主餐牌大大本,今次就無影晒,只喺影咗我哋有嗌嗰版,另外,仲有個精選午餐餐牌,每日都有6款選擇 包餐湯及熱飲。
是日餐湯
細佬就嗌精選午餐,餐廳都喺茶記嘅標準:紅湯、白湯,佢就要咗紅湯(雜菜湯),味道OK啦,料多,酸酸香香,夠平穩。
細佬就嗌精選午餐,餐廳都喺茶記嘅標準:紅湯、白湯,佢就要咗紅湯(雜菜湯),味道OK啦,料多,酸酸香香,夠平穩。
焗葡汁雞皇飯 $58
因為喺是日精選午餐,所以,好快就送到嚟。睇外觀感覺好似幾正咁,食落又會係點呢?細佬就話個葡汁聞落幾香,但食落唔夠椰子香味,唔叫差,但未有食到好開心嘅感覺,幸而啲雞肉就都嫩滑,拉番啲分。精選常餐 $52
細妹就揀咗常餐,主食都有四款選擇,佢就揀咗「瑞士汁雞翼撈螺絲粉」,啲雞翼上晒色,睇樣又喺幾唔錯喎,細妹就話幾入味,幾好食,啲螺絲粉亦都煮得夠咬口,不過,就喺好唔夠汁囉,食到尾段好乾。
另外常餐仲包咗腸仔(或火腿)、炒蛋配丹麥多士,啲炒滑蛋就炒得一流,香滑又夠份量,腸仔都喺普普通咁嘅雞肉腸,本應丹麥多士本身就幾好食,不過,細妹就嫌佢烘燶咗啲。細妹就揀咗常餐,主食都有四款選擇,佢就揀咗「瑞士汁雞翼撈螺絲粉」,啲雞翼上晒色,睇樣又喺幾唔錯喎,細妹就話幾入味,幾好食,啲螺絲粉亦都煮得夠咬口,不過,就喺好唔夠汁囉,食到尾段好乾。
炸雞髀煎蛋飯配特製蔥油 $53
小弟就睇啱招牌蔥油系列,炸髀蔥油夠晒唔健康,但啱我囉,難得老婆今次唔得閒嚟,當然放縱少少食返個邪惡碟頭飯啦。先講隻炸髀,確喺有料到喎,大大隻有眼你睇,而且,炸得甘香,咬落去層皮咔咔聲咁脆,又唔覺得好油膩,啲雞髀肉亦都好嫩滑,又入曬未;蔥油亦都俾得好手鬆,加埋啲蛋漿撈飯食,真喺可以講淨食蛋漿蔥油撈飯都夠呀!
熱奶茶
嚟到茶記,我都喺忠於飲番杯熱奶茶,雖然睇表面好似泡多啲,但味道確喺唔失禮,茶底醇厚芳香,茶奶比例又啱啱好,雖未至於絲咁滑,但入口都算好順口。今餐啲嘢食幾唔錯,不過服務就真喺有啲亂,我哋同隔離張二人枱喺同枱號,但分為A枱、B枱,咁啱我哋喺同時間點餐,點嘅嘢部份又有啲相似,但送餐就送到亂晒籠,其實啲阿姐啲態度都好好嘅,相信喺比較新手。
個人評分
味道:8/10
環境:7/10
服務:7/10
抵食:8/10
平均每人消費:HK$56
環境:7/10
服務:7/10
抵食:8/10
平均每人消費:HK$56
餐廳資料:
木椰餐廳 MY CAFE
地址:慈雲山毓華街23號慈雲山中心5樓524號舖
電話:2752 8018
木椰餐廳 MY CAFE
地址:慈雲山毓華街23號慈雲山中心5樓524號舖
電話:2752 8018
沒有留言:
發佈留言