炯記餐室」嘅分享，主打喺招牌鵝油撈麵，覺得既有特色，又唔算貴，所以，就定晌嚟「炯記」。

Coti：閒逸咖啡小店

星期六又喺行山日，其實有少少即興，因為之前睇天文台預測話今日朝早有雷暴，午後間中有陽光，但一朝起身就已經陽光普照，萬里無雲咁款，所以，立即睇吓有無老友有興趣行山，結果，就約好舊同學，簡單行一轉「元荃古道」，由荃灣行到深井。起步前，就不如約埋食番餐晏仔先起步，唔想太普通，就揀咗荃灣「嘉達環球中心」嘅Coti，方便食完行上去起步點。

傅記茶餐廳 Fu Kee Restaurant：不「傅」眾望

之前一篇食文講到同舊同學見天氣好轉，即興簡單行一轉「元荃古道」，由荃灣行到深井，起步前就問荃灣食個晏，行完出身大汗，就晌深井食個下午茶。今次就揀番晌出面大街嗰幾檔，最後選上「傅記」，無特別原因，隨心而已。

點心到 Dim Sum Here：「心」得我心

依家飲茶食點心梗喺無時間限制啦，梗一包晌屋企，再唔喺，便利店大把即食點心，當然，想有質素少少，梗喺去啲點心專門店啦，況且，依家真喺開到梗有一間晌左近。近來疫情叫緩和咗，但都未喺可以掉以輕心，故此約食飯都只喺約番啲相熟嘅老友。今回同友人嚟到「點心到」飲餐夜茶，仲揀早少少避咗晚市，快上快落食完就閃。

耘：「耘」合午餐

潮式嘅皺皮石磨手刮腸粉早排如雨後春筍般興咗一輪，後尾股熱潮無咁勁，但都見不時有新店開張。今日幫襯嘅「耘」，就唔喺新開張，不過，隱身於利源東街呢條橫巷仔，一直都無為意。到最近有食友推介，所以，先至試吓試吓。

澳洲仔 Foodporn：「墨」有所值

早前晌「葵廣」買外賣，無意中就留意到呢一家主打賣墨西哥食物嘅「澳洲仔」（唔知點解唔喺墨西哥仔？），墨西哥嘅餡餅（Taco）一向都幾啱口味，過往都到訪過好幾間墨西哥餐廳，雖則唔多，但都一定會點餡餅，所以，趁今次又過開嚟「新都會」，故就晌「澳洲仔」度買外賣拎返屋企食。

羅東肉焿番：「芋芋」餸

之前老婆試過台式嘅芋泥吐司，就大讚好食，有機會都想再試吓，無問題，開聲叫到，咁啱今次入到去元朗一帶行山，就可以趁行完可以順道晌元朗嘅「羅東肉焿番」買外賣，當埋晚餐，點知有呢間嘢？咪就喺之前所試芋泥吐司嘅「你妳」時，店員介紹佢哋仲有家「姊妹店」晌元朗，即喺「羅東肉焿番」嘞。

吉祥冰室：各有所「祥」

行咗幾次近市區啲嘅山，今回入嚟新界西行吓啲中長途嘅，由掃管笏起步，經千島湖，再經黃泥墩水塘落番去大棠村，最後坐番K車出朗屏。嚟到朗屏，差唔多5:00pm，最後搵個舒服嘅地方抖抖，嘆番個下午茶就最好不過。我哋就好隨心，見到呢間「吉祥冰室 」就入咗去，近地鐵站，純粹就腳。

PHI Coffee & Pancake：製作手勢無生「梳」

上年年尾咁啱舊同學約食午餐，就相中當時晌中環新開嘅「PHI Coffee & Pancake」，印象幾唔錯，反而，家住美孚，「PHI Coffee & Pancake」美孚店卻開咗好耐都未有走訪過，今日就同朋友嚟試一試。

The Bottle & Steak：一解「肉」望

最近有朋友到過西環一帶嘅壁畫打卡影相，無意中發現呢一間主打扒類及手工啤嘅小店「The Bottle & Steak」，佢話氣氛唔錯，定價又相宜，難得連加一都唔收，搞到我都心郁郁。雖然啤酒小弟就唔多好，不過，鋸扒就對啱喜好，故此，相約同樣喺食肉獸嘅老死，兩個麻甩佬聚一聚，就算唔把酒，一樣可以談歡。