愛甜心甜品 Loving desserts：甜美．稱心

同表姨甥女去完「馬丁王越式法包」重溫越式法包嘅滋味，我同佢都鍾意食甜品，所以，就順便晌附近再搵個地方食甜品兼降吓溫。晌網上搵搵，佐敦區嘅甜品都多不勝數，「愛甜心」未試過喎，貪新鮮，就一於喺佢。

馬丁王越式法包 Vuong's French Sandwich：越食越有脆

表甥生女年初先去完胡志明，又話九月中去蜆港，我話使唔使去越南去得咁密呀？佢話機票平，食住又平，玩三五日輕鬆吓，叉叉電，不知幾爽，而且，啲嘢又啱佢食，尤其越式法包，佢話特別鍾意。聽佢咁講，不如帶佢試試佐敦嘅「馬丁王越式法包」，差唔多4年前食過一次，印象記得確喺有水準，而且，夠正宗。

NINETYs：九仰大名

托賴，算搵到個錢，有機會前後去過澳洲旅行兩次，到訪過悉尼、墨爾本、朗塞斯頓及荷伯特（塔斯曼尼亞）等幾個地方，加上小弟本身都幾鍾意嘆咖啡，好欣賞及享受當地嘅咖啡店餐廳文化，故最近從朋友口中得知晌灣仔有家帶澳洲風嘅咖啡店餐廳，風評不俗，正所謂久仰大名，專程走過嚟重溫澳洲嘅咖啡滋味。

Wooden House：拭木以待

意大利菜喺小弟心水嘅其中一個菜系，或許因為意大利菜晌香港較普及，又因唔少意大利麵、薄餅專門店開設嘅關係，較多接觸，較多了解。但人大咗，閱歷多咗，認識到單單意大利麵可以喺一個大世界，層次更可以好唔同。早幾個月前，晌深水埗遇過一家主打手工意大利麵嘅餐廳「Eatalian」，今晚嚟到「Wooden House」，同樣喺為到再嚐手工意大利麵。

街坊Cafe Kaifong Cafe：街大歡喜

如果同你講，去咗間街坊餐廳食嘢，即時聯想到嘅喺啲小店呀，賣嘅嘢普普通通呀，環境可能地踎少少呀……等等。但今日 同親友嚟茶聚嘅地點「街坊Cafe 」，雖位處女人街內側，話就話店名叫「街坊」，但就絕對唔「街坊」。

藍象泰國餐廳 Blue Elephant Thai Brasserie：向海．藍

趁住個博物館証6月底到期，作為最後衝刺，就趁個星期六晏晝去一轉剛翻新嘅太空館。其實兩個月前就去過一次，點知揸証都要網上預約，真麻煩，查實當時見人流唔多。今回做足準備，預約好晒1:00-3:00pm時段，整整睇咗個半鐘，根本人就唔多，但就算喺咁，都唔會再俾人入，制度疆化到不得了。呻完，最好搵啲好嘢食緩和一下心情，三點幾最好就下午茶，知道海港城嘅「 藍象泰國餐廳」定價唔平，不過，見佢推出咗「高茶」，只喺賣$168（二人份），又試得過吓喎。

Express Bar by Lassana：從善如榴

無刻意去留意，但感覺「Express Bar」呢家連鎖咖啡店近年做得唔錯，分店亦越開越多，不過，所開嘅地點都喺唔多就我腳，好似觀塘區、天后區，唔知幾時開到嚟中環區、美孚區？咁啱因事過開天后一帶，路經呢家分店，見到出咗隻法式焦糖榴槤芝士蛋糕（Creme Burlee Durian Cheesecake），法式焦糖、榴槤、芝士都喺心水甜點元素，老婆又鍾意食榴槤，點都要試一試。

叄嵐日本燒鳥串燒居酒屋 Arashi-Sann Japanese Restaurant and Bar：嵐色星期一

周末後嘅Blue Monday，喺晌工作上未上力嘅日子，最好就同朋友聚吓餐、食吓飯。是晚嚟到灣仔嘅「叄嵐 」食晚飯，初初睇地址時都有少少眼熟，嚟到餐廳門口，就知即喺以前「香港郵意明信片航海主題咖啡廳」嘅舊址，估唔到轉眼由咖啡店轉為日本餐廳，因為早前先晌尖沙咀光顧過「香港郵意」，否則，仲以前佢執咗笠添。

正 麻辣·茶·雲吞：冷麵正傳

隨着長沙灣嘅蘇屋邨落成，呢頭嘅保安道、順寧道一帶開始多咗啲變化，第一樣明顯喺多咗啲食肆進駐。因為好幾個親友都喺住附近，所以，久唔久都會嚟開呢頭，見有家新餐廳「正」賣麵、茶、雲吞，順道探開親友後好奇嚟試試。

西班牙小食坊 Spanish Tapas Place：滋味良坊

唔知點解，觀塘「東廣場」地下層搞吓搞吓變咗個「美食廣場」，香港人一向都鍾意食，正所謂民以食為先，以前都去改啲由死場改為美食廣場而翻生番。今次到訪嘅「西班牙小食坊」雖然位處其內，但用餐區有鋪外，亦有入鋪嘅鋪內，加上有啲裝修，唔會太街坊。間唔時有朋友問，搵好嘢食有咩良方，我會講笑咁話，睇小弟啲食評囉，哈哈！

