品樂冰室：我的星期六美孚早餐 ~ 早餐無「樂」差

呢間茶記「品樂冰室」喺美孚開咗好一段日子，曾經食過一次下午茶，不過，印象一般般，但聽 啲街坊老死話佢啲嘢幾唔錯，咁都隔咗好一段日子，再嚟試試佢哋嘅早餐睇吓喺點。今早就趁天氣唔錯同老婆嚟食個早餐之後，帶佢挑戰下由美孚上馬騮山，再行到去城門，落番大窩口離開，全程用咗3個幾鐘，都算快。

聚鳥亭：火鍋新秩「聚」

睇返啲食評原來對上一次同老友食火鍋已經喺上年8月嘅事，今晚趁高興同兩位相識數十載嘅死佬聚一聚，搞個死佬小飯局，選址就番大家方便嚟到尖沙咀樓上舖嘅「聚鳥亭」，聽個名以為喺居酒屋，其實主力喺做火鍋架，哈哈，不過，又滲入啲日式元素晌火鍋中，火鍋新秩序。

和道屋 Wado Izakaya：和味「道」航

宮崎駿嘅動畫可以講喺陪伴我哋長大，我個人就較喜歡佢早期嘅作品，例如：「天空之城」、「風之谷」，至於「千與千尋」都覺得喺一齣幾特別嘅作品。最近偶然睇到食友晌「和道屋」嘅食評，見到竟然有個1:1嘅「無面男」坐鎮，加上餐廳嘅裝修和風感十足，絕對可以嚟一趟偽日本之旅美食篇。

一起食堂 Eat Together：皆大歡「起」

老婆呢個禮拜有啲忙，所以，今晚唔好煮，做晚「無飯」夫婦，一於晌街食，走到過嚟灣仔先知「一起食堂」晌呢邊都有分店。大概一年前食過中環店，覺得價錢親民，食物質素又唔錯，所以，今晚翻兜，試試灣仔店。

叙苑粉麵茶餐廳：「叙」首一堂

因為要過嚟「鑽石山殯儀館」出席喪禮，而喪禮 就正正晌中午舉行，喺簡單嘅告別儀式，完咗之後同個朋友順向鑽石山方向落去，大家對食無乜太多要求，純粹就腳，就嚟咗呢間「敍苑粉麵茶餐廳」食個晏。

牛響度麵館：食牛，晌呢度！

雖然家下時興北上，去下啲批發式巨型超市，但喺我哋都唔喺咩購物控，更加唔會大批 入貨咁買嘢，反而老婆就比較鍾意行吓Aeon，既然咁就順便食埋晚飯先返歸啦，因為Aeon裡面有個美食廣場，有唔少選擇。最後揀咗「牛響度」，貪佢有款熱拌嘅刀削麵。

金城茶餐廳 Kam Shing Restaurant：「城」意有限

趁假期無乜細藝，約咗老死「洪哥」行山，因為得我哋兩個，所以點行都得，就晌美孚出發，經中山台上馬騮山，再駁住奕信徑行到去城門，再落下城門水塘直剷到大圍，我哋都算行得快，唔使3個半鐘。而去到大圍就喺佢嘅主場，就帶我嚟到「金城茶餐廳」食佢嘅招牌嘢。

南豐餐廳 Nam Fung Restaurant：我的星期六美孚早餐 ~ 搵食有「豐」險

好耐無寫過呢個系列喇，因為都無乜新嘢試到，嚟嚟去去都喺食番嗰幾間。最近晌屋企附近「盈暉臺」個商場就新開多一間「南豐餐廳」，所以新屎坑專登落嚟幫襯寫返篇早餐食評。其實呢個場越做越「dup」，尤其食肆，連大快活都做唔住，依家剩番一間茶記「雲石堡」。

Ha Noi越南菜：定價「越」目

重慶大廈俾人嘅印象就南亞、印度人嘅大熔爐，不過，原來側邊地庫層卻有個大反轉，變成一個好新簇嘅商場「慶坊」，裡面開咗好多唔同特色嘅餐廳。半個月前先同老婆短短地自由行去咗一轉越南芽莊，感覺非常之好，今晚嚟到「Ha Noi」再重溫越式湯河撈檬嘅「味」力。

萬麗咖啡室 Cafe Renaissance：西班牙「豐」情

舊年就到訪過「萬麗咖啡室」，睇番啲食評，原來剛好一年前嘅事，當時就為通番關嚟食餐好嘅。今次見到餐廳做緊西班牙主題，頗有特色，又做緊啲優惠，所以，同老友嚟嘆番吓。

Homeland：「Home」有成竹

都好耐無同老死發哥出嚟食飯聚舊，就啱佢抱恙初癒，話點都要食番餐好嘅嚟安慰下自己，所以 ，揀咗過嚟「荃灣廣場」嘅「Homeland」，因為住晌荃灣嘅在地老友推介，故對餐廳吧嘅質素胸有成竹，加上出咗個薄餅二人套餐非常抵食。

銀龍冰室 Ngan Lung Cafe：早鳥晚飯

趁天氣唔錯，同老婆行咗轉短山，美孚起步就咁上馬騮山，終點就落番石籬一帶，嚟到石籬商場，見到「銀龍冰室」仲有下午茶餐（供應到6:30pm），就食個早鳥晚飯先。

窩子 WoZi：窩心推介

都好一段時間無入嚟新蒲崗食嘢，依家我哋搭屯馬線過嚟真喺超方便，啟德站直入商場Airside，再穿兩條天橋就過到嚟新蒲崗。今晚嚟到「窩子」，純粹帶老婆試吓佢哋嘅「三重朱古力麻糬窩夫」，呢次喺以目標為本。