Arome Bakery Room東海堂：驚喜豈止如此．心の恋人

早前1月尾應邀出席咗東海堂「恋の盛宴」情人節蛋糕嘅發佈試食會，當日已經先試為快兩個焦點蛋糕「白い草莓」及「赤い草莓」，尤其前者，一期一會嘅珍罕之味，相信一眾出席者已心感滿意足。誰知驚喜豈止如此，店方更慷慨送贈每位一張「心の恋人」換領券，讓大家於情人節前夕可以再次品嚐到士多啤梨嘅魅力。

當日有得賣嘅情人節蛋榚。

「心の恋人」跟cake little系列嘅蛋糕差唔多大細，最適合3-4人分享，而包裝小巧精緻，餅盒設計亦便於攜帶。

其實「心の恋人」（$138）喺雜莓慕絲蛋糕，先講外型，立體紅心為記，配以格仔網紋，並用特製噴槍做出紅粉絨面，賣相雅緻，極具心思，又有種讓人感到甜蜜幸福嘅感覺，非常浪漫。蛋糕底層及中層喺原味海綿蛋糕，配上雜莓慕絲及新鮮士多啤梨果肉，慕絲做得柔滑輕盈，酸中帶甜，甜酸度夠晒平衡，如果多啲士多啤梨果肉就更正。雖然食評出街之日已經過晒情人節，但要氹你嘅至愛，唔講你都一早知要做乜嘢啦。

個人評分
味道：8/10
環境：7/10
服務：8/10
抵食：8/10
平均每人消費：HK$138（贈品）

餐廳資料：
東海堂
美孚港鐵美孚站8號舖
2742 6811
2742 6811