大小姐冰室 Missy Cafe：美「尾」精選一人餐

過親嚟炮台山、北角一帶，都喺換禮品，咁啱今晚老婆自己有飯局，一支公快靚正之選，就梗喺茶記啦。記得早前睇過食友嘅食評，介紹過一家就晌炮台山站對面嘅「大小姐冰室」，大讚其小炒幾出色，所以，趁機食埋個晚飯先返屋企。

素年 The Park by Years：細「素」滋味

老婆生日飯，最頭痛喺搵啲啱去食嘅餐廳，其實 佢對食嘅要求唔太高，唔需要好貴好奢華，但最緊要喺合佢心水、啱佢口味，由於佢喺偏素，所以範圍喺收窄咗少少，不過出面好多素食餐廳水準參差，搵吓搵吓，以前曾經講過話試「素年」，但隔咗數年都未幫襯過「素年」，今晚卒之嚟一試。

肯德基家鄉雞 (KFC) Kentucky Fried Chicken：我的星期六美孚早餐 – 製作算誠「肯」

又喺趁星期六無乜特別嘢搞，兩公婆就一於食完個早餐上馬騮山行轉短山，兜一兜九龍接收水塘、石梨貝水塘，再穿埋九龍水塘落返美孚。本來過到嚟曼克頓山想食「意樂」嘅，但睇見KFC門口嘅早餐介紹，個豐盛全餐頗吸引，所以轉場。

KAAZI Restaurant & Bar：「非」常午餐

非洲菜好少接觸，今日同舊同學食晏聚舊，就好奇地揀咗一間賣南非菜嘅餐廳「KAAZI」， 小店位處「蘇豪」，所以，食晏時間過嚟人流唔算多，可以讓我哋舒舒服服傾下偈、懷緬吓舊事，又講吓將來。

茴香 Fennel：值「茴」票價

啱啱去完一趟遠行返嚟，都喺覺得香港食嘢選擇多，質素又高，價錢又相對划算，所以，趁今晚約咗表哥出嚟聚一聚，食飯之餘，順便俾啲手信佢，更加食番餐好嘅。在網上搜尋就搵到呢間主打泰式加西式嘅樓上餐廳「茴香」，加上見佢有唔少好評，覺得喺穩陣之選。

汝記牛雜魚蛋粉麵 YU KEI CHIU CHOW NOODLES：午餐奇「汝」記

又喺完咗聚會，同老友搵地方食晏，而今次老友話有間新店開張無耐，不如試試，睇個店名你就知主打喺牛雜、魚蛋嘅粉麵店啦。

一粥麵 Super Super Congee & Noodle：大滿「粥」下午茶餐

今日天氣唔喺好穩定，但見又唔喺太差，趁仲未有雨，一支公快閃行轉短山由美孚直踩上馬騮山 ，兜兜九龍接收水塘同石梨貝水塘，再返落美孚。啱啱校正下午茶時間，梗喺食番個抵食嘅下午茶餐啦。耐無食粥麵，所以，過咗嚟「一粥麵」食個超值嘅粥麵下午茶餐。

拾味山西刀削麵館 Shi Wei：「拾」拿九穩刀削麵

難得有位老死約食飯喎，當然出嚟啦，不過，佢放工有少少唔定時，地點就梗喺要就佢啦，所以，今晚就過咗嚟灣仔。因為同呢位老死久唔久都見吓面，所以，今晚就純粹食餐飯，搵間經濟實惠嘅小店，喺網上搵到呢間「拾味山西刀削麵館」，諗住十拿九穩。

蘇山雞飯 Susan chicken rice：滋味盡「蘇」

以前因緣有合作嘅機構同事，無見幾年，原來已經轉咗工，雖然跑道一樣，但比以往輕鬆咗。相約出嚟聚一聚，再詳細講吓近況，兼聽吓佢嘅旅遊經歷。相約一個中間點，太子就最合適，搵一搵就「蘇山雞飯」，因為一來幾鍾意食馬拉嘢，二來舊年年尾曾到訪過其長沙灣店，覺得好唔錯。

Supergiant Social Dining & Cocktail Bar：「酒」出新天地

過去三年嘅疫情，有啲餐廳捱唔住無奈結業，有啲餐廳就選擇休業，養精蓄銳，到復常時候東山再起，而今晚同朋友到訪嘅「Supergiant Social Dining & Cocktail Bar」屬後者，更推出一系列新菜式及雞尾酒，確喺幾令人期待。

M Square：寫意無限

近來熱話就喺港人北上消費，小弟就比較少北上，反而喜歡晌香港郊區四周走走，今日就「東闖」過到嚟西貢探索一吓，最後，嚟到「WM Hotel」內以Sports & Grill為主題嘅餐廳「M Square」，食埋餐飯先打道回府。

小越廚 Le Saigon Cuisine：討人喜「越」

一向都鐘意支持吓小店，今晚同位家住荃灣嘅好弟兄落到嚟「小越廚」食餐便飯，唔喺講笑，雖然店家位處周圍都有唔少車房、五金嘅享和街，但一樣好夠人氣，我哋都要等10min先有枱。

長阪燒 Nagasakayaki：和味無欺「長」

表哥就嚟出發去旅行，趁佢出發前專登約佢食番餐日本嘢。近期嘅話題不外乎喺「福島」核污水，講笑咁講，今次真喺「福」水難收。海產類可能會食少啲，甚至停一段時間先，都喺觀望住發展，但其他食材就唔喺太擔心，所以，今晚嚟到「長阪燒」就趁倒水前盡興。