打開盒內共有5款賀年零食：熊貓曲奇（4件）、炒米餅（4件）、炸油角（4件）、手製南棗合桃糕（5件）及手製南瓜籽脆糖（5件），各有特色，全部獨立包裝，乾淨衛生。其中曲奇、合桃糕、脆糖都曾試過，的話好食，所以，百試不厭。
熊貓曲奇
超萌嘅熊貓造型喺其賣點，曲奇質感非常鬆化，牛油曲奇夾朱古力曲奇，前者香，後者濃，平衡好食。
炒米餅
細細時經常食嘅賀年嘢，入口先脆後鬆化，又好有杏仁及花生香，嗒落仲有粒粒杏仁及花生粒，絕無欺場。
炸油角
細個年年幫姑媽摺油角，我摺油角都好有一手架，不過，越嚟越少食炸油角喇。啲油角都頗香脆，外皮酥香，內裡填滿花生粒及白芝麻，又唔太甜，實在不俗。
手製南棗合桃糕
南棗合桃糕煙糯卻唔黏牙，南棗味濃，又混有好多合桃，甜中帶苦，又夠咬口；此外，南棗、合桃都喺有益嘅食材，尤其對女生而言，更加啱食，所以，老婆超鍾意。
手製南瓜籽脆糖
單單就喺南瓜籽配麥芽糖嘅組合，就已經做出酥脆香甜嘅脆糖，甜而不膩，南瓜籽有降血脂之效，又喺屬於健康食材，不過，始終喺甜嘢，適可而止啦。
過年除咗糖果，又點少得啲糕點！早前晌奇華嘅工作坊試過佢哋全新推出嘅「紅棗糖年糕」（$85），覺得幾好食，所以，趁過年都煎番一底俾老婆試，順便作為是日早餐。其包裝好有過年意景，盒面印有小孩拜年彩繪，熱鬧高興，仲寫住「步步糕陞」。
年糕色澤較深，成份好簡單，就只有紅棗蓉、木薯澱粉、片糖同埋糯米粉，更重要喺無咩添加嘛！況且，紅棗營養豐富，可補氣血，可講喺女生恩物，所以，又喺好啱老婆食。沾蛋漿煎喺最基本，唔怕疊起時黐埋一嚿嚿。
無添加，又無乜化學嘢或調味劑
紅棗糖年糕
年糕食起嚟棗味馥郁突出，唔知喺咪加咗木薯澱粉，黏糯煙韌中帶有少少「爽」嘅感覺，上次晌工作坊食嘅時候都唔覺，總之，同樣好味，配啖熱茶，就喺我哋大年初一嘅早餐。
今年收到朋友及親友嘅糕點唔算多，但加埋老婆自家製嘅蘿蔔糕，都夠晒過年依幾日食！
個人評分
味道：8/10
環境：7/10
服務：8/10
抵食：8/10
平均每人消費：HK$50
味道：8/10
環境：7/10
服務：8/10
抵食：8/10
平均每人消費：HK$50
餐廳資料：
奇華餅家 Kee Wah Bakery
荔枝角青山道666號
2743 7727
2743 7727
沒有留言:
發佈留言