奇華餅家 Kee Wah Bakery：好友狂嚐曲（54）

一向都以為「奇華」啲中式嫁喜禮盒都喺啲傳統嫁喜禮餅，如紅綾蓮蓉酥、黃綾荳蓉酥、白綾五仁酥、五彩皮蛋酥……等等，若非朋友送小弟一盒「熊貓嫁喜禮盒」（$88），真喺唔知佢哋嘅嫁喜禮餅「西化」咗咁多。以招牌熊貓做主角，戴上傳統中式婚嫁配飾，扮相卻趣致可愛，卻不失體面。

打開包裝盒，內裡基本上可以話包括咗5款餅食，分別喺熊貓曲奇、蝴蝶酥、牛油曲奇、合桃咖啡趣寶及椰絲蛋白曲奇。每一款都獨立包裝，衛生乾淨。佢咃嘅蝴蝶酥曾晌以前嘅食評分享過，甚具質素，亦喺店方熱賣產品之一，所以，今次就唔多介紹。

熊貓曲奇

其實，熊貓曲奇以前都試過，不過，今次喺舊款朱古力味以外嘅新品「草莓味」，繼續以超萌嘅熊貓造型為賣點，粉紅色令熊貓更可愛，曲奇質感非常鬆化，草莓味道較薄，不及朱古力味嚟得突出。

牛油曲奇

佢嘅外形就令我想起童年啲街坊餅店所做嘅曲奇，奇華嘅牛油曲奇極富牛油香，入口鬆化到好似一陣風咁。

合桃咖啡趣寶
幾款產品中，以依一款最得我歡心，因為細細件一啖一件容易食，其主因都喺有少少合桃碎添加咗口感，又有咖啡嘅香味，實在好食到一粒接一粒。

椰絲蛋白曲奇

喺唧花曲奇嘅一種，形狀有點似花塔餅，因為成份加入蛋白，所以咬落脆身啲，又有啲椰子香味。

雖然曲奇系列停咗一段長時間，但有心嘅朋友總會讓我久唔久有機會又寫吓曲奇食評。

個人評分
味道：8 /10
環境：- /10
服務：- /10
抵食：- /10
平均每人消費：HK$0（好友送贈）

餐廳資料：
奇華餅家 Kee Wah Bakery
荃灣惠荃道22-66號綠楊坊1樓F12號舖
2417 3177