零食大王 Lingsik King：梗有一包晌左近

近年收到唔少食友餽贈，都喺零食居多，搞到無論晌公司定屋企，啲零食梗有一包晌左近。其實每星期睇飲食雜誌，都有唔少新推出雲食介紹，就連兼賣零食嘅店舖越開越多。最近，收到一間新開嘅零食網購店「零食大王」（www.lingsik.com）寄嚟兩款零食試食，又可以跟同事、家人分嚐。

高邦帆船朱古力餅 $11.50（原價$13）

一盒有12粒，有別一般朱古力夾心餅，而喺上層印有帆船公仔嘅牛奶朱古力，下層則有少少似麥維他消化餅質感嘅餅乾。如果你食過麥維他朱古力消化餅，大抵兩者嘅味道同口感都相差無幾，所以，加杯紅茶，當個輕巧下午茶都可以。

松尾日本年糕大福朱古力 $12

一包有9粒，初時睇個名覺得好古怪，年糕？朱古力？點夾呀！再睇睇包裝嘅示範相，概略估到喺點。外層喺大福朱古力，嗒落有陣大福餅嘅味道，即喺好似麻糬嗰陣味，而內裡包住嘅軟糕，煙煙韌韌，真喺同日本年糕好像真。依個年糕大福朱古力食落較有驚喜！

再翻一翻佢哋個網頁，真喺產品眾多，人多可以訂個零食Yummy Box，內藏10數款零食，搞派對大派用場；人少少，散訂亦非常多選擇，日本、韓國、本地、懷舊都有。輸入優惠代碼仲平多8%，滿$100又有免費送貨，真喺唔使「梗有一間晌左近」，都能夠「梗有一包晌左近」！

個人評分

味道：7/10
環境：N/A
服務：N/A
抵食：7/10
平均每人消費：HK$0（試食邀請）

餐廳資料：
零食大王 Lingsik King Limited
深水埗基隆街278號閣樓
5119 4394