BBQ for Friend：烤友好「燒」息

最近在IG發現到這一家主力賣「加州風味燒烤」的網店，店主更分享如何成就出曾曾祖父留落嚟嘅秘製醬汁食譜，希望藉此跟大家分享這家傳滋味。如要訂購，可瀏覽店家網頁https://bbqforfriends.com/。今日，就趁中秋，在家人屋企做節（只喺樓上棲下），各人都負責一啲菜式，就訂了一份來充場面，哈哈！

燒肋骨都喺燒製好嘅，即食當然風味最佳，不過，網頁都有介紹，如果唔喺即食，可以以密實袋放入冰箱封存5-7日，然後，以氣炸鍋或焗爐翻熱都得。但翻熱時，記得冚上錫紙，避免烤乾或烤濃。

打開包裝盒，1/2塊烤肋骨（$200）嘅份量可不少（有兩大件），而且，那獨家秘製嘅燒烤醬真喺非常之香。以鉸剪剪開一件件時，已感覺到肉質非常之鬆化，小試一口，確喺好軟腍，而且，充滿肉香，醬汁極為香濃惹味，喜歡食烤肋骨嘅朋友一定食上癮。咁嘅價錢，晌出面嘅美式餐廳可能只有一半份量。

另外，亦選了一份烤豆（$35），咪以為喺茄汁豆咁樣，風味完全唔同，同樣以獨特醬汁做，帶少少墨西哥風味，啲豆好腍，個汁亦好好味，個人覺得撈飯、撈意粉一流。

最後，當然食到大家都啜晒手指啦，更話好過出面唔少美式餐廳嘅出品，仲讚小弟有一手，不過，我話喺買番嚟，焗番熱再上碟而且，未有咁叻識整呢一味烤肋骨，但可以研究下次試整嘅。

個人評分
味道：9/10
環境：-/10
服務：-/10
抵食：-/10
平均每人消費：HK$50

餐廳資料：
BBQ for Friend
https://bbqforfriends.com/