莆田 Putien：捧福開懷

一年一度到鑽石山墳場掃墓，以往就會晌返附近搵食，今次就同家人落咗荷里活廣場食晏。認識福建菜、福建嘅食材，都喺始於「莆田」，其實，晌香港賣福建菜嘅餐廳都屬小眾，唔似得京川滬呢幾個菜系。故此，帶佢哋試試咩喺福建菜，不經不覺，佢已經喺米芝蓮一星餐廳。

韓閣 Korean Loft Cafe：親民韓風

行完山，又要返荃灣聚會，最好嚟路德圍呢邊搵食，因為選擇十分之多，而且，唔少食店賣嘅嘢有特色，定價亦好大眾化。「韓閣」就喺其中一家，賣韓國菜，菜式種類多，價錢貼地，吸引到唔少年輕人幫襯。

Chotto Maki：Let it Goal! Let it Roll!

好幾次食完晏經過，都見到呢家壽司卷物店「Chotto Maki 」都堆滿食客，因為門口都有餐牌，所以，就停落嚟睇睇，款式都頗為特別。近排正值俄羅斯世界盃，早場開8:00pm，食得多薄餅，不如睇住世界盃，食住卷物，都喺個唔錯嘅選擇。

喜双逢 Joy & Joy：即興双逢

有位好兄弟，不時都相約行山，話題又啱傾啱講，是日工作唔太忙，相約食晏晝飯，當然奉陪啦。由最初話食「大家樂」，變咗嚟「喜双逢」飲茶，絕對喺即興。

The Joomak：韓食新元素

一講韓國菜，即刻諗起有韓燒、炸雞、拌飯、部隊鍋……等等大魚大肉嘅款式，但一講到食素就極少會聯想到韓菜，今晚就嚟到嘅「The Joomak」，一向做開新派韓菜，近排就出咗個素菜 x 韓菜聯乘嘅菜單，貪得意試試會喺點！

Espuma：開懷午餐

香港人一向俾人印象都喺好忙碌，有時朋友間約食餐飯都唔容易，有啲人要加班難預時間，有啲人要照顧屋企難就時間，各有原因，各有苦衷。如果彼此工作地點近就可以食餐晏仔，中環一向搵食難，放飯時間周圍都喺人，所以，俾多少少搵間餐廳好坐啲，又舒服嘅跟朋友聚一聚。Espuma幾年前嚟話過，記得環境唔錯，食物又有一定水準，較安心同朋友嚟用餐。

麵屋黑岩 Kuroiwa Ramen：精打細蒜好脂味

上回晌「軟橋」食過米苔目，路經見有家拉麵店「黑岩」，鋪門就似模似樣，門口掛住大大個日式燈籠好易望到。因為晌門口都貼有餐牌，拉麵定價都喺$68/$78，都試得過喎，再者，都有近半年無食過拉麵，所以，就趁過開嚟深水埗黃金買嘢，就食完碗拉麵先返屋企。

Today's Food Lab：有營有款

現代人講嘢越嚟越講求健康，所以，一啲以健康掛帥嘅店子當然大有市場，友人就推介咗呢間小店「Today's Food Lab」俾我，以多種新鮮蔬菜，配搭出唔同嘅餐盒，以健康有營為主。

洛煮意 Kaylaism：洛在其中

又有啲嘢搵表哥交收，所以，順道約佢食餐晏，因為表姪女仲考緊試，故此就無約佢一家，只喺同表哥兩支公撐吓枱腳而已。隨心晌網上亂點，搵到「洛煮意」，純粹見人貼出嘅「香烤蜜糖芝士牛肉三文治」賣相吸引。

多味吉 Kirugisu：味吉．羊一

呢間「多味吉」喺住晌葵涌區嘅老友介紹，佢話喺佢嘅秘點飯堂，原來因無他嘅，啲串燒即點即燒，定價親民，小店就更加要撐。是夜趁住返小組，順道走訪一下，試試喺咪咁堅。

香港郵意 Postcollectionhk Cafe：意郵未盡

大概年半前，到訪過一次「香港郵意明信片航海主題咖啡廳」，當時仲喺開晌灣仔嘅一條後巷，貪佢一派悠然，環境有個性，咖啡亦沖調得唔錯。最近，睇到食友嘅食評，先知搬咗過嚟尖沙咀嘅「首都廣場」，繼之前去過荃灣嘅「地皇廣場」，又一個劏場變死場，真喺唔知「香港郵意」開晌度有無得搞。

阿公麵店 The Public Chinese Noodle：川菜公略

無正式統計或查証，但感覺上近年開多咗好多賣四川菜、重慶菜嘅菜館，而且喺小店居多。是日就嚟到荃灣「地皇廣場」，曾經喺死城嘅劏場，原來依家一樓變成「大食皇」美食廣場，場內仲有唔少特色小店，「阿公麵店」就喺其中一家。