功夫點心 Kung Fu Dim Sum：點．點心．意

之前晌另一食評中講過今個春節試咗兩款蘿蔔糕，分別喺美心及功夫點心，前者已晌另一食評分享過，所以，今篇就喺介紹吓功夫點心嘅蘿蔔糕。當市面乜糕物糕，出到咩味都有嘅時候，功夫點心所做嘅仍歸於傳統，就只有臘味蘿蔔糕及椰汁年糕。

臘味蘿蔔糕 

佢哋啲蘿蔔糕同樣主要都喺落臘腸及蝦米，不過，配以粗條蘿蔔喺佢嘅特色，務求突出蘿蔔嘅清甜及口感。

除糕面有唔少臘腸及蝦米外，臘腸及蝦米亦散佈晌糕內各處，而粗條蘿蔔真喺清晰可見。功夫點心嘅蘿蔔糕比起美心嘅晌質感上挺身啲，輕煎後亦無咁易散，入口蘿蔔味不俗，一條條嘅蘿蔔味道清甜，不過，整體味道稍鹹，臘腸感覺未夠鮮味。

椰汁年糕 

至於椰汁年糕，無乜花臣嘢，賣嘅喺簡簡單單嘅傳統味道，一時急住食，煎好後嘅成品連相都忘記影。老實講，啲椰汁年糕煎好出嚟間間店個樣都差唔多，而功夫點心嘅椰汁年糕都做得唔錯，軟糯唔黏牙，煎耐少少帶些少焦香，食落淡淡椰香，比起佢哋嘅蘿蔔糕，小弟就覺得年糕好食啲。

兩款賀年糕點標榜喺香港製造，讓客人更有信心其品質保證！晌度趁機都多謝友人嘅點點心意，讓小弟同家人可以多試兩款賀年糕點。

個人評分
味道：6/10
環境：- /10
服務：- /10
抵食：- /10
平均每人消費：HK$0（好友送贈）

餐廳資料：
功夫點心 Kung Fu Dim Sum
尖沙咀廣東道33號中港城2座平台4號舖
2836 6788