一粥麵 Super Super Congee & Noodle：大滿「粥」下午茶餐

今日天氣唔喺好穩定，但見又唔喺太差，趁仲未有雨，一支公快閃行轉短山由美孚直踩上馬騮山 ，兜兜九龍接收水塘同石梨貝水塘，再返落美孚。啱啱校正下午茶時間，梗喺食番個抵食嘅下午茶餐啦。耐無食粥麵，所以，過咗嚟「一粥麵」食個超值嘅粥麵下午茶餐。

呢間「一粥麵」個舖位幾大，樓底亦算高，淺木色系，啲座位安排得亦都唔密，以快餐店嚟講，可以講好好坐，比起同區嘅粥麵店「海皇」、「怡園」都好好多，所以，你見有咁多客仔。

兒如同大部分快餐店，有啲咩選擇都喺晒收銀旁嘅電子顯示板，除咗搵收銀落單之外，仲可以自己喺另一邊嘅自助點餐機度撳撳撳。

至著數粥餐 $30

呢個餐真喺抵到無朋友，一碗細嘅皮蛋瘦肉粥加個豉油王炒麵，仲配埋啡茶，都只喺$30，話細碗裝咋，其實一啲都唔喺少架，撈兩嘢，裡面勁多料囉，真喺童叟無欺，粥底亦好夠綿；炒麵都OK，炒得均勻，啲麵都爽身嘅，亦唔太油，喺微微偏鹹。至於杯奶茶，更喺唔及茶記好啦，但又唔差嘅，夠晒過過口癮囉，哈哈。

其實「一粥麵」唔淨只賣粥麵，仲有其他嘢，佢哋嘅巨型炸脾就睇落幾吸引，下次有機會都想試試。

個人評分
味道：8/10
環境：7/10
服務：7/10
抵食：10/10
平均每人消費：HK$30

餐廳資料：
一粥麵 Super Super Congee & Noodle
地址：美孚寶輪街1號曼坊地下G08號舖
電話：Nil